ທີ່ກອງປະຊຸມ, 12 ແຂວງ, ນະຄອນ ເຊິ່ງລວມມີ: ຮ່າໂນ້ຍ, ກວາງນິງ, ຫາຍຟ່ອງ, ນິງບິງ, ແທັງຮວ໊າ, ເງະອານ, ຮວ່າບິ່ງ, ເຊີນລາ, ດ້ຽນບຽນ, ລາຍເຈົາ, ລ່າວກາຍ ແລ ຮ່າຢາງ ຂອງ ຫວຽດນາມ ໄດ້ເຫັນດີເປັນເອກະພາບສ້າງແລວທ່ອງທ່ຽວທີ່ປອດໄພ. ບັນດາທ້ອງຖິ່ນທີ່ນອນໃນແລວທ່ອງທ່ຽວທີ່ປອດໄພນີ້ ໄດ້ເຫັນດີພ້ອມກັນກວດກາຄືນ, ເປັນເອກະພາບຕໍ່ຂໍ້ກຳນົດກ່ຽວກັບການໄປມາຫາສູ່, ການທ່ຽວຊົມຢູ່ສະຖານທີ່ທ່ອງທ່ຽວລະອຽດ ເພື່ອໃຫ້ວິສາຫະກິດ ແລະ ແຂກທ່ອງທ່ຽວ ສາມາດເປັນເຈົ້າການຂຶ້ນແຜນການ ແລະ ຈັດຕັ້ງລາຍການທ່ອງທ່ຽວທີ່ປອດໄພ, ມີປະສິດທິຜົນ, ພາຍຫຼັງທີ່ຖືກຢຸດສະງັກມາເປັນໄລຍະຍາວ ຍ້ອນໂລກລະບາດໂຄວິດ - 19. ທ່ານນາງ ດັ້ງເຮືອງຢາງ - ຫົວໜ້າພະແນກວັດທະນະທຳ, ກິລາ ແລະ ທ່ອງທ່ຽວ ນະຄອນ ຮ່າໂນ້ຍ ຖືວ່າ:
“ປັດຈຸບັນ, ທ້ອງຖິ່ນຕ່າງໆໄດ້ກຽມພ້ອມ ແລະ ທຸກຄົນກໍຮູ້ສຶກດີໃຈຕໍ່ການສ້າງແລວທ່ອງທ່ຽວປອດໄພນີ້ຂຶ້ນມາ. ຮ່າໂນ້ຍ ແມ່ນທ້ອງຖິ່ນລິເລີ່ມ ແລະ ຮຽກຮ້ອງປຸກລະດົມບັນດາແຂວງ, ນະຄອນເຊື່ອມຕໍ່ນຳກັນ ຍ້ອນວ່າການທ່ອງທ່ຽວແມ່ນການຮ່ວມສຳພັນລະຫວ່າງຂະແໜງການ, ລະຫວ່າງເຂດພາກ ແລະ ບໍ່ອາດຢືນຢູ່ໂດດດ່ຽວໄດ້. ເພາະສະນັ້ນ, ພວກຂ້າພະເຈົ້າ ຈຶ່ງປຸກລະດົມລາຍການ ແລະ ແຂວງ, ທ້ອງຖິ່ນຕ່າງໆກໍຕອບສະໜອງເປັນຢ່າງດີ ເມື່ອເປັນແນວນັ້ນ ພວກຂ້າພະເຈົ້າຈຶ່ງສາມາດຟື້ນຟູການເຄື່ອນໄຫວທ່ອງທ່ຽວຄືນໃໝ່ໄດ້ພາຍຫຼັງຖືກຢຸດສະງັກມາເປັນເວລາະຍາວນານ ຍ້ອນໂລກລະບາດ”.
(ແຫຼ່ງຄັດຈາກ VOV)
