ຂ່າວສານ

ຫວຽດນາມ ຕ້ອນຮັບແຂກທ່ອງທ່ຽວສາກົນ ເກືອບ 3,7 ລ້ານເທື່ອຄົນ, ລາຍຮັບຈາກຂະແຫນງທ່ອງທ່ຽວບັນລຸກ່ວາ 8 ຕື້ USD

01/05/2023

ສ.ເກົາຫຼີ ສືບຕໍ່ແມ່ນຕະຫຼາດຈັດສົ່ງແຂກທ່ອງທ່ຽວມາ ຫວຽດນາມ ຫຼາຍທີ່ສຸດໃນ 4 ເດືອນຜ່ານມາ, ບັນລຸ 1 ລ້ານເທື່ອຄົນ, ຖັດຈາກນັ້ນແມ່ນ ອາເມລິກາ ດ້ວຍ 260.000 ເທື່ອຄົນ

ພາບປະກອບ: TTXVN

ວັນທີ 29 ເມສາ, ຕາມຂໍ້ມູນຢ່າງເປັນທາງການຂອງກົມໃຫຍ່ການທ່ອງທ່ຽວ (ກະຊວງວັດທະນະທຳ, ກິລາ ແລະ ການທ່ອງທ່ຽວ) ໃຫ້ຮູ້ວ່າ: ໃນເດືອນເມສາ ປີ 2023, ມີແຂກທ່ອງທ່ຽວສາກົນມາ ຫວຽດນາມ ກ່ວາ 984.000 ເທື່ອຄົນ, ສູງທີ່ສຸດນັບແຕ່ຕົ້ນປີ ມາຮອດປັດຈຸບັນ ແລະ ເພີ່ມຂຶ້ນ 9,9% ເມື່ອທຽບໃສ່ກັບເດືອນ ມີນາ. ຈຳນວນແຂກທ່ອງທ່ຽວພາຍໃນປະເທດຄາດວ່າບັນລຸ 10,5 ລ້ານເທື່ອຄົນ. ໄລ່ລວມໃນເດືອນເມສາ ຜ່ານມາ, ການທ່ອງທ່ຽວ ຫວຽດນາມ ຕ້ອນຮັບແຂກທ່ອງທ່ຽວເກືອບ 3,7 ລ້ານ ເທື່ອຄົນ, ຮັບໃຊ້ແຂກທ່ອງທ່ຽວພາຍໃນປະເທດ 38 ລ້ານເທື່ອຄົນ. ຍອດລາຍຮັບຈາກແຂກທ່ອງທ່ຽວຄາດວ່າບັນລຸ 196,6 ພັນຕື້ດົ່ງ (ປະມານ 8,4 ຕື້ USD)

ສ.ເກົາຫຼີ ສືບຕໍ່ແມ່ນຕະຫຼາດຈັດສົ່ງແຂກທ່ອງທ່ຽວມາ ຫວຽດນາມ ຫຼາຍທີ່ສຸດໃນ 4 ເດືອນຜ່ານມາ, ບັນລຸ 1 ລ້ານເທື່ອຄົນ, ຖັດຈາກນັ້ນແມ່ນ ອາເມລິກາ ດ້ວຍ 260.000 ເທື່ອຄົນ, ໃນຂະນະນັ້ນ ຈີນ ບືນຕົວຂຶ້ນຢືນອັນດັບທີ 3 ດ້ວຍ 252.000 ເທື່ອຄົນ. ແຂກທ່ອງທ່ຽວເດີນທາງມາດ້ວຍທາງອາກາດກວມເອົາສ່ວນຫຼາຍ (88,7%).

(ແຫຼ່ງຄັດຈາກ VOV)

ຖະແຫຼງຂ່າວໃຫ້ຕ່າງປະເທດແມ່ນໜຶ່ງໃນບັນດາປັດໄຈຍຸດທະສາດໃນພະລັງງານແຮງອ່ອນສັງລວມແຫ່ງຊາດ

14/12/2025
ຂ່າວສານ

ພິທີມອບລາງວັນແຫ່ງຊາດກ່ຽວກັບການຖະແຫຼງຂ່າວໃຫ້ຕ່າງປະເທດຄັ້ງທີ XI ປີ 2025 ໄດ້ດຳເນີນໃນຕອນຄ່ຳວັນທີ 12 ທັນວາ, ຢູ່ຮ່າໂນ້ຍ. ເມື່ອກ່າວຄຳເຫັນໃນເຫດການນີ້, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເນັ້ນໜັກວ່າ ວຽກງານຖະແຫຼງຂ່າວໃຫ້ຕ່າງປະເທດແມ່ນປັດໄຈຍຸດທະສາດໃນກຳລັງແຮງອ່ອນແຫ່ງຊາດ. ທ່ານກໍສະເໜີໃຫ້ສ້າງຖັນແຖວພະນັກງານເຮັດວຽກງານຖະແຫຼງຂ່າວຕ່າງປະເທດ ທີ່ມີຈັນຍາບັນ, ມີພູມປັນຍາຢ່າງຫຼັກແຫຼມ, ມີຫົວຄິດປະດິດສ້າງ, ມີຄວາມຮັບຜິດຊອບ, ມີຄວາມສຸດຈິດສຸດໃຈ, ມີວິໄສທັດ.