ຂ່າວສານ

ໂລກລະບາດ Covid – 19 ຢູ່ ຫວຽດນາມ: ບໍ່ປະກົດມີຜູ້ຕິດເຊື້ອໃໝ່ໃນມື້ທີ 3 ຢ່າງລຽນຕິດ

20/04/2020

ຄະນະຊີ້ນຳແຫ່ງຊາດກ່ຽວກັບການປ້ອງກັນ, ສະກັດກັ້ນໂລກລະບາດ Covid – 19 ໃຫ້ຮູ້ວ່າ ໄລ່ຮອດເວລາ 6 ໂມງຂອງວັນທີ 19 ເມສາ, ຫວຽດນາມສືບຕໍ່ຢັ້ງຢືນບໍ່ມີຜູ້ຕິດເຊື້ອໃໝ່ຈັກຄົນ.

ພາບປະກອບ: TTXVN

ເປັນອັນວ່າໃນ 3 ມືຢ່າງລຽນຕິດ ຫວຽດນາມບໍ່ປະກົດມີຜູ້ຕິດເຊື້ອໃໝ່ຕື່ມອີກ, ຍອດຈຳນວນຜູ້ຕິດເຊື້ອCovid – 19 ຍັງຄົງແມ່ນ 268 ຄົນ ໃນນັ້ນ 160 ກໍລະນີມາຈາກຕ່າງປະເທດ, 108 ກໍລະນີ ຕິດແປດໃນວົງຄະນະຍາດ. ຈຳນວນຜູ້ຕິດເຊື້ອ Covid – 19 ໄດ້ຮັບການປິ່ນປົວຫາຍດີເປັນປົກກະຕິ ແມ່ນ 201 ຄົນ. ປັດຈຸບັນທົ່ວປະເທດມີຄົນເຈັບ 67 ຄົນ ໃນນັ້ນ 66 ຄົນແມ່ນຊາວ ຫວຽດນາມ ແລະ 1 ຄົນແມ່ນຊາວຕ່າງປະເທດ ພວມໄດ້ຮັບກາປິ່ນປົວຢູ່ໂຮງໝໍ 11 ແຫ່ງ, ຄົນເຈັບເກືອບທັງໝົດລ້ວນແຕ່ມີອາການເປັນປົກກະຕິ ມີພຽງ 3 ກໍລະນີແມ່ນມີອາການໜັກເທົ່ານັ້ນ.

(ແຫຼ່ງຄັດຈາກ VOV)

ຫວຽດນາມ ມີຜູ້ພິພາກສາ ຢູ່ສານກົດໝາຍທະເລສາກົນ ເປັນຄັ້ງທຳອິດ

19/06/2026
ຂ່າວສານ

ວັນທີ 18 ມິຖຸນາ, ໃນຂອບເຂດກອງປະຊຸມຄັ້ງທີ 36 ຂອງ ບັນດາປະເທດພາຄີ ສົນທິສັນຍາອົງການສະຫະປະຊາຊາດ ກ່ຽວກັບກົດໝາຍທະເລ (UNCLOS) ທີ່ສຳນັກງານໃຫຍ່ ອົງການສະຫະປະຊາຊາດ (ສປຊ) ຢູ່ ນິວຢອກ (ສ ອາເມລິກາ), ທ່ານນາງ ຮສຈ. ປອ ຫງວຽນທິລານແອັງ, ຮອງຜູ້ນຳນວຍການ ສະຖາບັນການຕ່າງປະເທດ, ຜູ້ສະໝັກຮັບເລືອກຕັ້ງ ຂອງ ຫວຽດນາມ ໄດ້ຮັບເລືອກຕັ້ງ ເຂົ້າໃນຕຳແໜ່ງ ຜູ້ພິພາກສາ ສານກົດໝາຍທະເລສາກົນ (ITLOS) ອາຍຸການ 2026-2035 ດ້ວຍຄະແນນສຽງສູງສຸດ ໃນພາກພື້ນ ອາຊີ - ປາຊີຟິກ.