• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ອາຊຽນ ແລະ ບັນດາປະເທດ ຄູ່ຮ່ວມມື ເຫັນດີ ຊຸກຍູ້ການລົງນາມໃນສັນຍາ RCEP ໃນປີ 2020 ຢູ່ ຫວຽດນາມ

ໃນຂອບເຂດກອງປະຊຸມສຸດຍອດ ອາຊຽນ ຄັ້ງທີ 35  ແລະ ບັນດາກອງປະຊຸມທີ່ກ່ຽວຂ້ອງ ເຊິ່ງໄດ້ດໍາເນີນໃນລະຫວ່າງວັນທີ 2 – 4 ພະຈິກ ຢູ່ແຂວງ ນົນທະບູຣີ, ປະເທດ ໄທ, ບັນດາການນໍາ ອາຊຽນ ແລະ ບັນດາປະເທດ ຄູ່ຮ່ວມມືໄດ້ເຫັນດີສິ້ນສຸດການເຈລະຈາສັນຍາຄູ່ຮ່ວມມືເສດຖະກິດຮອບດ້ານພາກພື້ນ (RCEP). 

ທ່ານ ລັດຖະມົນຕີກະຊວງ ອຸດສາຫະກໍາ - ການຄ້າ ຫວຽດນາມ ເຈິ່ນຕ໊ວນແອັງ
  (ພາບ: TTXVN)

ການນໍາ  16 ປະເທດ ເຂົ້າຮ່ວມການເຈລະຈາສັນຍາດັ່ງກ່າວ ໄດ້ຕົກລົງເຫັນດີເປັນເອກະພາບບົນຫຼັກການທີ່ລະບຸໃນ 20 ພາກຂອງກອງສັນຍາ RCEP, ພ້ອມທັງເຫັນດີຊຸກຍູ້ການລົງນາມໃນສັນຍາສະບັບດັ່ງກ່າວໃນປີ 2020 ຢູ່ຫວຽດນາມ. ທ່ານ ລັດຖະມົນຕີກະຊວງ ອຸດສາຫະກໍາ - ການຄ້າ ຫວຽດນາມ ເຈິ່ນຕ໊ວນແອັງໃຫ້ຮູ້ວ່າ:

“ນີ້ແມ່ນຂ່າວທີ່ດີ ບໍ່ພຽງແຕ່ສໍາລັບ ອາຊຽນ ເທົ່ານັ້ນ ຫາກນັບທັງ 6 ປະເທດ ຄູ່ຮ່ວມມືຂອງ ອາຊຽນ, ກໍຄືບັນດາພື້ນຖານເສດຖະກິດອື່ນໆໃນໂລກອີກດ້ວຍ. ສິ່ງດັ່ງກ່າວແມ່ນມີຄວາມໝາຍສໍາຄັນສໍາລັບໂຄງປະກອບການຄ້າທົ່ວໂລກ, ໃນສະພາບການ ການຄ້າທົ່ວໂລກພວມປະສົບກັບຄວາມຫຍຸ້ງຍາກຫຼາຍຢ່າງ. ເລື່ອງສ້າງຕັ້ງໂຄງປະກອບເສດຖະກິດ ແລະ ການຄ້າໃໝ່ ຢູ່ພາກພື້ນສໍາຄັນຂອງໂລກ ໃນສັນຍາ RCEP  ແມ່ນປັດໄຈໃໝ່ ເພື່ອສືບຕໍ່ປັບປຸງ ແລະ ເພີ່ມທະວີທ່າອ່ຽງໂລກາພິວັດ ຕາມທິດສ້າງຄວາມສະດວກດ້ານການຄ້າ ນໍາມາເຊິ່ງຜົນປະໂຫຍດລວມໃຫ້ແກ່ບັນດາປະເທດ, ພິເສດແມ່ນບັນດາປະເທດພວມພັດທະນາ”.

ໂດຍເປັນປະທານອາຊຽນ ໃນປີ 2020, ຫວຽດນາມ ຈະແບກຫາບພາລະໜ້າທີ່ອັນສໍາຄັນ ນັ້ນແມ່ນ ຊຸກຍູ້ເພື່ອສິ້ນສຸດການເຈລະຈາບັນດາເນື້ອໃນທີ່ຫຍັງເຫຼືອຂອງສັນຍາ RCEP. ເມື່ອສັນຍາດັ່ງກ່າວ ໄດ້ລົງນາມແລ້ວ ຈະສ້າງວົງເງິນການຄ້າ ທີ່ກວມເອົາ 1/3 GDP ຂອງທົ່ວໂລກ, ດ້ວຍປະຊາກອນທັງໝົດແມ່ນ 3,56 ຕື້ ຄົນ ແລະ ສ້າງມູນຄ່າການຄ້າກວ່າ 1.000 ຕື້ USD. 

(ແຫຼ່ງຄັດຈາກ VOV)

ຫວຽດນາມ - ລັດເຊຍ ຊຸກຍູ້ການຮ່ວມມືຕ້ານອາດຊະຍາກຳ

ຫວຽດນາມ - ລັດເຊຍ ຊຸກຍູ້ການຮ່ວມມືຕ້ານອາດຊະຍາກຳ

ຕອນບ່າຍວັນທີ 4 ຕຸລາ, ຢູ່ຮ່າໂນ້ຍ, ທ່ານປະທານປະເທດ ຫງວຽນຊວນຟຸກ ໄດ້ໃຫ້ການຕ້ອນຮັບທ່ານ Igor Krasnov ຫົວໜ້າອົງການໄອຍະການສະຫະພັນລັດເຊຍ ທີ່ພວມຢ້ຽມຢາມຫວຽດນາມ.

Top