• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ສ້າງນະໂຍບາຍຊຸກຍູ້ການພັດທະນາເສດຖະກິດດີຈີຕອນຢູ່ ຫວຽດນາມ

ເພື່ອຊຸກຍູ້ການພັດທະນາພື້ນຖານດີຈີຕອນ, ລັດຖະບານ ຫວຽດນາມ ພວມມານະພະຍາຍາມສ້າງນະໂຍບາຍກ່ຽວຂ້ອງເຖິງດີຈີຕອນໃຫ້ສົມບູນແບບ.

ດ້ວຍຈຸດປະສົງປະກອບຄຳເຫັນ ແລະ ສ້າງກອບນະໂຍບາຍຄຸ້ມຄອງການບໍລິການອິນເຕີເນັດຢູ່ ຫວຽດນາມ ກໍຄື

(ພາບປະກອບ: TTXVN)

 ຕີລາຄາບັນດາຜົນກະທົບຂອງນະໂຍບາຍມຸ່ງໄປເຖິງການພັດທະນາຢ່າງຮອບດ້ານຂອງພື້ນຖານເສດຖະກິດດີຈີຕອນ, ຕອນເຊົ້າວັນທີ 17 ກຸມພາ, ຢູ່ ຮ່າໂນ້ຍ, ສະພາການສື່ສານດີຈີຕອນ ຫວຽດນາມ (VDCA) ໄດ້ສົມທົບກັບສະຫະພັນອິນເຕີເນັດ ອາຊີ (AIC) ຈັດການໂອ້ລົມສົນທະນາແບບທາງໄກ ດ້ວຍຫົວຂໍ້: “ສ້າງນະໂຍບາຍຄຸ້ມຄອງການບໍລິການທາງອິນເຕີເນັດ ຊຸກຍູ້ການພັດທະນາຂອງເສດຖະກິດດີຈີຕອນຢູ່ ຫວຽດນາມ”.

ກ່າວຄຳເຫັນໄຂການໂອ້ລົມສົນທະນາ, ທ່ານ ຫງວຽນມິນຮົ່ງ, ປະທານສະພາການສື່ສານດີຈີຕອນ ຫວຽດນາມ ເນັ້ນໜັກວ່າ, ຍຸດທະສາດແຫ່ງຊາດກ່ຽວກັບການພັດທະນາເສດຖະກິດດີຈີຕອນ ແລະ ສັງຄົມດີຈີຕອນຮອດປີ 2025, ກຳນົດທິດຮອດປີ 2030 ໄດ້ວາງອອກເປົ້າໝາຍ, ອັດຕາສ່ວນເສດຖະກິດດີຈີຕອນໃຫ້ກວມເອົາ 20% GDP ຮອດປີ 2025. ເພື່ອຊຸກຍູ້ການພັດທະນາພື້ນຖານດີຈີຕອນ, ລັດຖະບານ ຫວຽດນາມ ພວມມານະພະຍາຍາມສ້າງນະໂຍບາຍກ່ຽວຂ້ອງເຖິງດີຈີຕອນໃຫ້ສົມບູນແບບ.

ການໂອ້ລົມສົນທະນາລວມມີ 2 ວາລະຫົວເລື່ອງສະເພາະ ສຸມໃສ່ຕີລາຄາສັງລວມ, ບັນດາຜົນກະທົບຂອງຮ່າງດຳລັດສະບັບປັບປຸງ, ເພີ່ມເຕີມບາງມາດຕາກ່ຽວກັບການຄຸ້ມຄອງ, ສະໜອງ, ນຳໃຊ້ການບໍລິການອິນເຕີເນັດ ແລະ ຂໍ້ມູນຂ່າວສານທາງອິນເຕີເນັດ, ພ້ອມທັງປຶກສາຫາລື ແລະ ສະເໜີແນະນະໂຍບາຍຄຸ້ມຄອງການບໍລິການທາງອິນເຕີເນັດ ຊຸກຍູ້ການພັດທະນາເສດຖະກິດດີຈີຕອນຢູ່ ຫວຽດນາມ.


(ແຫຼ່ງຄັດຈາກ VOV)

ປຸກ​ລຸກ​ນ້ຳ​ໃຈ​ startup ໃນ​ໝູ່​ນັກ​ຮຽນ, ນັກ​ສຶກ​ສາ

ປຸກ​ລຸກ​ນ້ຳ​ໃຈ​ startup ໃນ​ໝູ່​ນັກ​ຮຽນ, ນັກ​ສຶກ​ສາ

ມີຫຼາຍຮູບແບບສະຕາດອັບ (start up), ປະດິດຄິດສ້າງທີ່ເປັນເອກະລັກ, ມີລັກສະນະໝູນໃຊ້ສູງ ໂດຍນັກຮຽນ, ນັກສຶກສາໃນທົ່ວປະເທດແນະນຳໃນວັນບຸນສະຕາດອັບແຫ່ງຊາດຂອງນັກຮຽນ, ນັກສຶກສາ ຄັ້ງທີ VI, ເຊິ່ງໄດ້ດຳເນີນຢູ່ນະຄອນ ເກີ່ນເທີ ໃນກາງເດືອນພຶດສະພາຜ່ານມາ. ວັນບຸນດັ່ງກ່າວໄດ້ກາຍເປັນເວທີແຫ່ງພູມປັນຍາ, ເຊີດຊູຄວາມສາມາດປະດິດຄິດສ້າງ, ຜົນງານຂອງນັກຮຽນ, ນັກສຶກສາ, ພ້ອມທັບປຸກລຸກນ້ຳໃຈສະຕາດອັບ, ຄວາມຄາດຫວັງກໍ່ຮ່າງສ້າງຕົວ, ສ້າງອາຊີບ, ປະກອບສ່ວນເຮັດໃຫ້ນັກຮຽນ, ນັກສຶກສາປ່ຽນແປງຈິນຕະນາການ, ຄວາມຮັບຮູ້, ກ້າຄິດ, ກ້າທຳ ແລະ ເສີມຂະຫຍາຍກຳລັງຄວາມສາມາດຂອງຕົນ.

Top