• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ສ້າງ​ເຂດ​ໄຕ​ງວຽນ​ພັດ​ທະ​ນາ​ຢ່າງ​ກົມ​ກຽວ

ທ້າຍອາທິດຜ່ານມາ, ຢູ່ແຂວງດັກລັກ, ໄດ້ດຳເນີນກອງປະຊຸມສະຫຼຸບການປະຕິບັດມະຕິເລກທີ 10 (ປີ 2002) ແລະ ບົດສະຫຼຸບເລກທີ 12 (ປີ 2011) ຂອງກົມການເມືອງກ່ຽວກັບການພັດທະນາເສດຖະກິດ - ສັງຄົມ ແລະ ຮັບປະກັນການປ້ອງກັນຊາດ, ປ້ອງກັນຄວາມສະຫງົບຢູ່ເຂດໄຕງວຽນ. ບັນດາການກຳນົດທິດໃໝ່ກ່ຽວກັບການພັດທະນາເຂດໄຕງວຽນໃນໄລຍະຈະມາເຖິງ ໄດ້ຍົກອອກມາ ບົນຈິດໃຈພັດທະນາໄຕງວຽນ ໂດຍໄວ ແລະ ຍືນຍົງ ແມ່ນຄວາມຮັບຜິດຊອບຂອງທຸກຂັ້ນ, ທຸກຂະແໜງການ, ຂອງທົ່ວລະບົບການເມືອງ.
  ທ່ານນາຍົກລັດຖະມົນຕີ ຟ້າມມິງຈິງ ກ່າວຄຳເຫັນທີ່ກອງປະຊຸມ (ພາບ: VGP)  

ເຂດໄຕງວຽນມີ 53 ຊົນເຜົ່າດຳລົງຊີວິດຢູ່ຮ່ວມກັນ, ໃນນັ້ນມີ 52 ຊົນເຜົ່າສ່ວນໜ້ອຍດ້ວຍ 2 ລ້ານກ່ວາຄົນ, ກວມເອົາກ່ວາ 37% ປະຊາກອນທົ່ວເຂດ. ນີ້ກໍ່ແມ່ນເຂດທີ່ມີຫຼາຍຊົນເຜົ່າທີ່ສຸດໃນທົ່ວປະເທດ.

ມີທ່າໄດ້ປຽບພັດທະນາຫຼາຍຢ່າງ

ໄຕງວຽນມີທ່າໄດ້ປຽບພັດທະນາຫຼາຍຢ່າງຄື ມີເນື້ອທີ່ດິນປ່າ 3,2 ລ້ານເຮັກຕາ (ກວມເອົາ 21% ທົ່ວປະເທດ), ມີເນື້ອທີ່ດິນ ບາຢານ 1 ລ້ານ ເຮັກຕາ, ດິນແດງ 1, 8 ລ້ານເຮັກຕາ. ນີ້ແມ່ນເຂດມີລະບົບຊີວະພາບທີ່ອຸດົມສົມບູນ, ອາກາດປອດໂປ່ງບໍລິສຸດ. ເຂດກໍ່ຍັງມີຄວາມສາມາດບົ່ມຊ້ອນຢ່າງໃຫຍ່ຫຼວງກ່ຽວກັບການພັດທະນາອຸດສາຫະກຳພະລັງງານ (ເຂື່ອນໄຟຟ້າ, ໄຟຟ້າແຮງລົມ, ໄຟຟ້າແສງຕາເວັນ), ມີບໍ່ແຮ່ທີ່ອຸດົມສົມບູນ ແລະ ເປັນສູນຜະລິດ bauxite. ໄຕງວຽນກໍ່ແມ່ນເຂດໃຫຍ່ຜະລິດຕົ້ນໄມ້ອຸດສາຫະກຳໃຫຍ່ (ຢາງພາລາ, ກາເຟ, ພິກໄທ, ຊາ, ໝາກມ່ວງຫິມະພານ…), ມີຢາສະໝູນໄພທີ່ມີຄ່າຫຼາຍຢ່າງຄື: ໂສມງອກລິງ, ມີເງື່ອນໄຂສະດວກເພື່ອພັດທະນາກາຍເປັນສູນການທ່ອງທ່ຽວໃຫຍ່ຂອງທົ່ວປະເທດ.

ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຟ້າມມິງຈິງ ເນັ້ນໜັກວ່າ: ພາຍຫຼັງ 20 ປີ ແຫ່ງການປະຕິບັດມະຕິເລກທີ 10 ແລະ 10 ປີແຫ່ງການປະຕິບັດບົດສະຫຼຸບເລກທີ 12, ຂອບຂະໜາດເສດຖະກິດ ປີ 2020 ເພີ່ມຂຶ້ນທົບປະມານ 14 ເທື່ອເມື່ອທຽບໃສ່ປີ 2002, GRDP ຄິດສະເລ່ຍໃນໄລຍະ 2002 – 2020 ແມ່ນ 7,98%, ສູງທີ່ສຸດໃນເຂດຕ່າງໆ. ກະສິກຳກາຍເປັນເຂດຜະລິດຜະລິດຕະພັນກະເສດໃຫຍ່, ດ້ວຍຜະລິດຕະພັນຫຼາຍຊະນິດທີ່ກວມເອົາມາດຕາຖ່ວງສູງໃນການສົ່ງອອກຂອງທົ່ວປະເທດຄື: ກາເຟ, ຢາງພາລາ, ພິກໄທ, ຕົ້ນໄມ້ກິນໝາກ… ອັດຕາຄອບຄົວທຸກຍາກຫຼຸດລົງພໍສົມຄວນ. ວຽກງານຄຸ້ມຄອງປົກປັກຮັກສາພັດທະນາປ່າ, ນຳໃຊ້ຊັບພະຍາກອນນ້ຳຢ່າງມີປະສິດທິຜົນໄດ້ຮັບຄວາມເອົາໃຈໃສ່ຈາກທຸກຂັ້ນ, ທຸກຂະແໜງການ, ທ້ອງຖິ່ນ ແລະ ໄດ້ຮັບການກຳນົດແມ່ນບັນຫາສຳຄັນ, ຮີບດ່ວນຕໍ່ການຫາເງິນລ້ຽງຊີບຂອງປະຊາຊົນໃນເຂດ.

ບັນຫາສັງລວມ ເພື່ອພັດທະນາໄຕງວຽນ

ຕາມທ່ານນາຍົກລັດຖະມົນຕີ ແລ້ວ, ຖ້າໃນເມື່ອກ່ອນ, ຫວຽດນາມ ກຳນົດວ່າ ໄຕງວຽນຄວນ “ມີສະຖຽນລະພາບເພື່ອພັດທະນາ”ນັ້ນ, ໃນປັດຈຸບັນແມ່ນບຸລິມະສິດໃຫ້ການພັດທະນາເພື່ອປະກອບສ່ວນສຳຄັນເຂົ້າໃນການຮັກສາສະຖຽນລະພາບດ້ານການເມືອງ - ສັງຄົມ, ຮັບປະກັນການປ້ອງກັນຊາດ, ປ້ອງກັນຄວາມສະຫງົບ ແລະ ຊຸກຍູ້ການພົວພັນຕ່າງປະເທດ, ຮັບມືກັບທຸກການຜັນແປຂອງສະພາບການຢ່າງມີໄຫວພິບ, ຍາດແຍ່ງຄວາມສະດວກຢ່າງສຸດຂີດ, ແກ້ໄຂສິ່ງທ້າທາຍເພື່ອພັດທະນາ. ທ່ານນາຍົກລັດຖະມົນຕີ ຟ້າມມິງຈິງ ຊີ້ແຈ້ງວ່າ:

ພັດທະນາເຂດໄຕງວຽນຕ້ອງສຸມໃສ່ ແລະ ສົມທົບກັນແກ້ໄຂກ່ຽວກັບການເມືອງ, ແນວຄິດ, ເສດຖະກິດ, ສັງຄົມ, ສິ່ງແວດລ້ອມ, ການປ້ອງກັນຊາດ, ປ້ອງກັນຄວາມສະຫງົບ ແລະ ການພົວພັນຕ່າງປະເທດ ຢ່າງຄົບຊຸດ. ໝາຍຄວາມວ່າຕັ້ງບັນຫາສັງລວມພັດທະນາໄຕງວຽນ. ການພັດທະນາເສດຖະກິດຕ້ອງຕິດພັນກັບການເບິ່ງແຍງດູແລແກ້ໄຂບັນດາບັນຫາສັງຄົມ, ນະໂຍບາຍຊົນເຜົ່າ, ສາສະໜາ, ປຸກລຸກຄວາມເອກອ້າງທະນົງໃຈ, ຫັນຄຸນຄ່າດ້ານປະຫວັດສາດ, ວັດທະນະທຳ, ມູນເຊື້ອການປະຕິວັດ ແລະ ເຈດຈຳນົງ, ຄວາມມຸ່ງມາດປາດຖະໜາບືນຕົວຂຶ້ນ, ສ້າງຄວາມເຂັ້ມແຂງດ້ວຍຕົນເອງ, ຄວາມສາມັກຄີກັນກາຍເປັນກຳລັງໜູນພັດທະນາ. ຕ້ອງມີກົນໄກເພື່ອພັດທະນາ, ເປັນຕົ້ນແມ່ນດຶງດູດແຫຼ່ງກຳລັງສັງຄົມ ແລະ ການລົງທຶນຈາກຕ່າງປະເທດ.

ກ່ຽວກັບເປົ້າໝາຍ, ທ່ານນາຍົກລັດຖະມົນຕີ ຊີ້ແຈ້ງວ່າ ພັດທະນາເຂດໄຕງວຽນຕິດພັນກັບເສດຖະກິດສີຂຽວ, ໝູນວຽນ, ເຕັມໄປດ້ວຍສີສັນວັດທະນະທຳບັນດາເຜົ່າ. ຫັນຈິນຕະນາການຈາກການຜະລິດກະສິກຳກາຍເປັນເສດຖະກິດກະສິກຳ, ໃນນັ້ນສ້າງບາງຜະລິດຕະພັນກະເສດ ທີ່ມີເຄື່ອງໝາຍສາກົນ, ລະບົບຊີວະພາບໄດ້ຮັບການອະນຸລັກ, ຄ້ຳປະກັນຄວາມໝັ້ນຄົງແຫຼ່ງນ້ຳ, ຮັກສາສະຖຽນລະພາບຄວາມໝັ້ນຄົງດ້ານການເມືອງ, ປັບປຸງຊີວິດດ້ານວັດຖຸ ແລະ ຈິດໃຈຂອງປະຊາຊົນ, ຮັກສາການປ້ອງກັນຊາດ, ປ້ອງກັນຄວາມສະຫງົບຢ່າງໝັ້ນຄົງໜັກແໜ້ນ.

ຕາມທ່ານນາຍົກລັດຖະມົນຕີ ແລ້ວ, ການສ້າງແຜນຜັງພັດທະນາເຂດໄຕງວຽນ ໄລຍະ 2021 – 2030, ວິໄສທັດຮອດປີ 2050 ຕາມທິດສີຂຽວ, ໝູນວຽນ, ເຕັມໄປດ້ວຍສີສັນໂດຍອີງໃສ່ປັດໄຈລັກນະສະພິເສດຂອງມະນຸດ, ວັດທະນະທຳ, ທີ່ດິນ, ແຫຼ່ງນ້ຳ ແລະ ປ່າໄມ້ ຂອງໄຕງວຽນ. ສຸມໃສ່ພັດທະນາຕົວເມືອງຢູ່ໃຈກາງທີ່ເປັນກຳລັງໜູນຂອງເຂດ, ພາກ, ອະນຸພາກພື້ນ ເພື່ອແຜ່ຂະຫຍາຍ, ຊຸກຍູ້ເຂດໃກ້ຄຽງ, ເຂດຕ່າງໆພ້ອມກັນພັດທະນາ. ທ່ານກ່າວວ່າ:

ພັດທະນາການສ້າງພື້ນຖານໂຄງລ່າງເສດຖະກິດ - ສັງຄົມ, ເປັນຕົ້ນແມ່ນສ້າງພື້ນໂຄງລ່າງຄົມມະນາຄົມ, ຊົນລະປະທານ, ສະໜອງນ້ຳຢ່າງມີປະສິດທິຜົນ. ກໍ່ສ້າງສຳເລັດບາງເສັ້ນທາງຄວາມໄວສູງ, ຍົກລະດັບສະໜາມບິນ. ເຊື່ອມຕໍ່ຄວາມສະດວກພາຍໃນປະເທດ, ພາກພື້ນ ແລະ ສາກົນ. ໄປຄຽງຄູ່ກັນນັ້ນ, ກໍ່ປະຕິບັດການຫັນປ່ຽນ, ຍົກລະດັບພື້ນຖານໂຄງລ່າງເຕັກໂນໂລຢີຂໍ້ມູນຂ່າວສານ ໄປສູ່ພື້ນຖານໂຄງລ່າງດີຈີຕອນ ໄປຄຽງຄູ່ກັບການຫັນເປັນດີຈີຕອນແຫ່ງຊາດ. ພັດທະນາການເຊື່ອມຕໍ່ພື້ນຖານໂຄງລ່າງການຄ້າຕາມທິດທັນສະໄໝດ ເປີດກ້ວາງການເຊື່ອມຕໍ່ການເຄື່ອນໄຫວການຄ້າ ຕິດພັນກັບການຕະຫຼາດ ທັງຢູ່ພາຍໃນ ແລະ ຕ່າງປະເທດ, ຊຸກຍູ້ການຄ້າເອເລັກໂຕນິກ ແລະ Logistics.

ທ່ານນາຍົກລັດຖະມົນຕີ ກໍ່ຮຽກຮ້ອງວ່າ ເຂດຕ້ອງຖືການພັດທະນາກະສິກຳປ່າໄມ້ແມ່ນ ພື້ນຖານດ້ວຍຜະລິດຕະພັນທີ່ເປັນເອກະລັກສະເພາະ, ມີຄຸນນະພາບ ແລະ ມູນຄ່າສູງ, ການທ່ອງທ່ຽວແມ່ນບຸກທະລຸຕິດພັນກັບການຮັກສາສີສັນວັດທະນະທຳ, ພັດທະນາສະຖານທີ່ທ່ອງທ່ຽວລະດັບຊາດ ແລະ ເຂດຕົວເມືອງທ່ອງທ່ຽວສາກົນ.

ໄຕງວຽນແມ່ນ 1 ໃນ 3 ເຂດຍຸດທະສາດກ່ຽວກັບຄວາມສະຫງົບ, ຄວາມເປັນລະບຽບຮຽບຮ້ອຍ, ແມ່ນໜຶ່ງໃນ 6 ເຂດເສດຖະກິດຈຸດສຸມຂອງ ຫວຽດນາມ. ການພັດທະນາເຂດໄຕງວຽນໂດຍໄວ, ຍືນຍົງ, ກົມກຽວ ມີບົດບາດສຳຄັນທີ່ສຸດຕໍ່ການພັດທະນາເສດຖະກິດ, ສ້າງ ສັງຄົມມີສະຖຽນລະພາບຂອງ ຫວຽດນາມ.

(ແຫຼ່ງຄັດຈາກ VOV)

ໜູນຊ່ວຍ ຮ່າໂນ້ຍ ສ້າງຕ່ອງໂສ້ມູນຄ່າຜະລິດຕະພັນກະເສດ, ປ່າໄມ້ ແລະ ສິນໃນນຳ້ແບບຍືນຍົງຈຳນວນໜຶ່ງ

ໜູນຊ່ວຍ ຮ່າໂນ້ຍ ສ້າງຕ່ອງໂສ້ມູນຄ່າຜະລິດຕະພັນກະເສດ, ປ່າໄມ້ ແລະ ສິນໃນນຳ້ແບບຍືນຍົງຈຳນວນໜຶ່ງ

ວັນທີ 11 ສິງຫາ 2022, ກົມຄຸ້ມຄອງຄຸນນະພາຜະລິດຕະພັນກະເສດ, ປ່າໄມ້ ແລະ ສິນໃນນຳ້ (ກະຊວງກະສິກຳ ແລະ ພັດທະນາຊົນນະບົດ) ສົມທົບກັບພະແນກກະສິກຳ ແລະ ພັດທະນາຊົນນະບົດ ຮ່າໂນ້ຍ ແລະ ຝ່າຍ ການາດາ ດຳເນີນໂຄງການຄວາມປອດໄພດ້ານສະບຽງອາຫານເພື່ອພັດທະນາ, ຈັດຕັ້ງພິທີລົງນາມ ແລະ ເລີ່ມປະຕິບັດແຜນການສົມທົບກັນໜູນຊ່ວຍ ຮ່າໂນ້ຍ ໃນການກໍ່ສ້າງ ແລະ ພັດທະນາຕ່ອງໂສ້ຄຸນຄ່າຜະລິດຕະພັນກະເສດ, ປ່າໄມ້ ແລະ ສິນໃນນຳ້ແບບຍືນຍົງຈຳນວນໜຶ່ງ.

Top