ຂ່າວສານ

ຫວຽດນາມ ມີກຳລັງດຶງດູດວິສາຫະກິດ ສ.ເກົາຫຼີ ຢ່າງແຮງ

26/01/2023

ຫວຽດນາມ ພວມກາຍເປັນຮາກຖານການຜະລິດທົ່ວໂລກ. ເພື່ອຜະລິດ ແລະ ສົ່ງອອກບັນດາຜະລິດຕະພັນເຄື່ອງເອເລັກໂຕນິກ ຫວຽດນາມ ຕ້ອງໄດ້ນຳເຂົ້າບັນດາເຄື່ອງອາໄຫຼ່ສຳຜັດມື, ທາດຊັກນຳ, ໜ້າຈໍ, ເຫຼັກກ້າ ແລະ ນີ້ແມ່ນບັນດາຜະລິດຕະພັນທີ່ ສ.ເກົາຫຼີ ກຳລັງມີທ່າແຮງ.

ການຜະລິດເຄື່ອງອາໄຫຼ່ເອເລັກໂຕນິກ ຢູ່ບໍລິສັດ D YPE Vina - ສ.ເກົາຫຼີ ຢູ່ແຂວງ ຫວິງຝຸກ (ພາບ: TTXVN)

ວັນທີ 24 ມັງກອນ, ສະຖານີໂທລະພາບ - ວິທະຍຸ ສ.ເກົາຫຼີ KBS ໄດ້ລົງບົດຂຽນພິເສດກ່ຽວກັບ ຫວຽດນາມ, ໃນນັ້ນ ໄດ້ເນັ້ນໜັກວ່າ ຫວຽດນາມ ແມ່ນປະເທດມີຄວາມສຳຄັນພິເສດກັບ ສ.ເກົາຫຼີ. ຫວຽດນາມ ແມ່ນບ່ອນມີປະຊາຄົມຊາວ ສ.ເກົາຫຼີ ດຳລົງຊີວິດຫຼາຍກວ່າ 200.000 ຄົນ ແລະ ແມ່ນປະເທດທີ່ນຳເອົາມູນຄ່າສ່ວນເກີນທາງການຄ້າມາໃຫ້ ສ.ເກົາຫຼີ ຫຼາຍທີ່ສຸດໃນປີ 2022.

ບົດຂຽນຖືວ່າ ຫວຽດນາມ ພວມກາຍເປັນຮາກຖານການຜະລິດທົ່ວໂລກ. ເພື່ອຜະລິດ ແລະ ສົ່ງອອກບັນດາຜະລິດຕະພັນເຄື່ອງເອເລັກໂຕນິກ ຫວຽດນາມ ຕ້ອງໄດ້ນຳເຂົ້າບັນດາເຄື່ອງອາໄຫຼ່ສຳຜັດມື, ທາດຊັກນຳ, ໜ້າຈໍ, ເຫຼັກກ້າ ແລະ ນີ້ແມ່ນບັນດາຜະລິດຕະພັນທີ່ ສ.ເກົາຫຼີ ກຳລັງມີທ່າແຮງ. ສ.ເກົາຫຼີ ນຳໜ້ານັບທັງຈຳນວນ ແລະ ມູນຄ່າການລົງທຶນຈາກຕ່າງປະເທດເຂົ້າ ຫວຽດນາມ. ປັດຈຸບັນນີ້ ບໍລິສັດ ສ.ເກົາຫຼີ ກຳລັງເຄື່ອນໄຫວຢູ່ ຫວຽດນາມ ປະມານ 9.000 ແຫ່ງ.

(ແຫຼ່ງຄັດຈາກ VOV)

ການຮ່ວມມືຢ່າງແໜ້ນແຟ້ນລະຫວ່າງສະຖາບັນຍຸຕິທຳ ຫວຽດນາມ ແລະ ສະຖາບັນຍຸຕິທຳແຫ່ງຊາດ ລາວ

29/12/2025
ຂ່າວສານ

ບົນພື້ນຖານການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງສອງປະເທດ ຫວຽດນາມ - ລາວ, ກວ່າ 2 ທົດສະວັດຜ່ານມາ, ສະຖາບັນຍຸຕິທຳ ຫວຽດນາມ ແລະ ສະຖາບັນຍຸຕິທຳລາວ ໄດ້ພ້ອມກັນຂຽນຕໍ່ເລື່ອງລາວທີ່ດີງາມກ່ຽວກັບການແບ່ງປັນພູມປັນຍາ, ການໜູນຊ່ວຍເຊິ່ງກັນແລະກັນ ໃນພາລະກິດ ກໍ່ສ້າງຖັນແຖວພະນັກງານກົດໝາຍໃຫ້ໝັ້ນຄົງເຂັ້ມແຂງ. ຈາກບັນດາການຢ້ຽມຢາມຄັ້ງທຳອິດ, ບັນດາຊຸດຮຽນທີ່ງ່າຍດາຍໃນຕົ້ນຊຸມປີ 2000, ຕະຫຼອດຮອດບັນດາໂຄງການຮ່ວມມືຂະໜາດໃຫຍ່, ການພົວພັນນັ້ນໄດ້ຮັບການເພີ່ມພູນຄູນສ້າງຢ່າງບໍ່ຢຸດຢັ້ງດ້ວຍນ້ຳໃຈສະຫາຍ, ອ້າຍນ້ອງທີ່ສະໜິດຕິດພັນ.