• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ອັດກອງປະຊຸມຄັ້ງທີ 13, ຄະນະບໍລິຫານງານສູນກາງພັກຊຸດທີ 12

ກ່ຽວກັບວຽກງານບຸກຄະລາກອນ, ທ່ານເລຂາທິການໃຫຍ່, ປະທານປະເທດ ຫງວຽນຝູຈ້ອງ ໄດ້ຕີລາຄາວ່າ ກອງປະຊຸມສູນກາງຄັ້ງນີ້ ໄດ້ປຶກສາຫາລືຢ່າງມີປະຊາທິປະໄຕ, ພິຈາລະນາຢ່າງພາວະວິໄສ, ເປັນທຳ, ຮອບດ້ານ.
 
ອັດກອງປະຊຸມຄັ້ງທີ 13, ຄະນະບໍລິຫານງານສູນກາງພັກຊຸດທີ 12 (ພາບ: VGP)

ພາຍຫລັງເຮັດວຽກມາເປັນເວລາ 5 ມື້, ຕອນເຊົ້າວັນທີ 09 ຕຸລາ, ທີ່ສຳນັກງານສູນກາງພັກ, ກອງປະຊຸມຄັ້ງທີ 13 ຄະນະບໍລິຫານງານສູນກາງພັກກອມມູນິດ ຫວຽດນາມ ຊຸດທີ 12 ໄດ້ອັດລົງ ພາຍໃຕ້ການເປັນປະທານຂອງທ່ານເລຂາທິການໃຫຍ່, ປະທານປະເທດ ຫວຽດນາມ ຫງວຽນຝູຈ້ອງ. ກ່າວຄຳເຫັນອັດກອງປະຊຸມ, ທ່ານເລຂາທິການໃຫຍ່, ປະທານປະເທດ ຫງວຽນຝູຈ້ອງ ໄດ້ຕີລາຄາສູງຕໍ່ການເຂົ້າຮ່ວມຂອງທົ່ວລະບົບການເມືອງ ແລະ ພໍ່ແມ່ປະຊາຊົນ, ນັກຮົບທົ່ວປະເທດໃນການບັ້ນຕ້ານໂລກລະບາດໂຄວິດ-19, ຮັບປະກັນໃຫ້ເສດຖະກິດເຕີບໂຕທາງບວກໃນລະດັບສູງກ່ວາ 2% ໃນ 9 ເດືອນຜ່ານມາ.

        ກ່ຽວກັບແຜນການພັດທະນາເສດຖະກິດ - ສັງຄົມປີ 2021, ທ່ານເລຂາທິການໃຫຍ່, ປະທານປະເທດ ຫງວຽນຝູຈ້ອງ ຖືວ່າ ຄວນສືບຕໍ່ຍົກສູງສະຕິລະວັງຕົວ, ປະຕິບັດວຽກງານປ້ອງກັນ, ຕ້ານໂລກລະບາດໃຫ້ເປັນຢ່າງດີ; ພ້ອມທັງສຸມໃສ່ໃຫ້ບຸລິມະສິດຜັນຂະຫຍາຍປະຕິບັດບັນດານະໂຍບາຍ, ມາດຕະການຟື້ນຟູ ແລະ ພັດທະນາການຜະລິດ, ດຳເນີນທຸລະກິດ. ທ່ານເລຂາທິການໃຫຍ່, ປະທານປະເທດ ຫວຽດນາມ ຫງວຽນຝູຈ້ອງ ກ່າວວ່າ:

        “ຮີບເຮັ່ງ, ເຂັ້ມງວດໃນການກວດກາຄືນໃໝ່, ສ້າງກົດໝາຍ, ກົນໄກ, ນະໂຍບາຍໃຫ້ສົມບູນສຳເລັດ ແລະ ຍົກສູງປະສິດທິພາບ, ປະສິດທິຜົນການຈັດຕັ້ງປະຕິບັດ ເພື່ອແກ້ໄຂບັນດາສິ່ງຈຳກັດ, ອ່ອນດ້ອຍທີ່ຍັງຄົງຄ້າງຂອງພື້ນຖານເສດຖະກິດໂດຍໄວ. ໜູນຊ່ວຍບັນດາຂະແໜງການ, ຂົງເຂດ ແລະ ວິສາຫະກິດ, ຊາວຜູ້ອອກແຮງງານທີ່ຖືກຜົນສະທ້ອນຢ່າງໜັກໜ່ວງຈາກໂລກລະບາດໂຄວິດ-19. ສົ່ງເສີມ, ສ້າງເງື່ອນໄຂສະດວກໃຫ້ບັນດາວິສາຫະກິດ ແລະ ປະຊາຊົນພັດທະນາການຜະລິດ, ດຳເນີນທຸລະກິດ. ເດັດດ່ຽວ, ເປັນເຈົ້າການ, ຕັ້ງໜ້າແກ້ໄຂໜີ້ເສຍ ແລະ ບັນດາທະນາຄານການຄ້າອ່ອນດ້ອຍ; ພ້ອມທັງຍົກສູງກຳລັງຄວາມສາມາດໃນການບໍລິຫານຄຸ້ມຄອງ, ການເຄື່ອນໄຂຂອງບັນດາລັດວິສາຫະກິດຢ່າງມີປະສິດທິຜົນ…

        ເມື່ອເຕື້ອງເຖິງເລື່ອງສືບຕໍ່ສ້າງຮ່າງບັນດາເອກະສານເພື່ອຍື່ນສະເໜີຕໍ່ກອງປະຊຸມໃຫຍ່ຊຸດທີ 13 ຂອງພັກໃຫ້ສຳເລັດ ເຊິ່ງພາຍຫລັງກອງປະຊຸມມື້ນີ້ ຈະໄດ້ສົ່ງໄປຂໍຄຳເຫັນປະກອບນຳບັນດາສະມາຊິກສະພາແຫ່ງຊາດ, ແນວໂຮມປະເທດຊາດ ຫວຽດນາມ. ທ່ານເລຂາທິການໃຫຍ່, ປະທານປະເທດ ຫງວຽນຝູຈ້ອງ ສະເໜີວ່າ:

        “ຕ້ອງຖືການພັດທະນາເສດຖະກິດ - ສັງຄົມເປັນໃຈກາງ; ການກໍ່ສ້າງພັກເປັນແກ່ນສານ; ການພັດທະນາວັດທະນະທຳເປັນພື້ນຖານທາງດ້ານຈິດໃຈຂອງສັງຄົມ; ຮັບປະກັນການປ້ອງກັນຊາດ, ປ້ອງກັນຄວາມສະຫງົບ ເປັນໜ້າທີ່ຈຸດສຸມ, ເປັນປະຈຳ. 

 
ທ່ານເລຂາທິການໃຫຍ່, ປະທານປະເທດ ຫງວຽນຝູຈ້ອງ  (ພາບ: VGP)

ກ່ຽວກັບວຽກງານບຸກຄະລາກອນ, ທ່ານເລຂາທິການໃຫຍ່, ປະທານປະເທດ ຫງວຽນຝູຈ້ອງ ໄດ້ຕີລາຄາວ່າ ກອງປະຊຸມສູນກາງຄັ້ງນີ້ ໄດ້ປຶກສາຫາລືຢ່າງມີປະຊາທິປະໄຕ, ພິຈາລະນາຢ່າງພາວະວິໄສ, ເປັນທຳ, ຮອບດ້ານກ່ຽວກັບການທາບທາມບັນຊີລາຍຊື່ບຸກຄະລາກອນລົງສະໝັກເລືອກຕັ້ງຄືນໃໝ່ ແລະ ບຸກຄະລາກອນໄດ້ຮັບການແນະນຳເຂົ້າຮ່ວມຄະນະບໍລິຫານງານສູນກາງພັກ ແລະ ຄະນະກຳມະການກວດກາສູນກາງຊຸດທີ 13 ເປັນຄັ້ງທຳອິດ ແລະ ບັນດາວິທີຄັດເລືອກ.

        ທ່ານ ຫງວຽນຝູຈ້ອງ ໄດ້ຢັ້ງຢືນວ່າກອງປະຊຸມໄດ້ປະສົບຜົນສຳເລັດຢ່າງຈົບງາມ ແລະ ທ່ານໄດ້ສະເໜີໃຫ້ ຈັດຕັ້ງການປະຕິບັດມະຕິຂອງກອງປະຊຸມສູນກາງພັກຄັ້ງທີ 13 ໃຫ້ເປັນຢ່າງດີ ແນໃສ່ປະຕິບັດໜ້າທີ່ພັດທະນາເສດຖະກິດ - ສັງຄົມປີ 2020 ໃຫ້ສຳເລັດຢ່າງມີໄຊ, ສ້າງ ແລະ ປະຕິບັດແຜນການພັດທະນາເສດຖະກິດ - ສັງຄົມປີ 2021.

(ແຫຼ່ງຄັດຈາກ VOV)

ໜູນຊ່ວຍ ຮ່າໂນ້ຍ ສ້າງຕ່ອງໂສ້ມູນຄ່າຜະລິດຕະພັນກະເສດ, ປ່າໄມ້ ແລະ ສິນໃນນຳ້ແບບຍືນຍົງຈຳນວນໜຶ່ງ

ໜູນຊ່ວຍ ຮ່າໂນ້ຍ ສ້າງຕ່ອງໂສ້ມູນຄ່າຜະລິດຕະພັນກະເສດ, ປ່າໄມ້ ແລະ ສິນໃນນຳ້ແບບຍືນຍົງຈຳນວນໜຶ່ງ

ວັນທີ 11 ສິງຫາ 2022, ກົມຄຸ້ມຄອງຄຸນນະພາຜະລິດຕະພັນກະເສດ, ປ່າໄມ້ ແລະ ສິນໃນນຳ້ (ກະຊວງກະສິກຳ ແລະ ພັດທະນາຊົນນະບົດ) ສົມທົບກັບພະແນກກະສິກຳ ແລະ ພັດທະນາຊົນນະບົດ ຮ່າໂນ້ຍ ແລະ ຝ່າຍ ການາດາ ດຳເນີນໂຄງການຄວາມປອດໄພດ້ານສະບຽງອາຫານເພື່ອພັດທະນາ, ຈັດຕັ້ງພິທີລົງນາມ ແລະ ເລີ່ມປະຕິບັດແຜນການສົມທົບກັນໜູນຊ່ວຍ ຮ່າໂນ້ຍ ໃນການກໍ່ສ້າງ ແລະ ພັດທະນາຕ່ອງໂສ້ຄຸນຄ່າຜະລິດຕະພັນກະເສດ, ປ່າໄມ້ ແລະ ສິນໃນນຳ້ແບບຍືນຍົງຈຳນວນໜຶ່ງ.

Top