ຂ່າວສານ

ໂລກລະບາດ Covid -19: ອີຕາລີຮຽກຮ້ອງໃຫ້ EU ໝູນໃຊ້ ກົນໄກເຮັດໃຫ້ ເອີລົບມີຄວາມໝັ້ນຄົງທີ່ສຸດ

22/03/2020

ວັນທີ 20 ມີນາ, ທ່ານ Giuseppe Conte ນາຍົກລັດຖະມົນຕີ ອີຕາລີ ໄດ້ຮຽກຮ້ອງໃຫ້ສະຫະພາບ ເອີລົບ (EU) ໝູນໃຊ້ກອງທຶນຊ່ວຍເຫຼືອໃຫ້ໄດ້ຫຼາຍທີ່ສຸດ ເພື່ອແນໃສ່ຮັບມືກັບໂລກລະບາດ Covid 19 ທີ່ພວມມີການແຜ່ລາມອອກສູ່ ວົງກ້ວາງຢູ່ເອີລົບ.

ແພດໝໍດູແລຄົນເຈັບຕິດໂລກລະບາດ Covid – 19 ຢູ່ໂຮງໝໍ ຢູ່ອີຕາລີ ໃນວັນທີ 17 ມີນາ 2020 (ພາບ: AFP/TTXVN)

ໃນການຕອບສຳພາດຕໍ່ນັກຂ່າວໜັງສືພິມ Financial Times ທ່ານ Giuseppe Conte ໄດ້ເລັ່ງລັດໃຫ້ EU ດັດປັບກົນໄກຄວາມໝັ້ນຄົງເອີລົບ (ESM) ໂດຍແມ່ນກອງທຶນຊ່ວຍເຫຼືອປະຈຳຂອງບັນດາປະເທດຢູ່ພາກພື້ນນຳໃຊ້ເງິນຕາລວມເອີລົບ (Eurozone) ເພື່ອປັບຕົວເຂົ້າກັບການຮັບມືກັບໂລກລະບາດ Covid -19.

ຕາມທ່ານ Giuseppe Conte ແລ້ວ, ESM ໄດ້ສ້າງຕັ້ງຂຶ້ນແມ່ນເພື່ອແນໃສ່ຮັບມືກັບວິກິດການທີ່ແຕກຕ່າງກັນ, ດັ່ງນັ້ນຕ້ອງດັດປັບເພື່ອໃຫ້ມີການຮັບມືຢ່າງເໝາະສົມກັບສະພາບການໃນປັດຈຸບັນ, ຈາກນັ້ນຈະຊ່ວຍໃຫ້ EU ໝູນໃຊ້ແຫຼ່ງກອງທຶນນີ້ໃຫ້ດີທີ່ສຸດ.

(ແຫຼ່ງຄັດຈາກ VOV)

ທ່ານປະທານສະພາແຫ່ງຊາດ ເຈິ່ນແທັງເໝີ້ນ ໂອ້ລົມສົນທະນາກັບສັນຕະປະປາສຳນັກ ວາຕີກັງ Leo XIV

13/04/2026
ຂ່າວສານ

ໃນການຢ້ຽມຢາມ ສ.ອີຕາລີ ຢ່າງເປັນທາງການ, ຕອນທ່ຽງວັນທີ 11 ເມສາ (ຕາມເວລາທ້ອງຖິ່ນ) ຢູ່ ວາຕີກັງ, ທ່ານ ເຈິ່ນແທັງເໝີ້ນ, ປະທານສະພາແຫ່ງຊາດ ຫວຽດນາມ ໄດ້ມີການໂອ້ສົມສົນທະນາກັບ ສັນຕະປະປາ Leo XIV.