• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຫວຽດນາມເຂົ້າຮ່ວມກອງປະຊຸມຂັ້ນສູງອາຊຽນ-ຈີນກ່ຽວກັບການປະຕິບັດ DOC ຄັ້ງທີ 17

ກອງປະຊຸມເຈົ້າໜ້າທີ່ຂັ້ນສູງອາຊຽນ - ຈີນ ກ່ຽວກັບການປະຕິບັດຖະແຫຼງການວ່າດ້ວຍການປະພຶດຂອງບັນດາຝ່າຍຢູ່ທະເລຕາເວັນອອກ (DOC) ຄັ້ງທີ 17 ເຊິ່ງດຳເນີນໃນລະຫວ່າງວັນທີ 17 – 18 ພຶດສະພາ, ຢູ່ ຫາງໂຈວ, ປະເທດຈີນ.

(ຜູ້ແທນເຂົ້າຮ່ວມກອງປະຊຸມຂັ້ນສູງອາຊຽນ-ຈີນກ່ຽວກັບການປະຕິບັດ DOC ຄັ້ງທີ 17)

ກ່າວຄຳເຫັນທີ່ກອງປະຊຸມ, ທ່ານຮອງລັດຖະມົນຕີການຕ່າງປະເທດຫວຽດນາມ ຫງວຽນກວ໊ກຢຸງ ໄດ້ຮັບຮູ້ບາດກ້າວທີ່ບັນລຸໄດ້ກ່ຽວກັບການປະຕິບັດ DOC ແລະ ການເຈລະຈາກົດແຫ່ງການປະພຶດຢູ່ທະເລຕາເວັນອອກ (COC). ນອກນັ້ນ, ທ່ານຮອງລັດຖະມົນຕີຍັງໄດ້ແບ່ງປັນຄວາມວິຕົກກັງວົນກ່ຽວກັບບັນດາຄວາມສັບສົນຢູ່ທະເລຕາເວັນອອກ ເຊິ່ງເຄີຍເປັນສາຍເຫດຈາກການແກ້ງແຍ່ງຍຸດທະສາດກັບບັນດາປະເທດໃຫຍ່, ບັນດາການກະທຳພຽງລຳພັງຝ່າຍດຽວທີ່ຜິດຕໍ່ກົດໝາຍສາກົນ, ສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982, ໂດຍສະເພາະແມ່ນບັນດາການເຄື່ອນໄຫວຫັນເປັນການທະຫານ, ເຮັດໃຫ້ຫຼຸດຜ່ອນຄວາມໄວ້ເນື້ອເຊື່ອໃຈ, ກີດຂວາງການຮັກສາສັນຕິພາບ, ສະຖຽນລະພາບ, ສົ່ງຜົນສະທ້ອນເຖິງການເຈລະຈາ COC. ພ້ອມກັນນັ້ນ, ທ່ານຮອງລັດຖະມົນຕີ ກໍ່ເນັ້ນໜັກວ່າ, ທະເລຕາເວັນອອກ ພວມຢືນຢູ່ຕໍ່ໜ້າບັນດາສິ່ງທ້າທາຍອື່ນຄື: ການຫາປາຢ່າງຜິດກົດໝາຍ, ບໍ່ລາຍງານ ແລະ ບໍ່ປະຕິບັດຕາມຂໍ້ກຳນົດ (IUU Fishing), ບັນຫາມົນລະພິດສິ່ງແວດລ້ອມທະເລ… ຕໍ່ໜ້າສະພາບການດັ່ງກ່າວ, ຫວຽດນາມ ຮຽກຮ້ອງໃຫ້ບັນດາປະເທດຍົກສູງຈິດໃຈຄວາມຮັບຜິດຊອບ, ມານະພະຍາຍາມຮ່ວມແຮງຮ່ວມໃຈປະຕິບັດ DOC ຢ່າງຄົບຖ້ວນ, ລະງັບໃຈ ແລະ ບໍ່ມີການກະທຳເຮັດໃຫ້ສະພາບການສັບສົນຂຶ້ນຕື່ມ, ບໍ່ຫັນເປັນການທະຫານ ແລະ ຍູ້ແຮງການຮ່ວມມືແກ້ໄຂບັນດາສິ່ງທ້າທາຍທີ່ພວມວາງອອກ. ຕາມນັ້ນແລ້ວ, ຫວຽດນາມ ຈະຈັດກອງປະຊຸມສຳມະນາໃນຂອບເຂດ DOC ກ່ຽວກັບການປະພຶດຍຸຕິທຳ, ມະນຸດສະທຳຕໍ່ຊາວປະມົງ.

        ກ່ຽວກັບ COC, ທ່ານຫົວໜ້າຄະນະຜູ້ແທນຫວຽດນາມ ຢືນຢັນວ່າ, ນີ້ແມ່ນບັນຫາສຳຄັນຄວນໄດ້ຮັບຄວາມເອົາໃຈໃສ່ຢ່າງກວ້າງຂວາງ, ສະເໜີໃຫ້ອາຊຽນ ແລະ ຈີນ ມານະພະຍາຍາມເຈລະຈາເພື່ອບັນລຸໄດ້ປະມວນຂໍ້ກຳນົດກົດລະບຽບທີ່ມີຜົນສັກສິດ, ແທດຈິງ, ເໝາະສົມກັບກົດໝາຍສາກົນ, ໃນນັ້ນມີສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982, ເຊິ່ງໄດ້ຮັບການສະໜັບສະໜູນຈາກປະຊາຄົມສາກົນ. ປະກອບເຂົ້າວິວັດທະນາການນີ້, ຫວຽດນາມ ຈະເປັນເຈົ້າພາບຈັດກອງປະຊຸມຂັ້ນສູງອາຊຽນ - ຈີນ ກ່ຽວກັບການປະຕິບັດ DOC ຄັ້ງທີ 18, ເຊິ່ງຈະດຳເນີນຢູ່ຫວຽດນາມ ໃນເຄິ່ງທ້າຍປີ 2019.

 (ແຫຼ່ງຄັດຈາກ VOV)

ຫວຽດ​ນາມ ຢືດ​ໝັ້ນ​ປະ​ຕິ​ບັດ​ນະ​ໂຍ​ບາຍ ຈີນ​ດຽວ

ຫວຽດ​ນາມ ຢືດ​ໝັ້ນ​ປະ​ຕິ​ບັດ​ນະ​ໂຍ​ບາຍ “ຈີນ​ດຽວ”

ບົນພື້ນຖານຢືດໝັ້ນປະຕິບັດນະໂຍບາຍ “ຈີນ ດຽວ” ຮັບຮູ້ ໄຕ້ຫວັນ ແມ່ນພາກສ່ວນໜຶ່ງທີ່ບໍ່ອາດຕັດແຍກອອກຈາກຈີນ, ຫວຽດນາມ ຮັກສາ ແລະ ພັດທະນາການພົວພັນທີ່ເປັນມູນເຊື້ອ, ພົວພັນແບບປອດລັດຖະບານກັບ ໄຕ້ຫວັນ ໃນບັນດາຂົງເຂດເສດຖະກິດ - ການຄ້າ, ການລົງທຶນ, ວິທະຍາສາດ - ເຕັກໂນໂລຊີ, ວັດທະນະທຳ, ການສຶກສາ…, ບໍ່ຂະຫຍາຍການພົວພັນຂັ້ນລັດກັບ ໄຕ້ຫວັນ ບໍ່ວ່າການພົວພັນໃດ.

Top