• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຫວຽດນາມ ສຸມໃສ່ປັບປຸງຄວາມສາມັກຄີໃນ ອາຊຽນ, ຊຸກຍູ້ຄວາມຄືບໜ້າໃນການສ້າງປະຊາຄົມ

ກອງປະຊຸມວົງແຄບ ລັດຖະມົນຕີການຕ່າງປະເທດ ບັນດາປະເທດ ອາຊຽນ ຫາກໍຈັດຂຶ້ນຢູ່ ພະນົມເປັນ, ລາຊະອານາຈັກ ກຳປູເຈຍ ໃນລະຫວ່າງວັນທີ 16 – 17 ກຸມພາ. ນີ້ແມ່ນການພົບປະໂດຍກົງຄັ້ງທຳອິດຂອງລັດຖະມົນຕີການຕ່າງປະເທດ ບັນດາປະເທດ ອາຊຽນ ພາຍຫຼັງຖືກຕັດຕອນຍ້ອນໂລກລະບາດໂຄວິດ - 19.
ກອງປະຊຸມວົງແຄບ ລັດຖະມົນຕີການຕ່າງປະເທດ ບັນດາປະເທດ ອາຊຽນ (ພາບ: VOV)

 ທີ່ກອງປະຊຸມ, ລັດຖະມົນຕີບັນດາປະເທດໄດ້ແລກປ່ຽນກ່ຽວກັບສິ່ງທ້າທາຍ ແລະ ວາງອອກທິດທາງການຮ່ວມມື, ພ້ອມກັນຮັບມືຢ່າງສຳເລັດຜົນ. ບັນດາລັດຖະມົນຕີໄດ້ສະຫຼຸບວ່າ ຄວາມສາມັກຄີ, ຄວາມເປັນເອກະສັນ ສືບຕໍ່ແມ່ນປັດໄຈແກ່ນສານໃນການເຄື່ອນໄຫວຂອງ ອາຊຽນ, ສັນຕິພາບ ແລະ ສະຖຽນລະພາບແມ່ນເປົ້າໝາຍ, ໂອ້ລົມສົນທະນາ ແລະ ຮ່ວມມືກັນເພື່ອພ້ອມກັນມຸ່ງໄປເຖິງອະນາຄົດ.

ທີ່ກອງປະຊຸມ, ທ່ານລັດຖະມົນຕີການຕ່າງປະເທດ ຫວຽດນາມ ບຸ່ຍແທັງເຊີຍ ກໍສະເໜີບັນດາຂໍ້ລິເລີ່ມ ເປັນຕົ້ນແມ່ນ ການຕົກລົງຮັບຮອງເອົາໃບຢັ້ງຢືນການສັກວັກຊິນຂອງກັນໃນພາກພື້ນ, ນຳໃຊ້ກອງທຶນ ອາຊຽນ ປ້ອງກັນ, ຕ້ານໂຄວິດ - 19 ຢ່າງມີປະສິດທິຜົນ. ທ່ານລັດຖະມົນຕີການຕ່າງປະເທດ ຫວຽດນາມ ກໍໄດ້ກ່າວປາໄສສຳຄັນກ່ຽວກັບບັນຫາທະເລຕາເວັນອອກ ແລະ ມຽນມາ; ຢັ້ງຢືນຫຼັກໝັ້ນ, ຫຼັກການຂອງ ອາຊຽນ, ເນັ້ນໜັກເຖິງຄວາມສຳຄັນຂອງການຮັບປະກັນສັນຕິພາບ, ສະຖຽນລະພາບ, ຄວາມໝັ້ນຄົງຢູ່ ທະເລຕາເວັນອອກ, ປະຕິບັດກົດໝາຍສາກົນ, ແກ້ໄຂການຂັດແຍ້ງກັນໂດຍສັນຕິວິທີ, ປະຕິບັດຖະແຫຼງການກ່ຽວກັບການປະພຶດຂອງບັນດາຝ່າຍຢູ່ທະເລຕາເວັນອອກ (DOC) ຢ່າງຄົບຖ້ວນ ແລະ ມີປະສິດທິຜົນ ແລະ ບັນລຸໄດ້ກົດແຫ່ງການປະພຶດຂອງບັນດາຝ່າຍຢູ່ທະເລຕາເວັນອອກ (COC) ຢ່າງມີປະສິດທິພາບ, ແທດຈິງ, ສອດຄ່ອງກັບກົດໝາຍສາກົນ ແລະ ສົນທິສັນຍາ ສປຊ ກ່ຽວກັບ ກົດໝາຍວ່າດ້ວຍທະເລປີ 1982 (UNCLOS).


(ແຫຼ່ງຄັດຈາກ VOV)

ຄົ້ນພົບການເຮັດອາຫານຢູ່ ຮ່າໂນ້ຍ

ຄົ້ນພົບການເຮັດອາຫານຢູ່ ຮ່າໂນ້ຍ

ໃນ​ກາງ​ເດືອນ ​ກັນຍາ 2022, ​ເມື່ອ ​ຮ່າ​ໂນ້ຍ ກ້າວ​ເຂົ້າສູ່​ລະດູ​ໃບ​ໄມ້ຫຼົ່ນ ​ທີ່​ເຢັນ​ສະບາຍ, ພວກ​ຂ້າພະ​ເຈົ້າ​ໄດ້​ຕັດສິນ​ໃຈ​ໄປ​ຄົ້ນຫາອາຫານການກິນຢູ່ ​ຮ່າໂນ້ຍ, ​ເຊິ່ງ​ ເຝີ, ກາເຟ, ເຂົ້າຈີ່ ແມ່ນ​ເຍື່ອງ​ອາຫານ​ທີ່​ຂາດບໍ່​ໄດ້​ຈາກ​ລາຍການ​ອາຫານຂອງ ຮ່າໂນ້ຍ.

Top