ຂົວລອຍຄຳ - ສະຖານທີ່ທ່ອງທ່ຽວມີຊື່ສຽງຢູ່ດ່າໜັງ (ພາບປະກອບ: TTXVN)
ວັນທີ 8 ພຶດສະພາ, ກະຊວງວັດທະນະທຳ, ກິລາ ແລະ ທ່ອງທ່ຽວຫວຽດນາມ ໄດ້ປະກາດໃຊ້ແຜນການປຸກລະດົມໂຄງການ “ຊາວຫວຽດນາມ ໄປທ່ອງທ່ຽວຢູ່ຫວຽດນາມ”. ນີ້ແມ່ນວິທີແກ້ໄຂ ແນໃສ່ກະຕຸ້ນຄວາມຕ້ອງການດ້ານທ່ອງທ່ຽວຢູ່ພາຍໃນປະເທດ, ສ້າງເງື່ອນໄຂເພື່ອໃຫ້ປະຊາຊົນໄປທ່ອງທ່ຽວຢູ່ເຂດແຄວ້ນຕ່າງໆໃນທົ່ວປະເທດໃນສະພາບ ຫາກໍ່ກັບຄືນສູ່ປົກກະຕິພາຍຫຼັງໂລກລະບາດໂຄວິດ - 19.
ເວລາປະຕິບັດໂຄງການ “ຊາວຫວຽດນາມ ໄປທ່ອງທ່ຽວຢູ່ຫວຽດນາມ” ແມ່ນແຕ່ວັນທີ 1 ມິຖຸນາ - 31 ທັນວາ 2020. ຕາມແຜນການແລ້ວ, ກະຊວງວັດທະນະທຳ, ກິລາ ແລະ ທ່ອງທ່ຽວຫວຽດນາມ ຈະສົມທົບກັບບັນດາທ້ອງຖິ່ນ ແລະ ບັນດາຝ່າຍທີ່ກ່ຽວຂ້ອງ ຈັດຕັ້ງພິທີປຸກລະດົມໂຄງການ “ຊາວຫວຽດນາມ ໄປທ່ອງທ່ຽວຢູ່ຫວຽດນາມ” ຢູ່ບາງບໍລິເວນ, ສະຖານທີ່ທ່ອງທ່ຽວຈຸດສຸມ.
(ແຫຼ່ງຄັດຈາກ VOV)
