• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຫຼາຍປະເທດເພີ່ມທະວີການ “ແຍກຫ່າງທາງສັງຄົມ” ກັບຈີນ

      ສະພາບໂລກລະບາດນັບມື້ນັບໄດ້ເຮັດໃຫ້ບັນດາປະເທດຝ່າຍຕາເວັນຕົກ, ຊື່ງນຳໜ້າແມ່ນອາເມລິກາ ໄດ້ຊອກຫາວິທີ “ແຍກຫ່າງທາງສັງຄົມ” ກັບຈີນ. ໂລກລະບາດໂຄວິດ-19 ບໍ່ພຽງແຕ່ໄດ້ກໍ່ຜົນເສຍຫາຍດ້ານຊີວິດອິນຊີເທົ່ານັ້ນ, ຫາກຍັງແມ່ນສາຍເຫດເພີ່ມຄວາມຂັດແຍ່ງ ທີ່ເຄີຍມີມາກ່ອນລະຫວ່າງອາເມລິກາ ແລະ ບັນດາປະເທດສຳພັນທະມິດກັບຈີນ ອີກດ້ວຍ, ອັນໄດ້ເຮັດໃຫ້ສະພາບເສດຖະກິດ ແລະ ການເມືອງທົ່ວໂລກມີການປ່ຽນແປງຫຼາຍຢ່າງ.

ຄົນເຈັບຕິດເຊື້ອພະຍາດໂຄວິດ-19 ໄດ້ຮັບການປີ່ນປົວຢູ່ຈີນ
(ພາບ: THX/ TTXVN)
      ໃນໄລຍະຜ່ານມາພວມມີສັນຍານເພີ່ມຂຶ້ນ ກ່ຽວຂ້ອງເຖິງການໂຕ້ຖຽງລະຫວ່າງສອງຝ່າຍ ກ່ຽວຂ້ອງເຖິງແຫຼ່ງກຳເນີດຂອງເຊື້ອໄວຣັດ SARS-CoV-2 ກໍ່ໃຫ້ເກີດໂລກລະບາດໂຄວິດ-19. ການປະທະກັນຍັງແຜ່ລາມອອກສູ່ວົງກວ້າງ ຈາກດ້ານການຄ້າ, ການປ້ອງກັນຄວາມສະຫງົບ ຕະຫຼອດຮອດບັນດາຂົງເຂດອື່ນໆຄື: ການເງິນ, ເຕັກໂນໂລຊີ. ບໍ່ພຽງແຕ່ອາເມລິກາ ເທົ່ານັ້ນ, ຫຼາຍປະເທດອື່ນໆກໍ່ພວມນຳໃຊ້ນະໂຍບາຍ “ລະມັດລະວັງ” ກ່ວາໃນການພົວພັນກັບ ປັກກີງ ອີກດ້ວຍ.
ການປະທະກັນລະຫວ່າງອາເມລິກາ-ຈີນ ມີໄພແຜ່ລາມອອກສູ່ວົງກວ້າງ
   ວັນທີ 23 ພຶດສະພາ, ກະຊວງຄົມມະນາຄົມອາເມລິກາ ໄດ້ກ່າວເຕືອນວ່າ ຈີນ ໄດ້ກີດຂວາງຄວາມຕ້ອງການເຊື່ອມຕໍ່ສາຍການບິນ ຂອງສອງບໍລິສັດການບິນອາເມລິກາ ຄືນໃໝ່, ພ້ອມທັງຮຽກຮ້ອງໃຫ້ 4 ບໍລິສັດການບິນຂອງ ຈີນ ຕ້ອງມອບລາຍການບິນ ແລະ ບັນດາຂໍ້ມູນທີ່ກ່ຽວຂ້ອງ. ວັນທີ 22 ພຶດສະພາ, ກະຊວງການຄ້າອາເມລິກາ ປະກາດວ່າ ໄດ້ນຳ 9 ອົງການໃໝ່ຂອງຈີນ ເຂົ້າໃນ “ບັນຊີລາຍຊື່ດຳ” ເສດຖະກິດ. ນີ້ແມ່ນ 2 ການຜັນແປຫຼ້າສຸດໃນບັນດາຄວາມເຄັ່ງຕຶງໃນການພົວພັນລະຫວ່າງອາເມລິກາ-ຈີນ ໃນໄລຍະທີ່ຜ່ານມາ.
    ຄວາມເຄັ່ງຕຶງຍັງແຜ່ລາມອອກສູ່ຂົງເຂດ ການເງິນ ແລະ ເຕັກໂນໂລຊີ.  ວັນທີ 23 ພຶດສະພາ, ດັດຊະນີ Hang Seng ຂອງຮົງກົງ ໄດ້ຫລຸດລົງ 5,6%, ຊື່ງເປັນຂີດໝາຍຕ່ຳກ່ວາໝູ່ ໃນການພົວພັນມື້ໜຶ່ງຂອງຕະຫຼາດຫຼັກສັບ ຮົງກົງ ໃນເກືອບ 5 ປີຜ່ານມາ. ສາຍເຫດແມ່ນຍ້ອນບັນດານັກລົງທຶນ ມີປະຕິກິລິຍາໂຕ້ຕອບ ພາຍຫຼັງທີ່ປັກກີງ ໄດ້ປະກາດຮ່າງຂໍ້ຕົກລົງປ້ອງກັນຄວາມສະຫງົບແຫ່ງຊາດໃໝ່ ສະຫງວນໃຫ້ແກ່ເຂດປົກຄອງພິເສດແຫ່ງນີ້. ໃນການກະທຳຫວ່າງມໍ່ໆມານີ້, ສະພາສູງອາເມລິກາ ໄດ້ຮັບຮອງເອົາຮ່າງກົດໝາຍ ອາດຈະສະກັດກັ້ນວິສາຫະກິດຈີນ ປະກາດລາຄາໃນບັນດາຕະຫຼາດຫຼັກສັບອາເມລິກາ ຫລືລະດົມທຶນຈາກນັກລົງທຶນອາເມລິກາ, ເວັ້ນເສຍແຕ່ບັນດາບໍລິສັດເຫຼົ່ານີ້ ປະຕິບັດຕາມບັນດາຂໍ້ກຳນົດ ແລະ ມາດຕະຖານດ້ານກວດສອບບັນຊີຂອງ ອາເມລິກາ.
ໂລກລະບາດໂຄວິດ-19 ຊຸກຍູ້ຫຼາຍປະເທດ ພິຈາລະນາການພົວພັນກັບ ຈີນ
   ການພົວພັນລະຫວ່າງອາເມລິກາ-ຈີນ ເຄັ່ງຕຶງຂຶ້ນ ກໍ່ໄດ້ຊຸກຍູ້ບັນດາສຳພັນທະມິດຂອງອາເມລິກາ ຕ້ອງພິຈາລະນາການພົວພັນກັບຈີນ. ເມື່ອທຽບກັບສົງຄາມການຄ້າ, ໂລກລະບາດໂຄວິດ-19 ເກືອບຄືວ່າ ແມ່ນທາດກະຕຸ້ນເພື່ອໃຫ້ບັນດາສຳພັນທະມິດຂອງອາເມລິກາ ສະແດງໃຫ້ເຫັນທັດສະນະຈະແຈ້ງ, ເດັດຂາດກ່ວາ. ອັງກິດ ຊື່ງແມ່ນປະເທດສຳພັນທະມິດພິເສດຂອງອາເມລິກາ  ແມ່ນ 1 ໃນບັນດາຈຳນວນເຫຼົ່ານັ້ນ. ເດືອນເມສາປີ 2020, ສະມາຊິກສະພາແຫ່ງຊາດອັງກິດຫຼາຍທ່ານ ໄດ້ຮຽກຮ້ອງໃຫ້ທ່ານນາຍົກລັດຖະມົນຕີອັງກິດ Boris Johnson ຈົ່ງຕີລາຄາການພົວພັນກັບຈີນ ຄືນໃໝ່, ພາຍຫຼັງໂລກລະບາດໂຄວິດ-19 ສີ້ນສຸດລົງ. ລັດຖະບານອັງກິດ ພວມມີແຜນການຄວບຄຸມຢ່າງແໜ້ນແຟ້ນກວ່າອີກ ສຳລັບບັນດາຂະແໜງອຸດສາຫະກຳຍຸດທະສາດ ແລະ ເຕັກໂນໂລຊີສູງຂອງອັງກິດ, ລະອຽດແມ່ນ ໄດ້ຍົກອອກບັນດາແຜນການ ເພື່ອແນໃສ່ຫລຸດຜ່ອນການເຂົ້າຮ່ວມຂອງກຸ່ມບໍລິສັດໂທລະຄົມະນາຄົມ Huawei  ເຂົ້າກໍ່ສ້າງເຄືອຂ່າຍ ໂທລະຄົມມະນາຄົມ 5G ໃນ 3 ປີຈະມາເຖິງຢູ່ອັງກິດ. ການປ່ຽນແປງກ່ຽວກັບນະໂຍບາຍນີ້ ແມ່ນການສະແດງອອກຫຼ້າສຸດ ກ່ຽວກັບການພົວພັນທີ່ເຢັນຊາຈືດຈາງລະຫວ່າງ ລອນດອນ ແລະ ປັກກີງ. ຊ້ຳບໍ່ໜຳ, ວັນທີ 28 ພຶດສະພາ, ທ່ານ Dominic Raab ລັດຖະມົນຕີການຕ່າງປະເທດອັງກິດ ໄດ້ປະກາດຢຸດຕິ “ການພົວພັນປົກກະຕິ” ກັບຈີນ.
   ເຊັ່ນດຽວກັນ, ການພົວພັນລະຫວ່າງຈີນ-ອົດສະຕາລີ ກໍ່ພວມແມ່ນຈຸດເຄັ່ງຮ້ອນທີ່ໜ້າສົນໃຈຫຼັງໂລກລະບາດ. ເລື່ອງປັກກີງ ໄດ້ເພີ່ມອາກອນເຂົ້າຝ້າງຂອງ ອົດສະຕາລີ ຂຶ້ນ 80% ຄືດັ່ງການໂຕ້ຕອບເລື່ອງ Canberra ສະໜັບສະໜູນການສອບສວນສືບສວນຢ່າງເອກະລາດ, ຄົບຖ້ວນກ່ວາ ກ່ຽວກັບຕົວການກໍ່ໃຫ້ເກີດໂລກລະບາດ. ການໂຕ້ຖຽງ ແລະ ໂຕ້ຕອບຊື່ງກັນ ແລະ ກັນ ຍັງຄົງເກີດຂຶ້ນ ແລະ ບໍ່ທັນມີສັນຍານຫລຸດລົງເທື່ອ.
   ໂລກລະບາດໂຄວິດ-19 ຍັງເຮັດໃຫ້ຄວາມເຄັ່ງຕຶງທີ່ເຄີຍມີມາກ່ອນລະຫວ່າງ ອາເມລິກາ-ຈີນ ເພີ່ມຂຶ້ນຕື່ມອີກ ແລະ ອາດຈະກໍ່ໃຫ້ເກີດສົງຄາມເຢັນຄັ້ງໃໝ່. ໂລກລະບາດໄດ້ສົ່ງຜົນສະທ້ອນເຖິງການພົວພັນລະຫວ່າງ ຈີນ ແລະ ຫຼາຍຄູ່ຮ່ວມມືສຳຄັນດ້ານເສດຖະກິດ, ການຄ້າ, ການລົງທຶນຂອງ ຈີນ. ການກ່າວຫາກັນລະຫວ່າງປະເທດຕ່າງໆ ອາດຈະເຮັດໃຫ້ສະພາບການໂລກສັບສົນ ແລະ ຂາດສະຖຽນລະພາບຂຶ້ນຕື່ມ.
 (ແຫຼ່ງຄັດຈາກ VOV)

ປະທານປະເທດ ໂຕເລີມ ພົບປະກັບພະມະຫາກະສັດ ກຳປູເຈຍ Norodom Sihamoni

ປະທານປະເທດ ໂຕເລີມ ພົບປະກັບພະມະຫາກະສັດ ກຳປູເຈຍ Norodom Sihamoni

ຕອນບ່າຍວັນທີ 12 ກໍລະກົດນີ້, ທ່ານປະທານປະເທດ ໂຕເລີມ ໄດ້ເດີນທາງເຖິງສະໜາມບິນສາກົນພະນົມເປັນ, ນະຄອນຫຼວງພະນົມເປັນ, ເລີ່ມຕົ້ນການຢ້ຽມຢາມທາງລັດຖະກິດຢູ່ລາຊະອານາຈັກກຳປູເຈຍແຕ່ວັນທີ 12-13 ກໍລະກົດນີ້, ຕາມຄຳເຊີນຂອງພະມະຫາກະສັດກຳປູເຈຍ Norodom Sihamoni .

Top