ອາເມລິກາຍັງແມ່ນປະເທດຖືກຜົນສະທ້ອນຢ່າງໜັກໜ່ວງທີ່ສຸດໃນໂລກ ເມື່ອມີຜູ້ຕິດເຊື້ອ ກ່ວາ 80 ລ້ານຄົນ ແລະ ຜູ້ເສຍຊີວິດກ່ວາ 960.000 ຄົນ, ຖັດຈາກນັ້ນແມ່ນ ອິນເດຍ, ບຣາຊິນ.

ປິ່ນປົວໃຫ້ແກ່ຜູ້ຕິດເຊື້ອໂຄວິດ - 19. (ພາບ: TTXVN)

ຕາມເວັບໄຊສະຖິຕິ worldometers.info ແລ້ວ, ໄລ່ຮອດເວລາ 1 ໂມງຂອງວັນທີ 22 ກຸມພາ (ຕາມເວລາ UTC), ໂລກໄດ້ຢັ້ງຢືນມີຜູ້ຕິດເຊື້ອພະຍາດໂຄວິດ - 19 ກ່ວາ 426,2 ລ້ານຄົນ, ໃນນັ້ນມີຜູ້ເສຍຊີວິດກ່ວາ 5,9 ລ້ານຄົນ. ອາເມລິກາຍັງແມ່ນປະເທດຖືກຜົນສະທ້ອນຢ່າງໜັກໜ່ວງທີ່ສຸດໃນໂລກ ເມື່ອມີຜູ້ຕິດເຊື້ອ ກ່ວາ 80 ລ້ານຄົນ ແລະ ຜູ້ເສຍຊີວິດກ່ວາ 960.000 ຄົນ, ຖັດຈາກນັ້ນແມ່ນ ອິນເດຍ, ບຣາຊິນ.

ວັນທີ 21 ກຸມພາ, ຢູ່ອັງກິດ, ທ່ານນາຍົກລັດຖະມົນຕີ ອັງກິດ Boris Johnson ໄດ້ປະກາດແຜນການດຳລົງຊີວິດຮ່ວມກັບ ໂຄວິດ - 19, ຕາມນັ້ນແລ້ວ ທຸກມາດຕະການຈຳກັດການປ້ອງກັນ, ຕ້ານໂຄວິດ - 19 ລວມມີການແຍກຕົວສຳລັບຜູ້ຕິດເຊື້ອໂຄວິດ - 19 ຈະຖືກຍົກເລີກຢູ່ອັງກິດ ນັບແຕ່ວັນທີ 24 ກຸມພາ.

(ແຫຼ່ງຄັດຈາກ VOV)