ບັນດາລັດຖະມົນຕີການຕ່າງປະເທດ ອາຊຽນ ແລະ ເລຂາທິການໃຫຍ່ ອາຊຽນ ທີ່ກອງປະຊຸມ
ແຈ້ງການໄດ້ສຳຫຼວດກວດຄືນ, ຕີລາຄາ ແລະ ວາງອອກທິດທາງລະອຽດ ເພື່ອຜັນຂະຫຍາຍວິໄສທັດປະຊາຄົມ ອາຊຽນ 2025 ແລະ ບັນດາແຜນການສັງລວມ ກ່ຽວກັບການເມືອງ - ຄວາມໝັ້ນຄົງ, ເສດຖະກິດ, ວັດທະນະທຳ - ສັງຄົມ. ກ່ຽວກັບການພົວພັນການຕ່າງປະເທດ, ອາຊຽນ ຢືນຢັນ ຄຳໝັ້ນສັນຍາເພີ່ມທະວີການຮ່ວມມືກັບບັນດາຄູ່ຮ່ວມເຈລະຈາ, ຢືນຢັນຄືນໃໝ່ການຮັກສາບົດບາດໃຈກາງ ແລະ ຄວາມສາມັກຄີຂອງ ອາຊຽນ ໃນການສ້າງໂຄງປະກອບພາກພື້ນ ໃຫ້ເປັນຮູບປະທຳ, ອີງໃສ່ບັນດາກົນໄກ ໂດຍ ອາຊຽນ ນຳພາຄື ອາຊຽນ +1, ອາຊຽນ+3, ເວທີປາໄສພາກພື້ນ ARF… ໃນແຈ້ງການຮ່ວມກໍ່ມີບັນດາຖະແຫຼງການລະຫວ່າງ ອາຊຽນ ກັບແຕ່ລະຄູ່ຮ່ວມມື.
ກ່ຽວກັບບັນດາບັນຫາສາກົນ, ໃນນັ້ນມີບັນຫາທະເລຕາເວັນອອກ, ແຈ້ງການໃຫ້ຮູ້ວ່າ: ລັດຖະມົນຕີການຕ່າງປະເທດ ອາຊຽນ ບາງທ່ານໄດ້ສະແດງຄວາມວິຕົກວັງວົນກ່ຽວກັບບັນຫາບູລະນະເນື້ອທີ່ດິນ ແລະ ບັນດາການເຄື່ອນໄຫວຢູ່ບັນດາພາກພື້ນອາດຈະເຮັດໃຫ້ຄວາມເຊື່ອໝັ້ນຖືກຫລຸດລົງ, ເຮັດໃຫ້ຄວາມເຄັ່ງຕຶງເພີ່ມຂຶ້ນ ແລະ ທຳລາຍສັນຕິພາບ, ຄວາມໝັ້ນຄົງ ແລະ ສະຖຽນລະພາບຢູ່ພາກພື້ນ. ແຈ່ງການກໍ່ຢືນຢັນຄືນໃໝ່ຄວາມສຳຄັນໃນການຮັກສາ ແລະ ເພີ່ມທະວີສັນຕິພາບ, ສະຖຽນລະພາບ, ຄວາມໝັ້ນຄົງ, ຄວາມປອດໄພໃນການເດີນເຮືອ ແລະ ການບິນຢູ່ທະເລຕາເວັນອອກ. ໃນແຈ້ງການຮ່ວມ, ບັນດາປະເທດ ອາຊຽນ ກໍ່ເຕື້ອງເຖິງບັນຫາຮັບມືກັບໄພນາບຂູ່ກໍ່ການຮ້າຍ ແລະ ລັດທິຫົວຮຸນແຮງ, ບັນດາການຜັນແປໃນແຫຼມ ເກົາຫຼີ ແລະ ສະພາບການຢູ່ຕາເວັນອອກກາງ.
(ແຫຼ່ງຄັດຈາກ VOV)
