ຂ່າວສານ

ສ.ເກົາຫຼີ ຈັດການປະຊຸມດ່ວນກ່ຽວກັບເຫດຍິງວັດຖຸທີ່ບໍ່ກຳນົດໄດ້ຂອງ ສປປ.ເກົາຫຼີ

28/02/2022

ວັນທີ 27 ກຸມພາ, ສະພາຄວາມໝັ້ນຄົງແຫ່ງຊາດ ຂຶ້ນກັບທຳນຽບປະທານາທິບໍດີ ສ.ເກົາຫຼີ ໄດ້ຈັດການປະຊຸມດ່ວນ ພາຍຫຼັງທີ່ ສປປ.ເກົາຫຼີ ຍິງວັດຖຸທີ່ບໍ່ກຳນົດໄດ້ໄປທາງທິດຕາເວັນອອກແຫຼມເກົາຫຼີໂດຍທັນທີ.

ເຫດຍິງລູກສອນໄພ ຂອງ ສປປ.ເກົາຫຼີ (ພາບ: Yonhap/TTXVN)

ຖະແຫຼງການຂອງສະພາເສນາທິການໃຫຍ່ທະຫານປະສົມ ສ.ເກົາຫຼີ ໃຫ້ຮູ້ວ່າ ວັດຖຸບິນນີ້ ອາດຈະແມ່ນລູກສອນໄພນຳວິຖີ ທີ່ໄດ້ຍິງຈາກສະຖານທີ່ໃກ້ກັບນະຄອນຫຼວງ ພຽງຢາງ ຂອງ ສປປ.ເກົາຫຼີ ໃນເວລາ 7 ໂມງ 52 ນາທີ (ຕາມເວລາທ້ອງຖິ່ນ). ສະພາເສນາທິການໃຫຍ່ທະຫານປະສົມ ສ.ເກົາຫຼີ ໄດ້ເວົ້າຢ່າງຈະແຈ້ງວ່າ ກອງທັບປະເທດນີ້ ພວມຕິດຕາມຄວາມສາມາດທີ່ ສປປ.ເກົາຫຼີ ຈະປະຕິບັດເຫດການຍິງລູກສອນໄພຕື່ມອີກ ແລະ ຈະຊັ່ງຊາມາດຕະການຮັບມື. ຖ້າກຳນົດໄດ້, ນີ້ຈະແມ່ນເຫດຍິງທີ 8 ນັບແຕ່ຕົ້ນປີມາຮອດປັດຈຸບັນຂອງ ພຽງຢາງ.

(ແຫຼ່ງຄັດຈາກ VOV)

ຫວຽດນາມ ມີຜູ້ພິພາກສາ ຢູ່ສານກົດໝາຍທະເລສາກົນ ເປັນຄັ້ງທຳອິດ

19/06/2026
ຂ່າວສານ

ວັນທີ 18 ມິຖຸນາ, ໃນຂອບເຂດກອງປະຊຸມຄັ້ງທີ 36 ຂອງ ບັນດາປະເທດພາຄີ ສົນທິສັນຍາອົງການສະຫະປະຊາຊາດ ກ່ຽວກັບກົດໝາຍທະເລ (UNCLOS) ທີ່ສຳນັກງານໃຫຍ່ ອົງການສະຫະປະຊາຊາດ (ສປຊ) ຢູ່ ນິວຢອກ (ສ ອາເມລິກາ), ທ່ານນາງ ຮສຈ. ປອ ຫງວຽນທິລານແອັງ, ຮອງຜູ້ນຳນວຍການ ສະຖາບັນການຕ່າງປະເທດ, ຜູ້ສະໝັກຮັບເລືອກຕັ້ງ ຂອງ ຫວຽດນາມ ໄດ້ຮັບເລືອກຕັ້ງ ເຂົ້າໃນຕຳແໜ່ງ ຜູ້ພິພາກສາ ສານກົດໝາຍທະເລສາກົນ (ITLOS) ອາຍຸການ 2026-2035 ດ້ວຍຄະແນນສຽງສູງສຸດ ໃນພາກພື້ນ ອາຊີ - ປາຊີຟິກ.