ຂ່າວສານ

ຫວຽດນາມເປັນປະທານກອງປະຊຸມຄະນະກຳມະການປະສານງານເຊື່ອມຕໍ່ ອາຊຽນ

20/02/2020

ກອງປະຊຸມຄັ້ງທຳອິດໃນປີ 2020 ຂອງ ຄະນະກຳມະການປະສານງານເຊື່ອມຕໍ່ ອາຊຽນ (ACCC 1/2020) ໄດ້ຈັດຂຶ້ນໃນວັນທີ 18 ກຸມພາ, ຢູ່ສຳນັກງານຄະນະເລລາ ອາຊຽນ, ນະຄອນຫຼວງ ຈາກາຕາ ຂອງ ອິນໂດເນເຊຍ. ທ່ານ ເຈິນດຶກບິ່ງ, ເອກອັກຄະລັດຖະທູດ, ຫົວໜ້າຄະນະປະຕິບັດ ຫວຽດນາມ ປະຈຳອາຊຽນ, ໄດ້ເປັນປະທານກອງປະຊຸມ ACCC.

ທ່ານ ເຈິນດຶກບິ່ງ, ເອກອັກຄະລັດຖະທູດ, ຫົວໜ້າຄະນະປະຕິບັດ ຫວຽດນາມ ປະຈຳອາຊຽນ ເປັນປະທານກອງປະຊຸມ ACCC
(ພາບ: TTXVN)

ກອງປະຊຸມໄດ້ຮັບຮອງເອົາ ການກຳນົດທິດ ແລະ ບັນດາບຸລິມະສິດກ່ຽວກັບການເຊື່ອມຕໍ່ຂອງ ປີປະທານອາຊຽນ 2020 ຂອງ ຫວຽດນາມ ແລະ ແຜນການປະຕິບັດງານ 3 ປີ ໄລຍະ 2020 – 2022 ເພື່ອແນໃສ່ຜັນຂະຫຍາຍ MPAC 2025. ລະອຽດແມ່ນ ອາຊຽນຈະໃຫ້ບຸລິມະສິດຜັນຂະຫຍາຍບັນດາໂຄງການກ່ຽວກັບການສ້າງຂໍ້ມູນດ້ານການຄ້າ, ສ້າງ ວັດຈະນານຸກົມກ່ຽວກັບຂໍ້ມູນເປີດອາຊຽນ, ເພີ່ມທະວີການພັດທະນາບັນດາພື້ນຖານດີຈີຕອນ ອາຊຽນ, ຍົກສູງການບຳລຸງສ້າງ, ສອນວິຊາຊີບ ແລະ ພັດທະນາແຫຼ່ງຊັບພະຍາກອນມະນຸດ ອາຊຽນໃນໄລຍະໃໝ່. ກອງປະຊຸມກໍ່ເຫັນດີເປັນເອກະພາບຕ້ອງມີການລາຍງານ ແລະ ສົ່ງເສີມການເຂົ້າຮ່ວມຂອງບັນດາອົງການວິຊາການຂອງອາຊຽນຢ່າງຄົບຊຸດໃນການຜັນຂະຫຍາຍບັນດາໂຄງການ MPAC 2025, ເພີ່ມທະວີກົນໄກສົມທົບ ແລະ ຮ່ວມສຳພັນການຜັນຂະຫຍາຍ MPAC 2025 ດ້ວຍບັນດາຂໍ້ລິເລີ່ມເຊື່ອມຕໍ່ພາກພື້ນກັບບັນດາປະເທດຄູ່ຮ່ວມມື.

(ແຫຼ່ງຄັດຈາກ VOV)

ທ່ານເລຂາທິການໃຫຍ່ ໂຕເລິມ ເດີນທາງຮອດ ສິງກະໂປ ເລີ່ມຕົ້ນການເຄື່ອນໄຫວຢ້ຽມຢາມ ປະເທດນີ້ຢ່າງເປັນທາງການ

12/03/2025
ຂ່າວສານ

ທ່ານເລຂາທິການໃຫຍ່ ໂຕເລິມ ພ້ອມດ້ວຍພັນລະຍາ ແລະ ຄະນະຜຸ້ແທນຂັ້ນສູງ ຫວຽດນາມ ໄດ້ເດີນທາງໄປຮອດສະໜາມບິນສາກົນ Changi, ເລີ່ມຕົ້ນບັນດາການເຄື່ອນໄຫວຢ້ຽມຢາມ ສ.ສິງກະໂປ ແຕ່ວັນທີ 11 – 13 ມີນາ ຢ່າງເປັນທາງການ.