ທ່ານເລຂາທິການໃຫຍ່ຫງວຽນຟຸຈ້ອງເຂົ້າຮ່ວມພິທີສະເຫຼີມສະຫຼອງວັດແພດໝໍຫວຽດນາມ 27 ກຸມພາ
(ພາບ: TTXVN)
ດ້ວຍຫົວຂໍ້ວ່າ “ເພີ່ມທະວີສາທາລະນະສຸກຂັ້ນຮາກຖານ - ມຸ່ງໄປເຖິງຮັບປະກັນສຸຂະພາບທົ່ວປວງຊົນ”. ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟຸຈ້ອງ ໄດ້ເຂົ້າຮ່ວມພິທີ.
ກ່າວຄຳເຫັນທີ່ພິທີ, ທ່ານຮອງນາຍົກລັດຖະມົນຕີ ວູດຶກດາມ ຢຶນຢັນວ່າ:
“ວຽກງານເບິ່ງແຍງດູແລ, ຮັກສາສຸຂະພາບໃຫ້ແກ່ປະຊາຊົນ ແມ່ນໜ້າທີ່ຂອງທັງລະບົບການເມືອງ, ແມ່ນສິດ ແລະ ພັນທະຂອງປະຊາຊົນແຕ່ລະຄົນ. ລົງທຶນໃຫ້ແກ່ສາທາລະນະສຸກ ແມ່ນການລົງທຶນໃຫ້ແກ່ການພັດທະນາແບບຍືນຍົງ ແລະ ອະນາຄົດຂອງມະນຸດ. ຂ້າພະເຈົ້າສະເໜີອົງຄະນະພັກ, ອຳນາດການປົກຄອງທຸກຂັ້ນ, ບັນດາອົງການຈັດຕັ້ງການເມືອງ ຈົ່ງເອົາໃຈໃສ່ຊີ້ນຳ, ນຳພາ, ສະຫງວນແຫຼ່ງກຳລັງຢ່າງພຽງພໍ, ສົມທົບກັນຢ່າງແໜ້ນແຟ້ນ ເພື່ອໃຫ້ຂະແໜງສາທາລະນະສຸກ ປະຕິບັດສຳເລັດໜ້າທີ່ຂອງຕົນ.”
ທີ່ພິທີສະເຫຼີມສະຫຼອງ, ທ່ານນາງລັດຖະມົນຕີກະຊວງສາທາລະນະສຸກ ຫງວຽນທິກິມຕ໋ຽນໃຫ້ຮູ້ວ່າ: ພາຍຫຼັງ 25 ປີແຫ່ງການປະຕິບັດມະຕິຂອງສູນກາງພັກຄັ້ງທີ 4 ຊຸດທີ 7 ແລະ ບັນດາແຜນນະໂຍບາຍຂອງພັກ, ນະໂຍບາຍ, ກົດໝາຍຂອງລັດ, ວຽກງານຮັກສາ, ເບິ່ງແຍງດູແລ ແລະ ຍົກສູງສຸຂະພາບໃຫ້ແກ່ປະຊາຊົນບັນລຸໄດ້ບັນດາໝາກຜົນຢ່າງໃຫຍ່ຫຼວງ, ປະກອບສ່ວນເຂົ້າໃນພາລະກິດສ້າງສາ ແລະ ປົກປັກຮັກສາປະເທດຊາດ.
(ແຫຼ່ງຄັດຈາກ VOV)
