• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ອັດກອງປະຊຸມຄັ້ງທີ 3 ຂອງ ຄະນະບໍລິຫານງານສູນກາງພັກຊຸດທີ XIII

      ທ່ານເລຂາທິການໃຫຍ່ ຫງວຽນຟູຈ້ອງ ໄດ້ລວບລວມບັນດາໝາກຜົນຕົ້ນຕໍທີ່ບັນລຸໄດ້ ແລະ ເນັ້ນຫນັກບາງບັນຫາເພື່ອເປັນເອກະພາບໃນການຊີ້ນຳນຳພາ ຜັນຂະຫຍາຍປະຕິບັດມະຕິຂອງສູນກາງ.
            ພາຍຫລັງ ເຮັດວຽກມາເປັນເວລາ 4 ວັນ, ຕອນບ່າຍວັນທີ 8 ກໍລະກົດ, ກອງປະຊຸມຄັ້ງທີ 3 ຄະນະບໍລິຫານງານສູນກາງພັກ ຊຸດທີ XIII ໄດ້ອັດລົງ. ກ່າວຄຳເຫັນອັດກອງປະຊຸມ, ທ່ານເລຂາທິການໃຫຍ່ ຫງວຽນຟູຈ້ອງ ໄດ້ລວບລວມບັນດາໝາກຜົນຕົ້ນຕໍທີ່ບັນລຸໄດ້ ແລະ ເນັ້ນຫນັກບາງບັນຫາເພື່ອເປັນເອກະພາບໃນການຊີ້ນຳນຳພາ ຜັນຂະຫຍາຍປະຕິບັດມະຕິຂອງສູນກາງ.
ພິທີອັດກອງປະຊຸມຄັ້ງທີ 3 ຂອງ ຄະນະບໍລິຫານງານສູນກາງພັກຊຸດທີ XIII
      ກ່ຽວກັບແຜນການພັດທະນາເສດຖະກິດ ສັງຄົມ ໄລຍະ 2011- 2025, ທ່ານເລຂາທິການໃຫຍ່ ໃຫ້ຮູ້ວ່າ: ກອງປະຊຸມໄດ້ເປັນເອກະພາບຕີລາຄາໝາກຜົນການປະຕິບັດແຜນການເສດຖະກິດ ສັງຄົມ, ການເງິນແຫ່ງຊາດ, ການລົງທຶນຂອງລັດໄລຍະ 5 ປີ ຄືແຕ່ 2016 – 2020 ແລະ ສະພາບການປະຕິບັດຫນ້າທີ່ພັດທະນາເສດຖະກິດ ສັງຄົມ ໄລຍະ 6 ເດືອນທ້າຍປີ 2021.
            ຄະນະບໍລິຫານງານສູນກາງ ຍ້ອງຍໍບັນດາຄວາມມານະພະຍາຍາມສູ້ຊົນຂອງທົ່ວພັກ ທົ່ວປວງຊົນ ແລະທົ່ວກອງທັບໃນການເຊຶ່ອມຊຶມ, ຜັນຂະຫຍາຍການປະຕິບັດມະຕິກອງປະຊຸມໃຫຍ່ຄັ້ງທີ XIII ຂອງພັກ,ຈັດຕັ້ງການເລືອກຕັ້ງສະມາຊິກສະພາແຫ່ງຊາດ ຊຸດທີ XV ແລະ ສະມາຊິກສະພາປະຊາຊົນທຸກຂັ້ນ ອາຍຸການ 2021- 2026 ສຳເລັດຜົນ ພິເສດໃນການປ້ອງກັນ ສະກັດກັ້ນໂລກລະບາດໂຄວິດ 19 ພວມຜັນແປໄປຢ່າງສັບສົນປະຈຸບັນ.
            ໃນ 6 ເດືອນຕົ້ນປີ, ເສດຖະກິດບັນລຸການເຕີບໂຕ 5,64 %, ສູງກວ່າເມື່ອທຽບໃສ່ໄລຍະດຽວກັນຂອງປີກາຍ, ລາຍຮັບງົບປະມານແຫ່ງລັດ ບັນລຸກວ່າ 58,2 % ເມື່ອທຽບໃສ່ແຜນການ, ເພີ່ມຂຶ້ນ 15,5% ເມື່ອທຽບໃສ່ໄລຍະດຽວກັນຂອງປີກາຍ, ການເຄື່ອນໄຫວລົງທຶນ, ຜະລິດດຳເນີນທຸລະກິດ, ການສົ່ງອອກສືບຕໍ່ພັດທະນາ. ເຖິງຢ່າງໃດກໍຕາມ, ສູນກາງພັກ ກໍໍ່ຊີ້ໃຫ້ເຫັນ: ໃນ 6 ເດືອນຕົ້ນປີ ເສດຖະກິດ ສັງຄົມ ຍັງບໍ່ທັນບັນລຸໄດ້ບັນດາຄາດໝາຍວາງອອກ.  ຄຽງຄູ່ກັບກາລະໂອກາດ, ຄວາມສະດວກ, ປະເທດຊາດ ຍັງພວມຢືນຢູ່ຕໍ່ຫນ້າຄວາມຫຍຸ້ງຍາກ ສິ່ງທ້າທາຍໃຫມ່ ແລະໃຫຍ່.
            “ສະນັ້ນທົ່ວພັກ ທົ່ວປວງຊົນ ແລະທົ່ວກອງທັບ ຄວນສືບຕໍ່ມານະພະຍາຍາມສູ້ຊົນສູງກວ່າອີກ, ຊາບຊຶມມະຕິກອງປະຊຸມໃຫຍ່ຄັ້ງທີ XIII ຂອງພັກ ເພື່ອກໍ່ສ້າງ ແລະຈັດຕັ້ງປະຕິບັດບັນດາແຜນການໃຫມ່ໃຫ້ດີກວ່າ ຈຶ່ງສາມາດສຳເລັດບັນດາຄາດໝາຍທີ່ວາງອອກຢ່າງມີໄຊໃຫ້ທັງອາຍຸການ”
            ກ່ຽວກັບວຽກງານພະນັກງານ, ທ່ານເລຂາທິການໃຫຍ່ ໃຫ້ຮູ້ວ່າ: ສູນກາງເຫັນດີເປັນເອກະພາບສູງຕໍ່ກັບວິທີການໂດຍ ກົມການເມືອງ ຍື່ນສະເຫນີກ່ຽວກັບບູລະນະບຸກຄະລາກອນບັນດາຕຳແຫນ່ງການນຳຂອງບັນດາອົງການລັດ ອາຍຸການສະພາແຫ່ງຊາດຊຸດທີ XV. ຄະນະບໍລິຫານງານສູນກາງ ໄດ້ເຫັນດີ ສະເຫນີເພີ່ມເຕີມ 23 ບຸກຄະລາກອນຮັບດຳລົງບາງຕຳແຫນ່ງການນຳລັດ ອາຍຸການ 2021- 2026.
(ແຫຼ່ງຄັດຈາກ VOV)

ນັກສຶກສາລາວ, ກຳປູເຈຍ ຊອກຮູ້ປະຫວັດສາດ ຫວຽດນາມ ຜ່ານຮູບເງົາ ດອກຄາຍ, ເຝີ ແລະ ປີອາໂນ

ນັກສຶກສາລາວ, ກຳປູເຈຍ ຊອກຮູ້ປະຫວັດສາດ ຫວຽດນາມ ຜ່ານຮູບເງົາ “ດອກຄາຍ, ເຝີ ແລະ ປີອາໂນ”

ນີ້ແມ່ນໂອກາດເພື່ອໃຫ້ນັກຮຽນ, ນັກສຶກສາລາວ, ກຳປູເຈຍ ຊອກຮູ້ກ່ຽວກັບປະຫວັດສາດແຫ່ງການຕໍ່ສູ້ປົດປ່ອຍຊາດ, ປົກປັກຮັກສາປະເທດຊາດຂອງກອງທັບ ແລະ ປະຊາຊົນ ຫວຽດນາມ ໃນການຕໍ່ສູ້ຕ້ານ ຝລັ່ງ.

Top