ສະຫະພາບເອີລົບ ຫລື ອີຢູ ຖືໃບຢັ້ງຢືນດີຈີຕອນໂຄວິດຂອງກຸ່ມນີ້ ແມ່ນຜົນສຳເລັດໜຶ່ງຍ້ອນວ່າ ມັນໄດ້ຟື້ນຟູກ່ວາ 70% ການຈໍລະຈອນທາງການບິນທີ່ຖືກຫລຸດລົງ ຍ້ອນການຈຳກັດໄປມາກ່ຽວຂ້ອງເຖິງການແຜ່ບະບາດຂອງເຊື້ອໄວຣັດ SARS-CoV-2. ໃນການປະກາດກັບວົງການນັກຂ່າວເມື່ອວັນທີ 2 ກັນຍາ, ໂຄສົກຂອງຄະນະກຳມະການເອີລົບ ຫຼືອີຊີ ເນັ້ນໜັກວ່າ: ໃບຢັ້ງຢືນດີຈີຕອນໂຄວິດຂອງເອີລົບ ແມ່ນສັນຍາລັກຂອງເອີລົບ ແຫ່ງການເປີດເຜີຍ ແລະ ປອດໄພ ຊື່ງໄດ້ນຳມາເຊິ່ງຄວາມເຊື່ອໝັັ້ນຕົນເອງ ໃຫ້ແກ່ແຂກທ່ອງທ່ຽວ ເພື່ອໄປທ່ອງທ່ຽວຢ່າງປອດໄພໃນ ອີຢູ ໃນລະດູແລ້ງປີນີ້.
ໃບຢັ້ງຢືນດີຈີຕອນໂຄວິດຂອງເອີລົບ ໄດ້ສ້າງເງື່ອນໄຂໄປມາຢ່າງປອດໄພລະຫວ່າງບັນດາປະເທດພາຍໃນກຸ່ມ ໃນໄລຍະເກີດໂລກລະບາດ. ນັບແຕ່ໄດ້ເປີດຕົວເມື່ອເດືອນກໍລະກົດຜ່ານມາ, ກໍ່ມີໃບຢັ້ງຢືນດີຈີຕອນໂຄວິດຂອງເອີລົບ ທັງໝົດ 400 ລ້ານໃບໄດ້ປະກາດໃຊ້ແລ້ວ. ອີຊີ ໃຫ້ຮູ້ວ່າ ຫຼາຍປະເທດໃນໂລກໄດ້ຈົດທະບຽນເຂົ້າຮ່ວມຂໍ້ລິເລີ່ມນີ້ແລ້ວ.
(ແຫຼ່ງຄັດຈາກ VOV)
