ຂ່າວສານ
ຫວຽດນາມ ປາດຖະໜາບັນດາປະເທດ ອາຊຽນ ແລະ ປະຊາຄົມສາກົນ ຮ່ວມແຮງຮ່ວມໃຈຊ່ວຍເຫຼືອ ມຽນມາ ຜ່ານຜ່າໄລຍະເກີດໂລກລະບາດ ແລະ ຄວາມຫຍຸ້ງຍາກ
![](https://imagevietnam.vnanet.vn/Upload/2021/8/18/1808202122451812412-vnmongmuon_nago.jpg)
ກ່າວຄຳເຫັນທີ່ກອງປະຊຸມ, ທ່ານລັດຖະມົນຕີການຕ່າງປະເທດ ບຸ່ຍແທງເຊີນ ໄດ້ສະແດງຄວາມຊົມເຊີຍຕໍ່ການຈັດຕັ້ງການເຄື່ອນໄຫວນີ້ໄດ້ຢ່າງທັນການ, ພ້ອມທັງຢັ້ງຢືນວ່າ ນີ້ແມ່ນບາດກ້າວຜັນຂະຫຍາຍສຳຄັນໃນການປະຕິບັດຄວາມເຫັນດີເຫັນພ້ອມ 5 ປະການ. ທ່ານກໍໄດ້ຕີລາຄາສູງຕໍ່ການປະກອບສ່ວນຂອງທ່ານເລຂາທິການໃຫຍ່ ອາຊຽນ Dato Lim Jock Hoi, ຜູ້ປະສານງານກ່ຽວກັບການຊ່ວຍເຫຼືອມະນຸດສະທຳ ຂອງ ອາຊຽນ ໃຫ້ແກ່ ມຽນມາ ແລະ ສູນ AHA ໃນການຊ່ວຍເຫຼືອມະນຸດສະທຳໃຫ້ແກ່ ມຽນມາ.
ທ່ານລັດຖະມົນຕີ ບຸ່ຍແທງເຊີນ ກໍໄດ້ແບ່ງເບົາຄວາມຫຍຸ້ງຍາກ ເຊິ່ງປະເທດ ແລະ ປະຊາຊົນ ມຽນມາ ພວມປະເຊີນໜ້າຍ້ອນໂລກລະບາດໂຄວິດ - 19 ພ້ອມທັງປາດຖະໜາວ່າ ບັນດາປະເທດ ອາຊຽນ, ຄູ່ຮ່ວມມື ແລະ ປະຊາຄົມສາກົນ ຈະພ້ອມກັນຮ່ວມແຮງຮ່ວມໃຈແບ່ງປັນ, ຊ່ວຍເຫຼືອ ມຽນມາ ແລະ ປະຊາຊົນປະເທດນີ້ ຜ່ານຜ່າໂລກລະບາດ ແລະ ຄວາມຫຍຸ້ງຍາກ. ຕາມນັ້ນແລ້ວ, ຫວຽດນາມ ໃຫ້ຄຳໝັ້ນສັນຍາວ່າ ໃນເບື້ອງຕົ້ນຈະໃຫ້ການຊ່ວຍເຫຼືອ ມຽນມາ ກ່ຽວກັບວັດຖຸອຸປະກອນການແພດ ມີມູນຄ່າ 100.000 USD.ໃນກອງປະຊຸມຄັ້ງນີ້, ບັນດາປະເທດສະມາຊິກ ອາຊຽນ ແລະ ຄູ່ຮ່ວມມື ໄດ້ໃຫ້ຄຳໝັ້ນສັນຍາຊ່ວຍເຫຼືອ ມຽນມາ ເງິນຈຳນວນປະມານ 9 ລ້ານ USD.
(ແຫຼ່ງຄັດຈາກ VOV)