ຂ່າວສານ

ຫຼຸດຜ່ອນຜົນກະທົບຈາກໂລກລະບາດໂຄວິດ-19 ທີ່ມີຕໍ່ບັນດາກຸ່ມເປົ້າໝາຍມີຄວາມສ່ຽງສູງກ່ວາໝູ່ໃນອາຊຽນ

11/06/2020

ຕອນບ່າຍວັນທີ 10 ມິຖຸນາ, ກອງປະຊຸມພິເສດບັນດາລັດຖະມົນຕີອາຊຽນ ຮັບຜິດຊອບດ້ານສະຫວັດດີການສັງຄົມ ແລະ ພັດທະນາ ແນໃສ່ ຫຼຸດຜ່ອນຜົນກະທົບຈາກໂລກລະບາດໂຄວິດ-19 ທີ່ມີຕໍ່ບັນດາກຸ່ມເປົ້າໝາຍມີຄວາມສ່ຽງສູງກ່ວາໝູ່ ໄດ້ຖືກຈັດຂຶ້ນທາງອອນລາຍ. ກອງປະຊຸມແມ່ນຂໍ້ລິເລີ່ມຂອງປະເທດ ສ.ປ.ປ.ລາວ ດ້ວຍບົດບາດເປັນປະທານລັດຖະມົນຕີອາຊຽນ ຮັບຜິດຊອບດ້ານສະຫວັດດີການສັງຄົມ ແລະ ພັດທະນາ.

ທ່ານ ລັດຖະມົນຕີກະຊວງແຮງງານ ທະຫານເສຍອົງຄະ ແລະ ສັງຄົມຫວຽດນາມ ດາວງອກຢຸງ

ເຂົ້າຮ່ວມ ແລະ ກ່າວຄຳເຫັນທີ່ກອງປະຊຸມໃນຈຸດຖ່າຍທອດທີ່ຮ່າໂນ້ຍ, ທ່ານ ລັດຖະມົນຕີກະຊວງແຮງງານ ທະຫານເສຍອົງຄະ ແລະ ສັງຄົມຫວຽດນາມ ດາວງອກຢຸງ ໃຫ້ຮູ້ວ່າ : ເພື່ອຮັບປະກັນການໜູນຊ່ວຍສັງຄົມໃນສະພາບເກີດ ໂລກລະບາດໂຄວິດ-19, ລັດຖະບານຫວຽດນາມ ໄດ້ຍົກອອກບ້ວງເງິນໜູນຊ່ວຍສັງຄົມດ້ວຍມູນຄ່າ 62. 000 ຕື້ກວ່າດົງເພື່ອຫນູນຊ່ວຍບັນດາກຸີ່ມເປົ້າໝາຍທີ່ແຕກຕ່າງກັນ. ນີ້ແມ່ນ ບ້ວງເງິນໜູນຊ່ວຍສັງຄົມຮອບດ້ານ ເພື່ອແນໃສ່ເບິ່ງແຍງຊີວິດການເປັນຢູ່ຂອງປະຊາຊົນ, ພິເສດແມ່ນບັນດາກຸ່ມເປົ້າໝາຍດ້ອຍໂອກາດ.

ທີ່ກອງປະຊຸມ, ລັດຖະມົນຕີ 10 ທ່ານ ຮັບຜິດຊອບດ້ານສະຫວັດດີການສັງຄົມ ແລະ ພັດທະນາສັງຄົມ ທີ່ມາຈາກບັນດາປະເທດສະມາຊິກອາຊຽນ ໄດ້ເຫັນດີເປັນເອກະສັນຮັບຮອງຖະແຫຼງການຮ່ວມກ່ຽວກັບການ ຫຼຸດຜ່ອນຜົນກະທົບຈາກໂລກລະບາດໂຄວິດ-19 ທີ່ມີຕໍ່ບັນດາກຸ່ມເປົ້າໝາຍມີຄວາມສ່ຽງສູງກ່ວາໝູ່ໃນອາຊຽນ.

(ແຫຼ່ງຄັດຈາກ VOV)

ປະທານາທິບໍດີ ແຟງລັງ ເປັນປະທານພິທີຕ້ອນຮັບທ່ານເລຂາທິການໃຫຍ່ ໂຕເລິມ ພ້ອມດ້ວຍພັນລະຍາ ແລະ ຄະນະຜູ້ແທນ ຫວຽດນາມ ຢ່າງເປັນທາງການ

21/10/2025
ຂ່າວສານ

ຕອນເຊົ້າວັນທີ 21 ຕຸລາ (ຕາມເວລາທ້ອງຖິ່ນ, ກົງກັບຕອນບ່າຍຕາມເວລາ ຮ່າໂນ້ຍ), ຢູ່ທຳນຽບປະທານາທິບໍດີ ຢູ່ ນະຄອນຫຼວງ Helsinki, ທ່ານປະທານາທິບໍດີ ສ. ແຟງລັງ Alexander Stubb ແລະ ພັນລະຍາ ໄດ້ເປັນປະທານພິທີຕ້ອນຮັບທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ໂຕເລິມ ແລະ ພັນລະຍາ ພ້ອມດ້ວຍຄະນະຜູ້ແທນຂັ້ນສູງ ຫວຽດນາມ ມາຢ້ຽມຢາມ ແຟງລັງ ຢ່າງເປັນທາງການ ແຕ່ວັນທີ 20 – 22 ຕຸລາ.