ຕອນບ່າຍວັນທີ 2 ມີນາ, ຢູ່ຮ່າໂນ້ຍ, ໂດຍໄດ້ຮັບການອຸປະຖໍາຈາກຫ້ອງການການຄ້າ ແລະ ອຸດສາຫະກິດ ຫວຽດນາມ, ສະພານັກທຸລະກິດຍິງຫວຽດນາມ ໄດ້ຈັດຕັ້ງເວທີປາໄສ “ດໍາເນີນທຸລະກິດຕ້ອງມີຄວາມຮັບຜິດຊອບ - ພື້ນຖານເພື່ອບຸກທະລຸ.
ທ່ານນາງ ເຈືອງທິມາຍ ຫົວໜ້າຄະນະຂົນຂວາຍປະຊາຊົນ ສູນກາງ ກ່າວຄໍາເຫັນທີ່ເວທີປາໄສ (ພາບ:phunuvietnam.vn)
ກ່າວຄໍາເຫັນທີ່ເວທີປາໄສ, ທ່ານນາງ ເຈືອງທິມາຍ ຫົວໜ້າຄະນະຂົນຂວາຍປະຊາຊົນ ສູນກາງ ສະເໜີໃຫ້ບັນດານັກທຸລະກິດຍິງຫວຽດນາມຈົ່ງຍົກສູງຄວາມຮັບຜິດຊອບ ຕໍ່ຊາວຜູ້ອອກແຮງງານ, ສັງຄົມ ແລະ ປະເທດຊາດ. ຫ້ອງການການຄ້າ ແລະ ອຸດສາຫະກໍາຫວຽດນາມ, ປະຊາຄົມນັກທຸລະກິດຍິງຫວຽດນາມ ຍາມໃດກໍຄຽງບ່າຄຽງໄລ່ກັບບັນດາວິສາຫະກິດ, ນັກທຸລະກິດຫວຽດນາມ, ພ້ອມກັນປະກອບສ່ວນໃຫ້ແກ່ປະເທດຊາດ.
ທີ່ເວທີປາໄສ, ບັນດາຜູ້ແທນໄດ້ແບ່ງປັນທັດສະນະ, ປະສົບການຕົວຈິງກ່ຽວກັບການດໍາເນີນທຸລະກິດຕ້ອງມີຄວາມຮັບຜິດຊອບ, ຍຸດທະສາດດໍາເນີນທຸລະກິດຕ້ອງມີຄວາມຮັບຜິດຊອບຂອງບັນດາວິສາຫະກິດ ແລະ ບົດຮຽນສໍາເລັດຜົນໃນການຜະລິດ ແລະ ດໍາເນີນທຸລະກິດ.
(ແຫຼ່ງຄັດຈາກ VOV)
