• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຫວຽດນາມ ແບ່ງປັນປະສົບການໝູນໃຊ້ເຕັກໂນໂລຢີນິວເຄຼຍເຂົ້າໃນການຮັບມືກັບໂລກລະບາດໂຄວິດ - 19

      ທ່ານເອກອັກຄະລັດຖະທູດ ເລຢຸງ ກໍຢັ້ງຢືນຄືນໃໝ່ຄໍາໝັ້ນສັນຍາຂອງຫວຽດນາມ ແລະ ຈະສືບຕໍ່ຮ່ວມມືກັບອົງການ  IAEA ຢ່າງແໜ້ນແຟ້ນ ເພື່ອຊຸກຍູ້ການໝູນໃຊ້ເຕັກໂນໂລຢີນິວເຄຼຍຮັບໃຊ້ຈຸດປະສົງສ້າງສັນຕິພາບ, ຮັບໃຊ້ການພັດທະນາແບບຍືນຍົງ, ພິເສດແມ່ນແກ້ໄຂບັນດາບັນຫາທົ່ວໂລກ. 
       
      ໃນລະຫວ່າງວັນທີ 15 – 19 ມິຖຸນາ, ສະພາຜູ້ວ່າການອົງການພະລັງງານປະລະມານູສາກົນ (IAEA) ໄດ້ຈັດຕັ້ງກອງປະຊຸມອອນລາຍ ປຶກສາຫາລືກ່ຽວກັບບັນດາບັນຫາຈຸດສຸມໃນການເຄື່ອນໄຫວຂອງອົງການ IAEA ເປັນຕົ້ນແມ່ນ ໂຄງການຮ່ວມມືດ້ານເຕັກນິກນິວເຄຼຍລະຫວ່າງ IAEA ແລະ ອີຣານ, ຊີຣີ, ສປປ.ເກົາຫຼີ. ທ່ານເອກອັກຄະລັດຖະທູດ ເລຢຸງ, ຜູ້ຕາງໜ້າຄະນະຜູ້ຕາງໜ້າຫວຽດນາມປະຈໍາ IAEA ເຂົ້າຮ່ວມ ແລະ ມີບົດກ່າວປາໄສ.
        ນະທີ່ນີ້, ທ່ານເອກອັກຄະລັດຖະທູດ ເລຢຸງ ຊີ້ແຈ້ງວ່າ: ເພື່ອບັນລຸໄດ້ຜົນສໍາເລັດໃນວຽກງານປ້ອງກັນ ແລະ ສະກັດກັ້ນໂລກລະບາດໂຄວິດ - 19 ຄືໃນປັດຈຸບັນ, ແມ່ນຍ້ອນມີຄວາມຕັດສິນໃຈຂອງລັດຖະບານຫວຽດນາມ ໃນການຊອກຫາບັນດາມາດຕະການທີ່ຈໍາເປັນໂດຍໄວ ເພື່ອຈໍາກັດການແຜ່ລະບາດຂອງໂລກລະບາດຢ່າງສຸດຂີດ ບວກກັບການສົມທົບ, ການໜູນຊ່ວຍຂອງເພື່ອນມິດສາກົນ, ໃນນັ້ນ ມີ IAEA. ບັນດາວັດຖຸ, ອຸປະກອນ ແລະ ການແນະນໍາໂດຍອົງການ IAEA ສະໜອງໃຫ້ ໄດ້ຊ່ວຍໃຫ້ບັນດາອົງການວິຊາການຂອງຫວຽດນາມ ໝູນໃຊ້ເຕັກນິກ RT – PCR ແລະ ກວດຫາເຊື້ອໄວຣັດ SARS –CoV- 2  ໄດ້ຢ່າງຊັດເຈນ.
        ເນື່ອງໃນໂອກາດນີ້, ທ່ານເອກອັກຄະລັດຖະທູດ ເລຢຸງ ກໍຢັ້ງຢືນຄືນໃໝ່ຄໍາໝັ້ນສັນຍາຂອງຫວຽດນາມ ແລະ ຈະສືບຕໍ່ຮ່ວມມືກັບອົງການ  IAEA ຢ່າງແໜ້ນແຟ້ນ ເພື່ອຊຸກຍູ້ການໝູນໃຊ້ເຕັກໂນໂລຢີນິວເຄຼຍຮັບໃຊ້ຈຸດປະສົງສ້າງສັນຕິພາບ, ຮັບໃຊ້ການພັດທະນາແບບຍືນຍົງ, ພິເສດແມ່ນແກ້ໄຂບັນດາບັນຫາທົ່ວໂລກ ຄື ໂລກລະບາດ, ການປ່ຽນແປງຂອງດິນຟ້າອາກາດ, ຫຼຸດຜ່ອນມົນລະພິດສິ່ງແວດລ້ອມ ເປັນຕົ້ນ.
 (ແຫຼ່ງຄັດຈາກ VOV)

ສ​ປ​ຊ ຢັ້ງ​ຢືນ​ບັນ​ດາ​ການ​ປະ​ກອບ​ສ່ວນ​ຂອງ​ກຳ​ລັງ​ຮັກ​ສາ​ສັນ​ຕິ​ພາບ ຫວຽດ​ນາມ

ສ​ປ​ຊ ຢັ້ງ​ຢືນ​ບັນ​ດາ​ການ​ປະ​ກອບ​ສ່ວນ​ຂອງ​ກຳ​ລັງ​ຮັກ​ສາ​ສັນ​ຕິ​ພາບ ຫວຽດ​ນາມ

ນີ້ແມ່ນການຢັ້ງຢືນບັນດາການປະກອບສ່ວນຂອງກຳລັງຮັກສາສັນຕິພາບຫວຽດນາມ ເວົ້າລວມ, ໂຮງໝໍກາງສະໜາມຂັ້ນ 2 ເລກ 6 ເວົ້າສະເພາະ, ໃນວິວັດການປະຕິບັດພາລະກິດຢູ່ ຄະນະປົກປັກຮັກສາສັນຕິພາບຂອງ ສປຊ ຢູ່ ຊູດັງໃຕ້ (UNMISS).

Top