ທ່ານເລຂາທິການໃຫຍ່ອາຊຽນ Dato Lim Jock Hoi 

ຕອບສຳພາດນັກຂ່າວຂ່າວສານຫວຽດນາມປະຈຳຈາກາຕາ, ທ່ານເລຂາທິການໃຫຍ່ອາຊຽນ Dato Lim Jock Hoi ເນັ້ນໜັກວ່າ ຜົນສຳເລັດທາງດ້ານເສດຖະກິດ, ສະຖຽນລະພາບທາງດ້ານການເມືອງ ແລະ ການນຳພາຢ່າງມີລະດັບມອງກ້ວາງເຫັນໄກ ພ້ອມກັບກຳລັງຄວາມສາມາດຢ່າງແຂງແຮງຂອງປະຊາຊົນຫວຽດນາມ ກໍແມ່ນບັນດາຊັບສົມບັດໃຫ້ແກ່ການ   ກໍ່ສ້າງປະຊາຄົມອາຊຽນ.

       ທ່ານເລຂາທິການໃຫຍ່ອາຊຽນ Dato Lim Jock Hoi ຖືວ່າ ຫວຽດນາມໄດ້ປະກອບສ່ວນຍົກສູງຖານະບົດບາດສາກົນຂອງອາຊຽນໃນ 25 ປີທີ່ຜ່ານມາ. ໃນຂົງເຂດເສດຖະກິດ, ຫວຽດນາມໄດ້ເປັນເຈົ້າການບືນຕົວຂຶ້ນສູ່ຕະຫຼາດທົ່ວໂລກໂດຍຜ່ານການລົງນາມໃນບັນດາສັນຍາການຄ້າ ນັບທັງ 2 ຝ່າຍ ແລະ ຫຼາຍຝ່າຍ.

     ກ່ຽວກັບບົດບາດເປັນປະທານອາຊຽນຂອງຫວຽດນາມ, ທ່ານເລຂາທິການໃຫຍ່ອາຊຽນ Dato Lim Jock Hoi ຖືວ່າ ປີ 2020 ແມ່ນປີສຳຄັນສຳລັບອາຊຽນ. ໂລກລະບາດ Covid – 19 ໄດ້ສົ່ງຜົນສະທ້ອນເຖິງບາງເຫດການ ແລະ ຂໍ້ລິເລີ່ມ. ໃນສະພາບການນີ້, ຫວຽດນາມໄດ້ປະຕິບັດບົດບາດຂອງຕົນເປັນຢ່າງດີ ຜ່ານການລິເລີ່ມບັນດາມາດຕະການທີ່ແທດຈິງ ແນໃສ່ແກ້ໄຂບັນຫານີ້. ຜ່ານການສົມທົບກັບໄທຢ່າງແໜ້ນແຟ້ນ, ຫວຽດນາມໄດ້ຊັກຈູງການສ້າງຕັ້ງກອງທຶນອາຊຽນເພື່ອຮັບມືກັບ ໂລກລະບາດ Covid – 19.

 (ແຫຼ່ງຄັດຈາກ VOV)