ຂ່າວສານ

ຫວຽດນາມຊ່ວຍໜູນຜ້າອັດປາກ - ດັງ10.000 ອັນ ໃຫ້ແກ່ປະຊາຊົນ ອາແຊັກໃບຢານ ປ້ອງກັນ, ສະກັດກັ້ນໂລກລະບາດ Covid – 19

30/04/2020

ວັນທີ 28 ເມສາ, ຢູ່ສຳນັກງານສະຖານທູດ ອາແຊັກໃບຢານ ປະຈຳ ຫວຽດນາມ, ສະມາຄົມມິດຕະພາບ ຫວຽດນາມ - ອາແຊັກໃບຢານ (ສະຫະພັນບັນດາອົງການຈັດຕັ້ງມິດຕະພາບ ຫວຽດນາມ) ໂດຍຜ່ານສະຖານທູດ ອາແຊັກໃບຢານ ປະຈຳຫວຽດນາມ ໄດ້ມອບຜ້າອັດປາກ - ດັງ 10.000 ອັນ, ເພື່ອໜູນຊ່ວຍປະຊາຊົນ ອາແຊັກໃບຢານ ໃນການປ້ອງກັນ, ສະກັດກັ້ນໂລກລະບາດ Covid – 19.

ທ່ານ ງຽມຫວູຂ໋າຍປະທານສະມາຄົມມິດຕະພາບຫວຽດນາມ - ອາແຊັກໃບຢານ ມອບຜ້າອັດປາກ - ດັງໃຫ້ທ່ານເອກອັກຄະລັດຖະທູດ ອາແຊັກໃບຢານ ປະຈຳຫວຽດນາມ (ພາບ: TTXVN)

ກ່ອນໜ້ານັ້ນ, ໃນວັນທີ 26 ເມສາ, ສະມາຄົມໄດ້ບໍລິຈາກເງິນໜູນຊ່ວຍ ພົນລະເມືອງ ອາແຊັກໃບຢານ 3 ຄົນທີ່ບໍ່ມີວຽກເຮັດງານທຳຢູ່ເກາະຝູກວ໊ກ ຍ້ອນຜົນສະທ້ອນຂອງໂລກລະບາດ Covid – 19.

ຕາງໜ້າໃຫ້ປະຊາຊົນ ອາແຊັກໃບຢານ ທ່ານ Anar Imanov ເອກອັກຄະລັດຖະທູດອາແຊັກໃບຢານ ປະຈຳ ຫວຽດນາມ ໄດ້ສະແດງຄວາມຂອບໃຈມາຍັງປະຊາຊົນ ຫວຽດນາມເວົ້າລວມ, ບັນດາສະມາຊິກສະມາຄົມມິດຕະພາບ ຫວຽດນາມ - ອາແຊັກໃບຢານ ເວົ້າສະເພາະ, ທ່ານກໍ່ເນັ້ນໜັກວ່າ ນີ້ແມ່ນຂອງຂວັນທີ່ມີຄວາມໝາຍຢ່າງແທ້ຈິງໃນສະພາບການທີ່ຫວຽດນາມພວມປ້ອງກັນ, ສະກັດກັ້ນໂລກລະບາດ Covid – 19.

(ແຫຼ່ງຄັດຈາກ VOV)

ພັດທະນາພື້ນຖານໂຄງລ່າງຍຸດທະສາດຮອບດ້ານ, ສ້າງພື້ນທີ່ພັດທະນາໃໝ່

22/04/2025
ຂ່າວສານ

ໃນອາທິດຜ່ານມາ, ເປັນຄັ້ງທຳອິດທີ່ ຫວຽດນາມ ດຳເນີນພິທີເລີ່ມລົງມືກໍ່ສ້າງ, ເປີດສະຫຼອງ 80 ໂຄງການ, ກິດຈະກຳພັດທະນາພື້ນຖານໂຄງລ່າງເສດຖະກິດ - ສັງຄົມສຳຄັນ, ຈຸດສຸມຂອງປະເທດຊາດ. ນີ້ແມ່ນບັນດາກິດຈະກຳທີ່ເປັນສັນຍາລັກ, ຢັ້ງຢືນພາບພົດປະເທດ ຫວຽດນາມ ພັດທະນາ, ສ້າງຄວາມເຂັ້ມແຂງດ້ວຍຕົນເອງໃນໂລກ.