ຂ່າວສານ

ແຂວງລາວກາຍ ປະກາດບັນດາການເຄື່ອນໄຫວສະເຫຼີມສະຫຼອງ 120 ປີແຫ່ງການທ່ອງທ່ຽວ ຊາປາ

15/04/2023

ນອກຈາກນັ້ນ, ຍັງມີຫຼາຍເຫດການ, ລາຍການທີ່ເປັນເອກະລັກສະເພາະ,ຄື: ງານແຂ່ງຂັນຊີງລາງວັນບານສົ່ງຍິງສາກົນ VTV Cup, ໃນໄຕມາດ III 2023

ພາບປະກອບ

ວັນທີ 14 ເມສາ, ຢູ່ນະຄອນຫຼວງ ຮ່າໂນ້ຍ, ແຂວງ ລາວກາຍ ໄດ້ຈັດກອງປະຊຸມຖະແຫຼງຂ່າວປະກາດກ່ຽວກັບບັນດາເຫດການຕອບສະໜອງການສະເຫຼີມສະຫຼອງ 120 ປີແຫ່ງການທ່ອງທ່ຽວ ຊາປາ. ພິທີສະເຫຼີມສະຫຼອງ 120 ປີການທ່ອງທ່ຽວ ຊາປາ (1903 – 2023) ຄາດວ່າຈະຈັດຂຶ້ນໃນກາງເດືອນ ກັນຍາ 2023, ຢູ່ເທດສະບານ ຊາປາ. ພິທີສະເຫຼີມສະຫຼອງລວມມີບັນດາລາຍການສະແດງສິລະປະພິເສດ ແນະນຳເສັ້ນທາງ 120 ປີແຫ່ງການທ່ອງທ່ຽວ ຊາປາ. ນີ້ກໍ່ແມ່ນເຫດການຕອບສະໜອງປີທ່ອງທ່ຽວແຫ່ງຊາດ 2023.

ນອກຈາກນັ້ນ, ຍັງມີຫຼາຍເຫດການ, ລາຍການທີ່ເປັນເອກະລັກສະເພາະ,ຄື: ງານແຂ່ງຂັນຊີງລາງວັນບານສົ່ງຍິງສາກົນ VTV Cup, ໃນໄຕມາດ III 2023, ຢູ່ນະຄອນ ລາວກາຍ; ການທ່ອງທ່ຽວກິລາງພະຈົນໄພ ຢູ່ເຂດປ່າສະຫງວນແຫ່ງຊາດ ຮ່ວາງລຽນເຊີນ; ງານມະໂຫລານອາຫານການກິນ ສາກົນ ໃນເດືອນ ກັນຍາ ແລະ ເດືອນ ຕຸລາ ປີ 2023….

ເນື່ອງໃນໂອກາດນີ້, ແຂວງ ລາວກາຍ ຈະເປີດສະຫຼອງ, ເລີ່ມລົງມືກໍ່ສ້າງກິດຈະກຳ, ໂຄງການຈຸດສຸມສະເຫຼີມສະຫຼອງ 120 ປີແຫ່ງການທ່ອງທ່ຽວ ຊາປາ.

(ແຫຼ່ງຄັດຈາກ VOV)

ຫວຽດນາມ - ອິນໂດເນເຊຍ ຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດຮອບດ້ານ; ສອງຝ່າຍອອກຖະແຫຼງການຮ່ວມ

11/03/2025
ຂ່າວສານ

ຕອນບ່າຍວັນທີ 10 ມີນາ, ຢູ່ນະຄອນຫຼວງ ຈາກາຕາ, ປະເທດ ອິນໂດເນເຊຍ, ພາຍຫຼັງພິທີຕ້ອນຮັບຢ່າງສົມກຽດຢູ່ທຳນຽບປະທານາທິບໍດີ ວັງ Merdeka, ເລຂາທິການໃຫຍ່ຄະນະບໍລິຫານງານສູນກາງພັກຄອມມູນິດ ຫວຽດນາມ ໂຕເລິມ ໄດ້ມີການພົບປະສອງຝ່າຍກັບທ່ານປະທານາທິບໍດີ ອິນໂດເນເຊຍ Prabowo Subianto. ນະທີ່ນີ້, ການນຳສອງທ່ານໄດ້ເຫັນດີຍົກລະດັບການພົວພັນ ຫວຽດນາມ - ອິນໂດເນເຊຍ ຂຶ້ນເປັນຄູ່ຮ່ວມມືຍຸດທະສາດຮອບດ້ານ. ທ່ານເລຂາທິການໃຫຍ່ ໂຕເລິມ ແລະ ທ່ານປະທານາທິບໍດີ Prabowo Subianto ເຫັນດີສືບຕໍ່ເຮັດໃຫ້ຄວາມໄວ້ເນື້ອເຊື່ອໃຈດ້ານການເມືອງລະຫວ່າງສອງປະເທດເລິກເຊິ່ງກວ່າອີກ ໂດຍຜ່ານການແລກປ່ຽນ, ພົບປະສອງຝ່າຍ, ໂດຍສະເພາະແມ່ນຄະນະຜູ້ແທນຂັ້ນສູງໃນທຸກຊ່ອງທາງ; ຜັນຂະຫຍາຍບັນດາກົນໄກຮ່ວມມືສອງຝ່າຍຢ່າງມີປະສິດທິຜົນ, ສ້າງແຜນການເຄື່ອນໄຫວໂດຍໄວ ເພື່ອຂຸດຄົ້ນ ແລະ ຍົກລະດັບການຮ່ວມມືໃນທຸກຂົງເຂດຢ່າງມີປະສິດທິຜົນ.