ທ່ານ ຈິ້ງດິ່ງຢຸງ ຮອງນາຍົກລັດຖະມົນຕີຫວຽດນາມ ກ່າວຄຳເຫັນທີ່ການເຮັດວຽກ

(ພາບ: ກະຊວງກໍ່ສ້າງ ຫວຽດນາມ)

 ກ່າວຄຳເຫັນສະຫຼຸບທີ່ການເຮັດວຽກ, ທ່ານ ຈິ້ງດິ່ງຢຸງ ໄດ້ເນັ້ນໜັກວ່າ ໃນຊຸມປີຜ່ານມາ, ຂະແໜງການຜະລິດວັດສະດຸກໍ່ສ້າງ ບັນລຸໄດ້ຜົນງານທີ່ສຳຄັນທີ່ສຸດ. ເຖິງຢ່າງໃດກໍ່ຕາມ, ຂະແໜງວັດສະດຸກໍ່ສ້າງ ຍັງຢຶນຢູ່ຕໍ່ໜ້າຄວາມຫຍຸ້ງຍາກ, ສິ່ງທ້າທາຍ, ຄວາມຮຽກຮ້ອງຕ້ອງການອັນດັບ1 ໃນໄລຍະຈະມາເຖິງ ແມ່ນຮັບປະກັນຄວາມຕ້ອງການດ້ານວັດສະດຸກໍ່ສ້າງພາຍໃນປະເທດ, ຈາກນັ້ນປະກອບສ່ວນເຂົ້າໃນການພັດທະນາຂອງຂະແໜງການກໍ່ສ້າງ ແລະ ສ້າງຫຼາຍວຽກເຮັດງານທຳໃໝ່, ກິດຈະກຳກໍ່ສ້າງໃໝ່, ປ່ຽນແປງໂສມໜ້າຂອງຕົວເມືອງ ກໍ່ຄື ຊົນນະບົດ, ປະກອບສ່ວນສຳຄັນໃຫ້ແກ່ການພັດທະນາເສດຖະກິດ - ສັງຄົມ. ຄຽງຄູ່ກັນນັ້ນ, ຄວາມ ຕ້ອງການວັດສະດຸກໍ່ສ້າງໃນໂລກ ກໍ່ຈະນັບມື້ນັບເພີ່ມຂຶ້ນສູງ, ເພາະສະນັ້ນການພັດທະນາວັດສະດຸກໍ່ສ້າງພາຍໃນປະເທດກໍ່ແມ່ນມຸ່ງໄປເຖິງການສົ່ງອອກ.

        ເພື່ອປະຕິບັດໄດ້ບັນດາເປົ້າໝາຍດັ່ງກ່າວ, ກ່ອນອື່ນໝົດແມ່ນຕ້ອງສ້າງ ຍຸດທະສາດວັດສະດຸກໍ່ສ້າງໃນໄລຍະໃໝ່ (ໄລຍະຮອດປີ 2030, ວິໄສທັດ 2050) ຕິດພັນກັບການນຳໃຊ້ເຕັກໂນໂລຢີທີ່ກ້າວໜ້າ ແລະ ທັນສະໄໝ, ປະຢັດຊັບພະຍາກອນ, ຕ້ອງຫຼຸດຜ່ອນການນຳໃຊ້ພະລັງງານ ແລະ ການປ່ອຍ ກາກບອນ, ປັບຕົວໃຫ້ແທດເໝາະກັບການປ່ຽນແປງຂອງດິນຟ້າອາກາດ, ແລະ ປົກປັກຮັກສາສິ່ງແວດລ້ອມ.

(ແຫຼ່ງຄັດຈາກ VOV)