• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ອາຊຽນ ແລະ ບັນດາຄູ່ຮ່ວມມືຢືນຢັນຄວາມຕັດສິນໃຈຊຸກຍູ້ດ້ານການຄ້າແລະການລົງທຶນ

ບັນດາລັດຖະມົນຕີເສດຖະກິດອາຊຽນ ໄດ້ມີການທາບທາມຄວາມເຫັນທາງອອນລາຍກ່ຽວກັບການຮ່ວມມືທາງດ້ານເສດຖະກິດລະຫວ່າງອາຊຽນ ແລະ ການາດາ.

ໃນຂອບເຂດກອງປະຊຸມລັດຖະມົນຕີເສດຖະກິດອາຊຽນ ຄັ້ງທີ 52 ແລະ ບັນດາກອງປະຊຸມທີ່ກ່ຽວຂ້ອງ (AEM-52), ຕອນເຊົ້າວັນທີ 29 ສິງຫາ (ຕາມເວລາຫວຽດນາມ), ບັນດາລັດຖະມົນຕີເສດຖະກິດອາຊຽນ ໄດ້ມີການທາບທາມຄວາມເຫັນທາງອອນລາຍກ່ຽວກັບການຮ່ວມມືທາງດ້ານເສດຖະກິດລະຫວ່າງອາຊຽນ ແລະ ການາດາ. ກ່າວຄຳເຫັນທີ່ການໂອ້ລົມສົນທະນາ, ທ່ານ ເຈິ່ນຕ໊ວນແອັງ, ລັດຖະມົນຕີກະຊວງອຸດສາຫະກຳ ແລະ ການຄ້າຫວຽດນາມ, ເນັ້ນໜັກວ່າ.

        “ຍາມໃດ ການາດາ ກໍ່ແມ່ນຄູ່ຮ່ວມມື, ຄູ່ເຈລະຈາທີ່ສຳຄັນຂອງອາຊຽນ, ການຄ້າລະຫວ່າງ 2 ຝ່າຍໄດ້ເຕີບໂຕຢ່າງມີສະຖຽນລະພາບໃນຮອບເວລາ 10 ປີຜ່ານມາ, 2 ຝ່າຍໄດ້ມີການຮ່ວມມື, ຮ່ວມສຳພັນກັນທາງດ້ານເສດຖະກິດຢ່າງແໜ້ນແຟ້ນ. ການຄ້າ 2 ຝ່າຍບັນລຸໄດ້ 70 ຕື້ USD ໃນປີ 2019. ປີ 2020 ແມ່ນປີປະສົບກັບຄວາມຫຍຸ້ງຍາກທີ່ສຸດ ໃນສະພາບໂລກລະບາດໂຄວິດ-19 ພວມສົ່ງຜົນສະທ້ອນອັນໃຫຍ່ຫຼວງເຖິງການດຳລົງຊີວິດທາງດ້ານເສດຖະກິດ ແລະ ສັງຄົມຂອງແຕ່ລະປະເທດ. ໃນສະພາບການນັ້ນ, 2 ຝ່າຍຄວນຮັກສາການເຊື່ອມຕໍ່, ເພີ່ມທະວີການຮ່ວມມືເພື່ອຮັບມືກັບວິກິດການໃນຄັ້ງນີ້”.

        ສ່ວນທ່ານນາງ Mary Ng, ລັດຖະມົນຕີກະຊວງວິສາຫະກິດຂະໜາດນ້ອຍ, ສົ່ງເສີມການຄ້າ ແລະ ການຄ້າສາກົນຂອງການາດາ, ໃຫ້ຮູ້ວ່າ: ການາດາ ປາດຖະໜາຢາກສືບຕໍ່ແມ່ນຈຸດນັດພົບຂອງບັນດານັກລົງທຶນອາຊຽນ ແລະ 2 ຝ່າຍຈະພ້ອມກັນສ້າງພື້ນຖານຢ່າງໝັ້ນຄົງເຂັ້ມແຂງໃຫ້ແກ່ວິສາຫະກິດ ແລະ ປະຊາຊົນ.

        ແລະກໍ່ໃນຕອນເຊົ້າວັນດຽວກັນ, ໄດ້ດຳເນີນກອງປະຊຸມທາບທາມຄວາມເຫັນລັດຖະມົນຕີເສດຖະກິດອາຊຽນກັບອົດສະຕາລີ - ນິວຊີແລນ.

        ກ່ອນໜ້ານັ້ນ, ຕອນຄ່ຳວັນທີ 28 ສິງຫາ, ບັນດາລັດຖະມົນຕີເສດຖະກິດອາຊຽນ ໄດ້ດຳເນີນກອງປະຊຸມຄັ້ງທີ 8 ກັບບັນດາຄູ່ຮ່ວມມືນອກກຸ່ມຢູ່ພາກພື້ນອາຊີຕາເວັນອອກ, ລວມມີບັນດາປະເທດຄື: ອົດສະຕາລີ, ອິນເດຍ, ຍີ່ປຸ່ນ, ສ.ເກົາຫຼີ, ນິວຊີແລນ, ສະຫະພັນລັດເຊຍ ແລະ ອາເມລິກາ (EAS-EMM).

(ແຫຼ່ງຄັດຈາກ VOV)

ຫວຽດ​ນາມ ຍາມ​ໃດ​ກໍ​ຖື ຍີ່​ປຸ່ນ ເປັນ​ຄູ່​ຮ່ວມ​ມື​ສຳ​ຄັນ​ແຖວ​ໜ້າ ແລະ ຍາວ​ນານ

ຫວຽດ​ນາມ ຍາມ​ໃດ​ກໍ​ຖື ຍີ່​ປຸ່ນ ເປັນ​ຄູ່​ຮ່ວມ​ມື​ສຳ​ຄັນ​ແຖວ​ໜ້າ ແລະ ຍາວ​ນານ

ໃນຂອບເຂດການຢ້ຽມຢາມ, ເຮັດວຽກຢູ່ ຍີ່ປຸ່ນ ແລະ ເຂົ້າຮ່ວມກອງປະຊຸມອະນາຄົດ ອາຊີ ຄັ້ງທີ 29, ວັນທີ 23 ພຶດສະພາ, ຢູ່ນະຄອນຫຼວງ ໂຕກຽວ, ທ່ານຮອງນາຍົກລັດຖະມົນຕີ ຫວຽດນາມ ເລມິງຄ໊າຍ ໄດ້ພົບປະກັນທ່ານນາຍົກລັດຖະມົນຕີ ຍີ່ປຸ່ນ Kishida Fumino.

Top