• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ອາຊຽນສະໜັບສະໜູນຫຼັກໝັ້ນຂອງຫວຽດນາມກ່ຽວກັບທະເລຕາເວັນອອກ

ກອງປະຊຸມໄດ້ອັດລົງດ້ວຍຜົນສຳເລັດຢ່າງຈົບງາມ, ໄດ້ນຳມາເຊິ່ງປະສິດທິຜົນ ແລະ ອິດທິພົນຊື່ສຽງໃຫ້ແກ່ອາຊຽນ ແລະ ຫວຽດນາມ.

(ທ່ານລັດຖະມົນຕີ, ຫົວໜ້າຫ້ອງວ່າການລັດຖະບານຫວຽດນາມ ມາຍຕ໊ຽນຢຸງ)

ທີ່ກອງປະຊຸມຂ່າວເດືອນ ຕຸລາ ຂອງລັດຖະບານ, ຕອນບ່າຍວັນທີ 05 ພະຈິກ, ຢູ່ຮ່າໂນ້ຍ, ທ່ານລັດຖະມົນຕີ, ຫົວໜ້າຫ້ອງວ່າການລັດຖະບານຫວຽດນາມ ມາຍຕ໊ຽນຢຸງ, ໄດ້ແຈ້ງໃຫ້ຊາບກ່ຽວກັບໝາກຜົນຂອງກອງປະຊຸມສຸດຍອດອາຊຽນ ຄັ້ງທີ 35, ຢູ່ບາງກອກ, ປະເທດໄທ. ຕາມທ່ານລັດຖະມົນຕີແລ້ວ, ນີ້ແມ່ນກອງປະຊຸມສຳຄັນທີ່ສຸດສຳລັບອາຊຽນ ເວົ້າລວມ ແລະ ຫວຽດນາມ ເວົ້າສະເພາະ. ທ່ານກ່າວວ່າ.

        “ກອງປະຊຸມໄດ້ອັດລົງດ້ວຍຜົນສຳເລັດຢ່າງຈົບງາມ, ໄດ້ນຳມາເຊິ່ງປະສິດທິຜົນ ແລະ ອິດທິພົນຊື່ສຽງໃຫ້ແກ່ອາຊຽນ ແລະ ຫວຽດນາມ. ນີ້ແມ່ນໄຊຊະນະທາງການທູດ, ພິເສດແມ່ນບັນດາປະເທດມີຄວາມສົນໃຈສະໜັບສະໜູນຫຼັກໝັ້ນອັນຊອບທຳຂອງຫວຽດນາມ ກ່ຽວກັບບັນຫາທະເລຕາເວັນອອກ. ທີ່ບັນດາເຫດການໃນກອງປະຊຸມ, ໂດຍສະເພາະແມ່ນການພົບປະກັບຝ່າຍຈີນ, ຝ່າຍຫວຽດນາມ ໄດ້ຊີ້ແຈ້ງທັດສະນະຂອງຫວຽດນາມທີ່ວ່າ, ຫວຽດນາມ ເດັດດ່ຽວ, ຢຶດໝັ້ນປົກປັກຮັກສາອະທິປະໄຕ, ຜືນແຜ່ນດິນ, ທະເລໝູ່ເກາະ ຕາມກົດໝາຍສາກົນ, ຫວຽດນາມ ຕັດສິນໃຈ, ຢຶດໝັ້ນປົກປ້ອງກົດໝາຍສາກົນ ໃນບັນຫາທະເລຕາເວັນອອກ”.

        ກໍ່ກ່ຽວຂ້ອງເຖິງບັນຫາທະເລຕາເວັນອອກ, ຕໍ່ກັບແຜນທີ່ເສັ້ນລີ້ນງົວຂອງຈີນ ທີ່ປະກົດອອກຢູ່ບາງຜະລິດຕະພັນທີ່ນຳເຂົ້າຄື: ຟິມຮູບເງົາ, ເຄື່ອງອຸປະກອນໃຊ້ໃນການຮ່ຳຮຽນ ແລະ ເຄື່ອງໃຊ້ສຳລັບລົດໂອໂຕຢູ່ຫວຽດນາມ, ທີ່ກອງປະຊຸມຂ່າວ, ການນຳບາງກະຊວງ, ຂະແໜງການໃຫ້ຮູ້ວ່າ, ຈະເດັດດ່ຽວຊີ້ນຳບັນດາອົງການທີ່ກ່ຽວຂ້ອງກວດກາຄືນ, ພ້ອມທັງກ່າວເຕືອນປະຊາຊົນບໍ່ໃຫ້ນຳໃຊ້ບັນດາຜະລິດຕະພັນຈາກຕ່າງປະເທດທີ່ລະເມີດກົດໝາຍຫວຽດນາມ.

        ກ່ຽວຂ້ອງເຖິງເລື່ອງຜູ້ອອກແຮງງານຫວຽດນາມ ໄປເຮັດວຽກຢູ່ຕ່າງປະເທດ, ທ່ານ ດ່າວງອັກຢຸງ, ລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມຫວຽດນາມ ໄດ້ຢືນຢັນເຖິງຮູບການອາດຊະຍາກຳຄ້າມະນຸດ ແລະ ອົບພະຍົບຢ່າງຜິດກົດໝາຍແມ່ນແຕກຕ່າງກັນເລື່ອງຈັດຕັ້ງການສົ່ງຜູ້ອອກແຮງງານໄປເຮັດວຽກຢູ່ຕ່າງປະເທດ. ທ່ານລັດຖະມົນຕີກ່າວເຕືອນປະຊາຊົນທີ່ມີແຜນການໄປເຮັດວຽກຢູ່ຕ່າງປະເທດນັ້ນຄວນປະຕິບັດໃຫ້ຖືກຕ້ອງຕາມກົດໝາຍ.

(ແຫຼ່ງຄັດຈາກ VOV)

ໄຂກອງປະຊຸມຄັ້ງທີ 6 ຄະນະບໍລິຫານງານສູນກາງພັກກອມມູນິດ ຫວຽດນາມ ຊຸດທີ XIII

ໄຂກອງປະຊຸມຄັ້ງທີ 6 ຄະນະບໍລິຫານງານສູນກາງພັກກອມມູນິດ ຫວຽດນາມ ຊຸດທີ XIII

ສະພາບການເສດຖະກິດ - ສັງຄົມ, ງົບປະມານແຫ່ງລັດປີ 2022, ແຜນພັດທະນາເສດຖະກິດ - ສັງຄົມ, ແຜນງົບປະມານແຫ່ງລັດປີ 2023 ແລະ ແຜນການການເງິນ - ງົບປະມານແຫ່ງລັດໄລຍະ 3 ປີ.

Top