• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຫວຽດນາມສ້າງເຄື່ອງໝາຍການຄ້າ ກາເຟ ເອກະລັກ

      ວັນທີ 9 ທັນວາ, ຢູ່ນະຄອນ ບວນມາທວັດ, ສະຖາບັນວາງແຜນຜັງ ແລະ ອອກແບບດ້ານກະສິກຳ, ກະຊວງກະສິກຳ ແລະ ພັດທະນາຊົນນະບົດ ໄດ້ສົມທົບກັບ ຄະນະຄຸ້ມຄອງໂຄງການຫັນປ່ຽນກະສິກຳ ແບບຍືນຍົງ ຫວຽດນາມ (VnSAT) ຈັດກອງປະຊຸມສຳມະນາສ້າງແຜນຮ່າງພັດທະນາກາເຟ ເອກະລັກ ຫວຽດນາມ.

ກອງປະຊຸມສຳມະນາສ້າງແຜນຮ່າງພັດທະນາກາເຟ ເອກະລັກ ຫວຽດນາມ
      ແຜນຮ່າງພັດທະນາ ກາເຟເອກະລັກ ຫວຽດນາມ ໄດ້ຜັນຂະຫຍາຍມາແຕ່ປີ 2018 ແລະ ໄດ້ ທົດລອງຢູ່ 8 ແຂວງ ແມ່ນ ດ້ຽນບຽນ, ເຊີນລາ, ກ໋ວາງຈິ, ກອນຕຸມ, ຢາລາຍ, ດັກລັກ, ດັກນົງ ແລະ ເລິມດົ່ງ. ແຜນຮ່າງແມ່ນເພື່ອແນໃສ່ຫັນທິດທາງການພັດທະນາກາເຟເອກະລັກຫວຽດນາມໃຫ້ເປັນລະອຽດຮອດປີ 2030 ດ້ວຍເປົ້າໝາຍຢັ້ງຢືນຄຸນນະພາບເຄື່ອງໝາຍການຄ້າ ກາເຟຫວຽດນາມ ເວົ້າລວມ ແລະ ເພີ່ມລາຍຮັບໃຫ້ແກ່ຜູ້ເຂົ້າຮ່ວມລະບົບມູນຄ່າ ກາເຟ ເວົ້າສະເພາະ. ທີ່ກອງປະຊຸມສຳມະນາ, ທ່ານ ຈິ່ງດຶກມິງ, ປະທານສະຫະສະມາຄົມກາເຟ ໃຫ້ຮູ້ວ່າ:
        ການພັດທະນາ ກາເຟ Robusta ຕ້ອງເອົາໃຈໃສ່ເຖິງຕະຫຼາດພາຍໃນປະເທດ. ຍ້ອນວ່າຕະຫຼາດພາຍໃນປະເທດຈະຊ່ວຍໃຫ້ກາເຟຊະນິດອື່ນໆ ມີການເຕີບໂຕໄປຕາມ. ເມື່ອເຂົາເຈົ້າ ເຂົ້າໃຈໄດ້ວ່ານີ້ແມ່ນ ກາເຟແຊບ, ນີ້ແມ່ນກາເຟເອກະລັກ, ການບໍລິໂພກເພີ່ມຂຶ້ນ ຊື່ສຽງຂອງກາເຟຫວຽດນາມກໍ່ເພີ່ມຂຶ້ນ. ຕະຫຼາດກາເຟເອກະລັກທີ່ຈັດຕັ້ງລະບົບສະໜອງຈະມີຈຸດແຕກຕ່າງກັບກາເຟການຄ້າທຳມະດາ.
 (ແຫຼ່ງຄັດຈາກ VOV)

ຫວຽດ​ນາມ ຢືດ​ໝັ້ນ​ປະ​ຕິ​ບັດ​ນະ​ໂຍ​ບາຍ ຈີນ​ດຽວ

ຫວຽດ​ນາມ ຢືດ​ໝັ້ນ​ປະ​ຕິ​ບັດ​ນະ​ໂຍ​ບາຍ “ຈີນ​ດຽວ”

ບົນພື້ນຖານຢືດໝັ້ນປະຕິບັດນະໂຍບາຍ “ຈີນ ດຽວ” ຮັບຮູ້ ໄຕ້ຫວັນ ແມ່ນພາກສ່ວນໜຶ່ງທີ່ບໍ່ອາດຕັດແຍກອອກຈາກຈີນ, ຫວຽດນາມ ຮັກສາ ແລະ ພັດທະນາການພົວພັນທີ່ເປັນມູນເຊື້ອ, ພົວພັນແບບປອດລັດຖະບານກັບ ໄຕ້ຫວັນ ໃນບັນດາຂົງເຂດເສດຖະກິດ - ການຄ້າ, ການລົງທຶນ, ວິທະຍາສາດ - ເຕັກໂນໂລຊີ, ວັດທະນະທຳ, ການສຶກສາ…, ບໍ່ຂະຫຍາຍການພົວພັນຂັ້ນລັດກັບ ໄຕ້ຫວັນ ບໍ່ວ່າການພົວພັນໃດ.

Top