ຂ່າວສານ

ສະພາຄວາມໝັ້ນຄົງສະຫະປະຊາຊາດ ຈັດກອງປະຊຸມເພື່ອຜັນຂະຫຍາຍການປະຕິບັດມະຕິກ່ຽວກັບຊາວໜຸ່ມ, ສັນຕິພາບ, ຄວາມໝັ້ນຄົງ

11/09/2020

ໃນວັນທີ 09 ກັນຍາ, ໂດມີນີກັນ, ອິນໂດເນເຊຍ, ນີເຊ, ອາຟະລິກາໃຕ້, ອາເມລິກາ, ຝະລັ່ງ, ແຊັງແວັງຊັງ ແລະ ຕຸຍນີຊີ ໄດ້ເປັນປະທານຮ່ວມກອງປະຊຸມກ່ຽວກັບການປະຕິບັດມະຕິ ເລກທີ່ 2535 (2020) ກ່ຽວກັບຊາວໜຸ່ມ, ສັນຕິພາບ, ຄວາມໝັ້ນຄົງ (YPS).

ທ່ານນາງຮອງເລຂາທິການໃຫຍ່ ສປຊ Rosemary DiCarlo (ພາບ: TTXVN)

ກ່າວຄຳເຫັນທີ່ກອງປະຊຸມ, ທ່ານ ດັ້ງດິ່ງກຸ໊ຍ ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳສະຫະປະຊາຊາດ ຖືວ່າ ບັນດາມະຕິຂອງ ສະພາຄວາມໝັ້ນຄົງ ກ່ຽວກັບ YPS ຕ້ອງໄດ້ຜັນຂະຫຍາຍຢ່າງມີປະສິດທິຜົນຢູ່ທຸກຂັ້ນ. ທ່ານ ດັ້ງດິ່ງກຸ໊ຍ ເນັ້ນໜັກວ່າ ປະເທດຊາດຕ້ອງຮັບຜິດຊອບການຍົກອອກໂຄງການດຳເນີນງານ YPS ເຂົ້າກອບນະໂຍບາຍແຫ່ງຊາດ; ເພີ່ມຄວາມຮັບຮູ້ທາງສັງຄົມ, ເພີ່ມກາລະໂອກາດໃຫ້ແກ່ຊາວໜຸ່ມ ແລະ ຍົກເລີກບັນດາສິ່ງກີດຂວາງການເຂົ້າຮ່ວມຂອງຊາວໜຸ່ມ; ສ້າງກາລະໂອກາດຮ່ຳຮຽນ, ບຳລຸງກໍ່ສ້າງ, ວຽກເຮັດງານທຳ, ສາທາລະນະສຸກໃຫ້ແກຊາວໜຸ່ມ ແລະ ແກ້ໄຂບັນດາສາຍເຫດກົກເຄົ້າຂອງການປະທະກັນ. ໃນລະດັບສາກົນ, ທ່ານ ດັ້ງດິ່ງກຸ໊ຍ ສະໜັບສະໜູນໃຫ້ສືບນຳເອົາໂຄງການດຳເນີນງານ YPS ເຂົ້າໃນການເຄື່ອນໄຫວຂອງລະບົບ ສະຫະປະຊາຊາດ, ແຕ່ງຕັ້ງໜ່ວຍງານຮັບຜິດຊອບ YPS ຢູ່ບັນດາຄະນະຜູ້ຕາງໜ້າ, ສົມທົບຢ່າງແໜ້ນແຟ້ນລະຫວ່າງຄະນະຜູ້ຕາງໜ້າ ແລະ ປະເທດປະຈຳຖິ່ນໃນການສ້າງແຜນຍຸດທະສາດ YPS, ຍູ້ແຮງການແບ່ງປັນບົດຮຽນລະຫວ່າງບັນດາຄະນະຜູ້ຕາງໜ້າ.

(ແຫຼ່ງຄັດຈາກ VOV)

ນະຄອນ ໂຮ່ຈີມິນ ຕັ້ງຄວາມຫວັງຈະຕ້ອນຮັບແຂກທ່ອງທ່ຽວສາກົນ 10 ລ້ານເທື່ອຄົນໃນປີ 2025

04/11/2025
ຂ່າວສານ

ໃນ 10 ເດືອນຜ່ານມາ, ນະຄອນ ໂຮ່ຈີມິນ ໄດ້ຕ້ອນຮັບແຂກທ່ອງທ່ຽວສາກົນເກືອບ 6,6 ລ້ານເທື່ອຄົນ, ເພີ່ມຂຶ້ນ 18% ເມື່ອທຽບໃສ່ໄລຍະດຽວກັນຂອງປີກາຍ. ສະເພາະເດືອນຕຸລາ, ນະຄອນດັ່ງກ່າວຕ້ອນຮັບແຂກທ່ອງທ່ຽວສາກົນກວ່າ 705.000 ເທື່ອຄົນ, ເພີ່ມຂຶ້ນ 19% ເມື່ອທຽບໃສ່ໄລຍະດຽວກັນ ແລະ ຕ້ອນຮັບແຂກທ່ອງທ່ຽວພາຍໃນປະເທດ 3,9 ລ້ານເທື່ອຄົນ.