ຂ່າວສານ

ຫວຽດນາມ ຢັ້ງຢືນເລື່ອງປະຕິບັດບັນດາຄຳໝັ້ນສັນຍາສາກົນກ່ຽວກັບແຮງງານ

23/06/2019

ໃນລະຫວ່າງວັນທີ 20 -21 ມິຖຸນາ, ທ່ານ ດ່າວງອັກຢຸງ ລັດຖະມົນຕີກະຊວງແຮງງານ - ທະຫານເສຍອົງຄະ ແລະ ສັງຄົມ ຫວຽດນາມ, ດ້ວຍຖານະເປັນທູດພິເສດຂອງນາຍົກລັດຖະມົນຕີ ຫວຽດນາມ ໄດ້ມີການຢ້ຽມຢາມ ແລະ ເຮັດວຽກຢູ່ ສະຫະພາບເອີລົບ (EU) ແລະ ແບນຊິກ.

ທ່ານ ດ່າວງອັກຢຸງ ລັດຖະມົນຕີກະຊວງແຮງງານ - ທະຫານເສຍອົງຄະ ແລະ ສັງຄົມ ຫວຽດນາມ ແລະ ທ່ານ Jyrki Katainen ຮອງປະທານຄະນະກຳມະການເອີລົບ (ພາບ: TTXVN)

ໃນ 2 ວັນທີ່ເຮັດວຽກຢູ່ Brussels, , ທ່ານ ດ່າວງອັກຢຸງ ໄດ້ມີການພົບປະກັບທ່ານ Jyrki Katainen ຮອງປະທານຄະນະກຳມະການເອີລົບ, ຮັບຜິດຊອບບັນດາບັນຫາວຽກເຮັດງານທຳ ແລະ ການເຕີບໂຕ, ທ່ານນາງ Celilia Malmstrom ຂ້າຫຼວງໃຫຍ່ຮັບຜິດຊອບດ້ານການຄ້າຂອງ EU, ທ່ານ Bernd Lange ປະທານຄະນະກຳມາທິການການຄ້າສາກົນຂອງລັດຖະສະພາ ເອີລົບ, ທ່ານ Joost Korte ຫົວໜ້າກົມໃຫຍ່ວຽກເຮັດງານທຳ ແລະ ບັນດາບັນຫາສັງຄົມ, ແລະ ທ່ານ Kris Peeters ຮອງນາຍົກລັດຖະມົນຕີ, ລັດຖະມົນຕີເສດຖະກິດ - ວຽກເຮັດງານທຳ ລາຊະອານາຈັກ ແບນຊິກ. ບັນດາການເຮັດວຽກໄດ້ສຸມໃສ່ປຶກສາຫາລືກ່ຽວກັບບັນດາບັນຫາທີ່ກ່ຽວຂ້ອງເຖິງຄຳໝັ້ນສັນຍາກ່ຽວກັບແຮງງານໃນ ພາກການຄ້າ ແລະ ພັດທະນາແບບຍືນຍົງຂອງສັນຍາການຄ້າເສລີລະຫວ່າງ ຫວຽດນາມ - ສະຫະພາບເອີລົບ (EVFTA). ທ່ານ ດ່າວງອັກຢຸງ ໄດ້ເນັ້ນໜັກວ່າ, ໄປຄຽງຄູ່ກັບການຮ່ວມມືດ້ານການຄ້າ ແລະ ການລົງທຶນ, ຫວຽດນາມໄດ້ຖືເປັນສຳຄັນການພັດທະນາແບບຍືນຍົງ ແລະ ກວມລວມ, ຖືປະຊາຊົນເປັນໃຈກາງ ແລະ ແມ່ນເປົ້າໝາຍຂອງການພັດທະນາ, ຕິດພັນການພັດທະນາເສດຖະກິດກັບການຮັບປະກັນຊີວິດສັງຄົມ.

(ແຫຼ່ງຄັດຈາກ VOV)

ຫວຽດນາມ - ລາວ ປັບປຸງສາຍພົວພັນ “ຫຸ້ນສ່ວນຍຸດທະສາດ” ໃນໄລຍະໃໝ່

26/01/2026
ຂ່າວສານ

ວັນທີ 26 ມັງກອນ, ທ່ານ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດແຫ່ງ ສປປ. ລາວ ແລະ ພັນລະຍາ ໄດ້ເລີ່ມຕົ້ນການຢ້ຽມຢາມທາງລັດຖະກິດຢູ່ ຫວຽດນາມ. ການຢ້ຽມຢາມ ໄດ້ດຳເນີນໃນລະຫວ່າງວັນທີ 26 – 27 ມັງກອນ, ຕາມຄຳເຊີນຂອງທ່ານເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດ ຫວຽດນາມ ໂຕເລິມ ແລະ ພັນລະຍາ, ປະກອບສ່ວນຍົກລະດັບການພົວພັນ ແລະ ກຳນົດທິດການຮ່ວມມືຮອບດ້ານ, ມີປະສິດທິຜົນ ແລະ ແທດຈິງຂອງໄລຍະພັດທະນາໃໝ່.