ຂ່າວສານ

ສົ່ງເສີມ, ໂຄສະນາການທ່ອງທ່ຽວແຂວງນິງບິ່ງ ປີ 2020

12/10/2020

ວັນທີ 11 ຕຸລາ, ຄະນະກຳມະການປະຊາຊົນແຂວງ ນິງບິ່ງ ໄດ້ຈັດຕັ້ງກອງປະຊຸມສົ່ງເສີມ, ໂຄສະນາການທ່ອງທ່ຽວແຂວງນິງບິງ ປີ 2020 ເພື່ອແນໃສ່ປະຕິບັດບັນດາມາດຕະການຟື້ນຟູ, ຊຸກຍູ້ການເຄື່ອນໄຫວທ່ອງທ່ຽວໃນສະພາບການເກີດໂລກລະບາດໂຄວິດ - 19 ແລະ ມຸ່ງໄປສູ່ປີທ່ອງທ່ຽວແຫ່ງຊາດປີ 2021 ຢູ່ ນິງບິ່ງ.

ກອງປະຊຸມສົ່ງເສີມ, ໂຄສະນາການທ່ອງທ່ຽວແຂວງນິງບິງ ປີ 2020 (ພາບ: hanoimoi.com.vn)

ປີ 2019, ແຂວງນິງບິ່ງ ໄດ້ຕ້ອນຮັບແຂກທ່ອງທ່ຽວຈຳນວນ 7,5 ລ້ານ ເທື່ອຄົນ, ໃນນັ້ນ ມີແຂກທ່ອງທ່ຽວສາກົນຈຳນວນ 1 ລ້ານເທື່ອຄົນ. ເພື່ອບັນລຸໄດ້ເປົ້າໝາຍຕ້ອນຮັບແຂກທ່ອງທ່ຽວຈຳນວນ 3,5 ລ້ານເທື່ອຄົນໃນປີນີ້, ນັບແຕ່ນີ້ຮອດທ້າຍປີ, ຂະແໜງທ່ອງທ່ຽວແຂວງ ນິງບິງ ຕ້ອງຍູ້ແຮງການດຶງດູດແຂກທ່ອງທ່ຽວພາຍໃນ, ຍູ້ແຮງການກໍ່ສ້າງບັນດາຜະລິດຕະພັນທ່ອງທ່ຽວທີ່ເປັນເອກະລັກ ແລະ ຈັບອົກຈັບໃຈ. ທ່ານ ບຸ່ຍວັນແມ້ງ, ຮອງຜູ້ອຳນວຍການພະແນກ ທ່ອງທ່ຽວແຂວງນິງບິ່ງ ໃຫ້ຮູ້ວ່າ:

“ບັນດາສະຖານທີ່ທ່ອງທ່ຽວຕ້ອງຮ່ວມສຳພັນນຳກັນເພື່ອພ້ອມກັນສ້າງຜະລິດຕະພັນທ່ອງທ່ຽວ, ເຮັດແນວໃດເພື່ອບັນດາຜະລິດຕະພັນທີ່ເໝາະສົມກັບແຂກທ່ອງທ່ຽວຫວຽດນາມ. ສິ່ງສຳຄັນທີ່ສຸດແມ່ນຄຸນນະພາບການບໍລິການ ແລະ ເໝາະສົມກັບຄວາມນິຍົມຊົມຊອບຂອງແຂກທ່ອງທ່ຽວ ແລະ ຄວາມຕ້ອງການໃນການບໍລິໂພກອຸປະໂພກຂອງຊາວ ຫວຽດນາມ. “

(ແຫຼ່ງຄັດຈາກ VOV)

ຫວຽດນາມ ແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດ

22/10/2025
ຂ່າວສານ

“ສົນທິສັນຍາ ຮ່າໂນ້ຍ”, ເອກະສານນິຕິກຳສະບັບທຳອິດຂອງ ສປຊ ກ່ຽວກັບການຕ້ານອາດຊະຍາກຳທາງເຄືອຂ່າຍອິນເຕີເນັດ ທີ່ໄດ້ຮັບຮອງໂດຍສະມັດຊາໃຫຍ່ ສປຊ ໃນວັນທີ 24 ທັນວາ 2024 ແລະ ໄດ້ເປີດພິທີລົງນາມຢ່າງເປັນທາງການ ຢູ່ຮ່າໂນ້ຍໃນວັນທີ 25 – 26 ຕຸລາ 2025, ພາຍໃຕ້ການເປັນປະທານຮ່ວມຂອງທ່ານປະທານປະເທດ ຫວຽດນາມ ເລືອງເກື່ອງ ແລະ ທ່ານເລຂາທິການໃຫຍ່ ສປຊ Antonio Guterres. ເຫດການນີ້ບໍ່ພຽງແຕ່ເປີດໜ້າປະຫວັດສາດໃໝ່ໃນການຮ່ວມມືທົ່ວໂລກກ່ຽວກັບຄວາມໝັ້ນຄົງທາງເຄືອຂ່າຍອິນເຕີເນັດ ເທົ່ານັ້ນຫາກຍັງຢັ້ງຢືນບົດບາດ ແລະ ຄວາມຮັບຜິດຊອບຂອງຫວຽດນາມ ໃນການແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດອີກດ້ວຍ.