ກອງປະຊຸມຄົບຄະນະຂອງສະພາແຫ່ງຊາດຢູ່ກອງປະຊຸມສະໄໝສາມັນເທື່ອທີ 9, ສະພາແຫ່ງຊາດ ຫວຽດນາມ ຊຸດທີ XV (ພາບ: VOV)

ເຂົ້າຮ່ວມ ແລະ ເປັນປະທານຮ່ວມທີ່ກອງປະຊຸມສໍາມະນາ ມີທ່ານ ເຈິ່ນແທັງເໝິນ ປະທານສະພາແຫ່ງຊາດ ຫວຽດນາມ; ທ່ານ ເຈິ່ນເກີມຕູ ຜູ້ປະຈຳການຄະນະເລຂາທິການສູນກາງພັກຄອມມູນິດ ຫວຽດນາມ; ທ່ານ ຫງວຽນຊວັນຖັງ ຜູ້ອຳນວຍການສະຖາບັນການເມືອງແຫ່ງຊາດ ໂຮ່ຈີມິນ, ປະທານສະພາທິດສະດີສູນກາງພັກຄອມມູນິດ ຫວຽດນາມ; ທ່ານນາງ ຫງວຽນທິແທັງ, ຮອງປະທານສະພາແຫງຊາດ ຫວຽດນາມ ແລະ ທ່ານ ມາຍວັນຈິງ ຮອງນາຍົກລັດຖະມົນຕີ ຫວຽດນາມ.

ກອງປະຊຸມສຳມະນາແມ່ນໂອກາດເພື່ອຫວນຄືນໄລຍະທາງ 80 ປີ (1945 – 2025) ແຫ່ງການສ້າງຕັ້ງ ແລະ ພັດທະນາຂອງສະພາແຫ່ງຊາດ ຫວຽດນາມ, ຢັ້ງຢືນບັນດາຄຸນຄ່າປະຫວັດສາດ ແລະ ບົດບາດໃຈກາງຂອງສະພາແຫ່ງຊາດໃນລະບົບການເມືອງ; ພ້ອມທັງສະຫຼຸບບັນດາຜົນງານ, ບົດຮຽນປະສົບການ, ຊີ້ແຈ້ງບັນດາຄວາມຮຽກຮ້ອງປ່ຽນແປງໃໝ່ເພື່ອຍົກສູງປະສິດທິພາບ, ປະສິດທິຜົນການເຄື່ອນໄຫວໃນໄລຍະໃໝ່.