• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຫວຽດນາມ-ສະຫະພັນລັດເຊຍປັບປຸງ,ເພີ່ມທະວີການພົວພັນຄູ່ຮ່ວມມືຍຸດທະສາດຮອບດ້ານ

      ໃນຂອບເຂດສັບປະດາຂັ້ນສູງ APEC, ຕອນບ່າຍວັນທີ 10 ພະຈິກ, ຢູ່ນະຄອນດ່ານັ້ງ, ທ່ານປະທານປະເທດຫວຽດນາມ ເຈີ່ນດ້າຍກວາງ ໄດ້ມີການພົບປະກັບທ່ານປະທານາທິບໍດີສະຫະພັນລັດເຊຍ V.Putin.

(ທ່ານປະທານເທດ ເຈີ່ນດ້າຍກວາງ ຕ້ອນຮັບທ່ານປະທານາທິບໍດີ V.Putin)
      ນະທີ່ນີ້, ທ່ານປະທານເທດ ເຈີ່ນດ້າຍກວາງ ຢືນຢັນແຜນນະໂຍບາຍສະເໝີຕົ້ນສະເໝີປາຍຂອງຫວຽດນາມ ແມ່ນຖືເປັນສຳຄັນ ແລະ ໃຫ້ບຸລິມະສິດປັບປຸງ, ເພີ່ມທະວີການພົວພັນຄູ່ຮ່ວມມືຍຸດທະສາດຮອບດ້ານກັບສະຫະພັນລັດເຊຍ ແລະ ປາດຖະໜາວ່າ 2 ຝ່າຍຈະຕັ້ງໜ້າຜັນຂະຫຍາຍບັນດາມາດຕະການຢ່າງລະອຽດ ເພື່ອນຳການພົວພັນ 2 ຝ່າຍໃຫ້ນັບມື້ນັບພັດທະນາຢ່າງເປັນປົກກະຕິ, ມີປະສິດທິຜົນ… ທ່ານປະທານປະເທດ ສະເໜີໃຫ້ລັດເຊຍ ສ້າງເງື່ອນໄຂສະດວກເພື່ອໃຫ້ວິສາຫະກິດຫວຽດນາມ ຄົ້ນຄວ້າ ລົງທຶນເຂົ້າເຂດຕາເວັນອອກໄກໃຫ້ເໝາະສົມ ບົນພື້ນຖານຄວາມສາມາດບົ່ມຊ້ອນ ແລະ ຄວາມຕ້ອງການຮ່ວມມືຂອງ 2 ຝ່າຍ, ກໍຄືເພີ່ມທະວີແລກປ່ຽນຂໍ້ມູນຂ່າວສານ, ແບ່ງປັນບົດຮຽນໃນຂົງເຂດຕ່າງໆ.
        ສ່ວນທ່ານປະທານາທິບໍດີ V.Putin ໄດ້ຕີລາຄາສູງການເປັນເຈົ້າການ, ຕັ້ງໜ້າຂອງຫວຽດນາມ ໃນບົດບາດເປັນເຈົ້າພາບຈັດຕັ້ງສັບປະດາຂັ້ນສູງ APEC ແລະ ຢືນຢັນວ່າ, ຍາມໃດຫວຽດນາມ ກໍ່ແມ່ນໜຶ່ງໃນບັນດາບຸລິມະສິດການຕ່າງປະເທດຂອງລັດເຊຍ ຢູ່ພາກພື້ນອາຊີ - ປາຊີຟິກ.
        2 ຝ່າຍຢືນຢັນ ສືບຕໍ່ເພີ່ມທະວີການຮ່ວມມືຢ່າງມີປະສິດທິຜົນໃນບັນດາຂົງເຂດການປ້ອງກັນຊາດ - ປ້ອງກັນຄວາມສະຫງົບ, ວິທະຍາສາດ - ເຕັກໂນໂລຊີ, ການສຶກສາ - ບຳລຸງສ້າງ, ວັດທະນະທຳ, ການທ່ອງທ່ຽວ, ແຮງງານ, ການຮ່ວມມືລະຫວ່າງທ້ອງຖິ່ນຕ່າງໆ.
        ພາຍຫຼັງການພົບປະ, 2 ຝ່າຍໄດ້ອອກຖະແຫຼງການຮ່ວມຫວຽດນາມ - ສະຫະພັນລັດເຊຍ ກ່ຽວກັບການຮ່ວມມືໃນຂົງເຂດຮັບປະກັນຄວາມປອດໄພດ້ານຂໍ້ມູນຂ່າວສານສາກົນ. ການນຳ 2 ທ່ານ ໄດ້ຮຽກຮ້ອງໃຫ້ປະຊາຄົມສາກົນ ຮັບຮອງເອົາບັນດາມາດຕະການທີ່ຈຳເປັນ ເພື່ອສະກັດກັ້ນການນຳໃຊ້ເຕັກໂນໂລຊີຂໍ້ມູນຂ່າວສານ ແລະ ສື່ສານ ດ້ວຍຈຸດປະສົງແຊກແຊງເຂົ້າເອກະລາດ, ອະທິປະໄຕ, ແຊກແຊງເຂົ້າວຽກງານພາຍໃນຂອງບັນດາປະເທດ, ກໍຄືເຂົ້າໃນຈຸດປະສົງກໍ່ການຮ້າຍ ແລະ ປະຕິບັດບັນດາການກະທຳທີ່ຜິດກົດໝາຍອື່ນໆ.
        2 ປະເທດໄດ້ເຫັນດີນຳກັນຍູ້ແຮງການຮ່ວມມືໃນຂົງເຂດຮັບປະກັນຄວາມໝັ້ນຄົງດ້ານຂໍ້ມູນຂ່າວສານສາກົນ ຕາມບັນດາທິດຕົ້ນຕໍຄື: ສ້າງ ແລະ ປັບປຸງຄວາມໄວ້ເນື້ອເຊື່ອໃຈລວມ, ຮັບປະກັນຄວາມປອດໄພດ້ານຂໍ້ມູນຂ່າວສານໃຫ້ບັນດາກິດຈະກຳສຳຄັນກ່ຽວກັບຄວາມສະຫງົບແຫ່ງຊາດ; 2 ປະເທດຈະສະໜອງ, ຖ່າຍທອດເຕັກໂນໂລຊີ, ຮ່ວມມືໃນການບຳລຸງສ້າງຊ່ຽວຊານ, ແບ່ງປັນຂໍ້ມູນຂ່າວສານ, ບົດຮຽນໃນການປ້ອງກັນ, ຕ້ານອາດຊະຍາກຳທາງເຄືອຂ່າຍອີນເຕີແນັດ, ສະແດງໃຫ້ເຫັນທີ່ຕັ້ງສະໜິດຕິດພັນຂອງຫວຽດນາມ ແລະ ລັດເຊຍ ໃນບັນດາກົນໄກ ແລະ ເວທີປາໄສສາກົນ.
(ແຫຼ່ງຄັດຈາກ VOV)

ປະທານປະເທດ ຫງວຽນຊວນຟຸກ ເຂົ້າຮ່ວມພິທີສົບອະດີດນາຍົກລັດຖະມົນຕີຍີປຸ່ນ Abe Shinzo

ປະທານປະເທດ ຫງວຽນຊວນຟຸກ ເຂົ້າຮ່ວມພິທີສົບອະດີດນາຍົກລັດຖະມົນຕີຍີປຸ່ນ Abe Shinzo

ຕອນບ່າຍວັນທີ 27 ກັນຍາ, ທ່ານປະທານປະເທດ ຫງວຽນຊວນຟຸກ ໄດ້ນຳໜ້າຄະນະຜູ້ແທນຫວຽດນາມ ເຂົ້າຮ່ວມພິທີສົບອະດີດ ນາຍົກລັດຖະມົນຕີ ຍີ່ປຸ່ນ Abe Shinzo ທີ່ຈັດຂຶ້ນຢູ່ນະຄອນຫຼວງ ໂຕກຽວ ປະເທດ ຍີ່ປຸ່ນ

Top