ວັນທີ 4 ສິງຫາ, ຢູ່ຟູ໋ກວ໋ກ ( ແຂວງກຽນຢາງ ), ກອງປະຊຸມສຳມະນາທິດສະດີຄັ້ງທີ 5 ລະຫວ່າງພັກຄອມມູນິດຫວຽດນາມ ແລະ ພັກປະຊາຊົນປະຕິວັດລາວ ດ້ວຍຫົວຂໍ້ວ່າ  “ ພັດທະນາໄວ, ຍືນຍົງ ” ໄດ້ອັດລົງ ພາຍຫຼັງດຳເນີນມາເປັນເວລາ 2 ວັນ.

ອັດກອງປະຊຸມສຳມະນາທິດສະດີຄັ້ງທີ 5 ລະຫວ່າງພັກຄອມມູນິດຫວຽດນາມ ແລະ ພັກປະຊາຊົນປະຕິວັດລາວ

      ທີ່ກອງປະຊຸມສຳມະນາບັນດານັກວິທະຍາສາດ ແລະ ຜູ້ແທນຂອງສອງຝ່າຍ ໄດ້ສຸມໃສ່ປຶກສາຫາລືກ່ຽວກັບ 2 ບົດລາຍງານຂອງຫົວໜ້າຄະນະຜູ້ແທນສອງພັກ ແລະ 10 ຫົວຂໍ້ສະເພາະຂອງບັນດານັກວິທະຍາສາດ ກ່ຽວກັບບັນດາບັນຫາສຳຄັນທີ່ສຸດຂອງການພັດທະນາໄວ, ຍືນຍົງຢູ່ຫວຽດນາມ ແລະ ລາວ. ບັນດາການປະກອບຄຳເຫັນທີ່ກອງປະຊຸມ ກໍ່ໄດ້ເຮັດແຈ້ງບັນດາປັດໃຈຕັດສິນຊີ້ຂາດໃນການພັດທະນາແບບຍືນຍົງຢູ່ແຕ່ລະປະເທດ ແລະ ລົງເລິກໄຈ້ແຍກບັນດາບົດຮຽນ, ພຶດຕິກຳຕົວຈິງຂອງແຕ່ລະປະເທດໃນວິວັດແຫ່ງການພັດທະນາ; ຜ່ານນັ້ນ ເຮັດແຈ້ງບາງບັນຫາທິດສະດີທີ່ຈຳເປັນເຊິ່ງສອງປະເທດມີຄວາມສົນໃຈຕື່ມອີກຄື: ຄວາມໝັ້ນຄົງດ້ານການເມືອງ ແມ່ນປັດໃຈຮັບປະກັນການພັດທະນາແບບຍືນຍົງ; ເປັນເຈົ້າການ, ຕັ້ງໜ້າເຊື່ອມໂຍງເຂົ້າກັບສາກົນ, ຮັບປະກັນການປ້ອງກັນຊາດ, ປ້ອງກັນຄວາມສະຫງົບໃຫ້ແກ່ການພັດທະນາໄວ, ຍືນຍົງ; ຮັບປະກັນສະຖຽນລະພາບ ແລະ ຄວາມໝັ້ນຄົງ ໃນການເຕີບໂຕເສດຖະກິດ ; ພັດທະນາເສດຖະກິດຕິດພັນກັບການປົກປັກຮັກສາ ແລະ ປັບປຸງສະພາບແວດລ້ອມ; ສ້າງສັງຄົມໃຫ້ມີຄວາມສາມັກຄີກົມກຽວ, ປະຊາທິປະໄຕ, ຍຸດຕິທຳ ແລະ ຮຸ່ງເຮືອງສີວິໄລ; ເພີ່ມທະວີແຫຼ່ງກຳລັງເພື່ອພັດທະນາໄວ, ຍືນຍົງ…ພ້ອມກັນນັ້ນ, ບັນດາບົດປະກອບຄຳເຫັນກໍ່ໄດ້ຊີ້ແຈ້ງ ແລະ ເນັ້ນໜັກເຖິງບົດບາດຫຼັກແຫຼ່ງຂອງພັກໃນການນຳພາປະເທດ, ຍົກໃຫ້ເຫັນລັກສະນະນຳໜ້າຂອງພັກໃນວິວັດແຫ່ງການນຳພາພັດທະນາໄວ ແລະ ຍືນຍົງຢູ່ຫວຽດນາມ.

(ແຫຼ່ງຄັດຈາກ VOV)