ທ່ານຮອງລັດຖະມົນຕີ ຜູ້ປະຈໍາການກະຊວງການຕ່າງປະເທດຫວຽດນາມ ບຸ່ຍແທັງເຊີນ (ພາບ:TTXVN)
ໃນໄລຍະເຮັດວຽກຢູ່ກູບາ, ທ່ານຮອງລັດຖະມົນຕີ ບຸ່ຍແທັງເຊີນ ໄດ້ມີການພົບປະກັບທ່ານລັດຖະມົນຕີກະຊວງການຕ່່າງປະເທດ Bruno Rodriguez Parrilla ແລະ ທ່ານລັດຖະມົນຕີການຄ້າຕ່າງປະເທດ ແລະ ການລົງທຶນຕ່າງປະເທດ Rodrigo Malmierca Diaz, ປຶກສາຫາລືດ້ານການເມືອງກັບທ່ານຮອງລັດຖະມົນຕີຜູ້ທີ 1 ກະຊວງການຕ່າງປະເທດ Marcelo Medina Gonzalez, ພົບປະ ແລະ ເຮັດວຽກກັບການນໍາຄະນະພົວພັນຕ່າງປະເທດສູນກາງພັກກອມມູນິດກູບາ, ຖະຫວາຍດອກໄມ້, ຈູບທູບທຽນຢູ່ອະນຸສາວະລີ ໂຮ່ຈີມິນ ຢູ່ນະຄອນຫຼວງ La Habana.
ທີ່ການພົບປະຄັ້ງຕ່າງໆ ແລະ ການເຈລະຈາກັບຝ່າຍ ກູບາ, ສອງຝ່າຍໄດ້ເຫັນດີຊຸກຍູ້ການພົວພັນທີ່ເປັນມູນເຊື້ອແບບພິເສດລະຫວ່າງສອງປະເທດ ກໍຄື ຮັດແໜ້ນການພົວພັນລະຫວ່າງກະຊວງການຕ່າງປະເທດສອງປະເທດ, ພິເສດແມ່ນເລື່ອງສັບຊ້ອນ ແລະ ກະກຽມໃຫ້ແກ່ການການຢ້ຽມຢາມຂັ້ນສູງ, ຈັດຕັ້ງການເຄື່ອນໄຫວດ້ານການເມືອງ, ເສດຖະກິດ, ວັດທະນະທໍາ ແລະ ມິດພະພາບ ປະຊາຊົນໃນປີ 2020 ເນື່ອງໃນໂອກາດສະເຫຼີມສະຫຼອງວັນສ້າງຕັ້ງການພົວພັນທາງການທູດລະຫວ່າງ ຫວຽດນາມ - ກູບາ ຄົບຮອບ 60 ປີ. ກະຊວງການຕ່າງປະເທດສອງປະເທດ ກໍຢັ້ງຢືນວ່າ ຈະສົມທົບກັບບັນດາກະຊວງ, ຂະແໜງການຂອງສອງປະເທດ, ເພີ່ມທະວີການຮ່ວມມືດ້ານເສດຖະກິດ - ການຄ້າ-ການລົງທຶນສອງຝ່າຍ, ມຸ່ງໄປເຖິງເປົ້າໝາຍນໍາວົງເງິນການຄ້າສອງຝ່າຍຂຶ້ນເຖິງລະດັບ 500 ລ້ານ USD ໃນປີ 2022. ສອງຝ່າຍເຫັນດີສືບຕໍ່ເພີ່ມທະວີການສົມທົບ ແລະ ສະໜັບສະໜູນເຊິ່ງກັນແລະກັນຢູ່ສປຊ, ບັນດາເວທີປາໄສຫຼາຍຝ່າຍ. ສອງຝ່າຍກໍແລກປ່ຽນກ່ຽວກັບສະພາບການຢູ່ທະເລຕາເວັນອອກ, ບັນດາບັນຫາສາກົນ ແລະ ພາກພື້ນ ເຊິ່ງຕ່າງຝ່າຍຕ່າງມີຄວາມສົນໃຈ.
(ແຫຼ່ງຄັດຈາກ VOV)
