ຂ່າວສານ

ເຊີດຊູບັນດາການອຸທິດສ່ວນອັນໃຫຍ່ຫລວງຂອງນັກກະວີຍິ່ງໃຫຍ່ ຫງວຽນຢູ

28/09/2020

ນັກກະວີຍິ່ງໃຫຍ່ຂອງຊາດ, ນັກວັດທະນະທຳມີຊື່ສຽງໂດ່ງດັງ ຫງວຽນຢູ ຜູ້ທີ່ໄດ້ມີການປະກອບສ່ວນຫລາຍຢ່າງໃຫ້ແກ່ສາງວັດທະນະທຳຂອງປະເທດຊາດ

ລາຍການສະແດງສິລະປະທີ່ພິທີສະເຫລີມສະຫລອງ
ພາບ:vietnam+

ຕອນຄ່ຳວັນທີ 26 ກັນຍາ ຢູ່ ສູນວັດທະນະທຳຮູບເງົາແຂວງ ຮ່າຕິ້ງ ໄດ້ດຳເນີນພິທີສະເຫລີມສະຫລອງ 225 ປີແຫ່ງວັນຄ້າຍວັນເກີດ (1765-2020), ແລະ ລະນຶກ 200 ປີ (1820-2020) ແຫ່ງວັນເຖິງແກ່ມໍລະນະກຳຂອງນັກກະວີຍິ່ງໃຫຍ່ ຫງວຽນຢູ. ເຂົ້າຮ່ວມພິທີ ມີທ່ານ ຫວໍວັນເຖຶອງ ຫົວຫນ້າຄະນະໂຄສະນາສຶກສາສູນກາງ, ການນຳບາງກະຊວງ ຂະແຫນງການສູນກາງ, ບັນດາແຂວງ ນະຄອນ ຮ່າຕິ້ງ ເງ້ອານ ຮ່າຢາງ ຮ່າໂນ້ຍ ບັກນີງ ແລະ ບັນດານັກວິທະຍາສາດ ນັກຄົ້ນຄ້ວາ ຜູ້ຕາງຫນ້າຕະກຸນ ຫງວຽນຕຽນດ່ຽນ ແລະ ຕະກຸນ ຫງວຽນ ເມືອງ ງີຊວນ ພ້ອມດ້ວຍປະຊາຊົນ ຮ່າຕິ້ງ ເປັນຈຳນວນຫລວງຫລາຍ.

ນັກກະວີຍິ່ງໃຫຍ່ຂອງຊາດ, ນັກວັດທະນະທຳມີຊື່ສຽງໂດ່ງດັງ ຫງວຽນຢູ ຜູ້ທີ່ໄດ້ມີການປະກອບສ່ວນຫລາຍຢ່າງໃຫ້ແກ່ສາງວັດທະນະທຳຂອງປະເທດຊາດ ພົ້ນເດັ່ນແມ່ນບົດປະພັນ ເລື່ອງກ່ຽວ. ທີ່ພິທີສະເຫລີມສະຫລອງ ໄດ້ດຳເນີນລາຍການສະແດງສິລະປະທີ່ເປັນເອກະລັກ ໂດຍໄດ້ວາດພາບໃຫ້ເຫັນຊີວິດ ແລະ ພາລະກິດຂອງນັກກະວີ ຫງວຽນຢູ.

(ແຫຼ່ງຄັດຈາກ VOV)

ຖະແຫຼງຂ່າວໃຫ້ຕ່າງປະເທດແມ່ນໜຶ່ງໃນບັນດາປັດໄຈຍຸດທະສາດໃນພະລັງງານແຮງອ່ອນສັງລວມແຫ່ງຊາດ

14/12/2025
ຂ່າວສານ

ພິທີມອບລາງວັນແຫ່ງຊາດກ່ຽວກັບການຖະແຫຼງຂ່າວໃຫ້ຕ່າງປະເທດຄັ້ງທີ XI ປີ 2025 ໄດ້ດຳເນີນໃນຕອນຄ່ຳວັນທີ 12 ທັນວາ, ຢູ່ຮ່າໂນ້ຍ. ເມື່ອກ່າວຄຳເຫັນໃນເຫດການນີ້, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເນັ້ນໜັກວ່າ ວຽກງານຖະແຫຼງຂ່າວໃຫ້ຕ່າງປະເທດແມ່ນປັດໄຈຍຸດທະສາດໃນກຳລັງແຮງອ່ອນແຫ່ງຊາດ. ທ່ານກໍສະເໜີໃຫ້ສ້າງຖັນແຖວພະນັກງານເຮັດວຽກງານຖະແຫຼງຂ່າວຕ່າງປະເທດ ທີ່ມີຈັນຍາບັນ, ມີພູມປັນຍາຢ່າງຫຼັກແຫຼມ, ມີຫົວຄິດປະດິດສ້າງ, ມີຄວາມຮັບຜິດຊອບ, ມີຄວາມສຸດຈິດສຸດໃຈ, ມີວິໄສທັດ.