ຂ່າວສານ

ໄຂງານວາງສະແດງ “ໂຮ່ຈີມິນ - ສາຍາລັກຜູ້ນຳທີ່ຍິ່ງໃຫຍ່”

01/09/2023

ເພື່ອຂ່ຳນັບຮັບຕ້ອນວັນຊາດທີ 2 ກັນຍາ, ຕອນເຊົ້າວັນທີ 31 ສິງຫາ, ຫໍພິພິທະພັນ ໂຮ່ຈີມິນ ເທື່ອທຽນເຫວະ ໄດ້ໄຂງານວາງສະແດງດ້ວຍຫົວຂໍ້ “ໂຮ່ຈີມິນ - ສາຍາລັກຜູ້ນຳທີ່ຍິ່ງໃຫຍ່”.

ງານວາງສະແດງດຳເນີນຮອດທ້າຍເດືອນມັງກອນ 2024 ຈຶ່ງອັດລົງ (ພາບ:TTXVN)

ງານວາງສະແດງໄດ້ແນະນຳຮູບພາບ, ຮູບຖ່າຍ ແລະ ເອກະສານກວ່າ 200 ຢ່າງກ່ຽວກັບປະທານໂຮ່ຈີມິນ, ຊີວິດ ແລະ ພາລະກິດປະຕິວັດຂອງເພິ່ນ. ງານວາງສະແດງດັ່ງກ່າວ ຊ່ວຍໃຫ້ມະຫາຊົນ, ພິເສດແມ່ນຄົນລຸ້ນໜຸ່ມ, ມີຄວາມເຂົ້າໃຈຢ່າງເລິກເຊິ່ງກ່ຽວກັບຊີວິດ, ພາລະກິດ, ແນວຄິດ, ຄຸນສົມບັດ, ແບບແຜນການດຳລົງຊີວິດຂອງປະທານໂຮ່ຈີມິນ - ຜູ້ນຳດີເລີດເພື່ອພາລະກິດປະຕິວັດຂອງຊາດ ແລະ ເຕັມໄປດ້ວຍນ້ຳໃຈເມດຕາປານີ, ບໍລິສຸດຜຸດຜ່ອງ, ລຽບງ່າຍໃນຊີວິດປະຈຳວັນ. ແຂວງ ເທື່ອທຽນເຫວະ ກໍເປັນບ່ອນທີ່ປະທານ ໂຮ່ຈີມິນໄດ້ຕິດພັນໃນຄາວເຍົາໄວ ແລະ ເຕີບໃຫຍ່ເທື່ອລະກ້າວ ດ້ວຍການເຄື່ອນໄຫວຮັກຊາດທຳອິດ.

ງານວາງສະແດງດັ່ງກ່າວໄດ້ດຳເນີນຮອດທ້າຍເດືອນມັງກອນ 2024 ຈຶ່ງອັດລົງ.

(ແຫຼ່ງຄັດຈາກ VOV)

ໂອກາດຢຸດຕິການປະທະກັນຢູ່ພາກພື້ນຕາເວັນອອກກາງ ຈາກແຜນການ 15 ຂໍ້

28/03/2026
ຂ່າວສານ

ພາຍຫຼັງການປະທະກັນຢູ່ພາກພື້ນຕາເວັນອອກກາງ ລະຫວ່າງ ອາເມລິກາ - ອິດສະລາແອັນກັບອີຣານ ລະເບີດຂຶ້ນເປັນເວລາ 1 ເດືອນ ແລະ ມີຄວາມເຄັ່ງຕຶງເພີ່ມຂຶ້ນຢ່າງແຮງນັ້ນ ເປັນຄັ້ງທຳອິດ ການປະທະກັນນັ້ນມີໂອກາດໄດ້ຮັບການແກ້ໄຂດ້ວຍເສັ້ນທາງໂອ້ລົມສົນທະນາ, ເມື່ອຝ່າຍອາເມລິກາ ສະເໜີ ແຜນການ 15 ຂໍ້ ກັບອີຣານ ເພື່ອແນໃສ່ຢຸດຕິການປະທະກັນ. ເຖິງຢ່າງໃດກໍຕາມ, ບັນດາຄວາມສ່ຽງການປະທະກັນເພີ່ມຂຶ້ນແມ່ນຍັງໃຫຍ່ຫຼວງທີ່ສຸດ.