ທ່ານປະທານປະເທດ ເລືອງເກືອງ ກ່າວຄຳເຫັນທີ່ການເຮັດວຽກ (ພາບ: Lâm Khánh/TTXVN)

ໂດຍສືບຕໍ່ໂຄງການປະຕິບັດງານຢູ່ແຂວງ ແທັງຮວາ, ຕອນເຊົ້າວັນທີ 5 ທັນວາ, ທ່ານປະທານປະເທດ ເລືອງເກືອງໄດ້ມີການເຮັດວຽກກັບຄະນະປະຈຳຄະນະພັກແຂວງ ແທັງຮວາກ່ຽວກັບສະພາບການພັດທະນາເສດຖະກິດ - ສັງຄົມ. ທີ່ການເຮັດວຽກ, ແຂວງແທັງຮວາ ໄດ້ສະເໜີກັບທ່ານປະທານປະເທດ ແລະ ບັນດາກະຊວງ, ຂະແໜງການຂັ້ນສູນກາງ ພິຈາລະນາປະກອບຄຳເຫັນເພື່ອໃຫ້ລັດຖະບານໜູນຊ່ວຍແຫຼ່ງເງິນທຶນໃຫ້ແກ່ບາງໂຄງການລົງທຶນພື້ນຖານໂຄງລ່າງຄົມມະນາຄົມຈຸດສຸມ, ເພີ່ມເຕີມນະໂຍບາຍດຶງດູດສຳລັບພະນັກງານ, ລັດຖະກອນ, ຜູ້ອອກແຮງງານຢູ່ເຂດພູສູງ, ເຂດມີເງື່ອນໄຂເສດຖະກິດ - ສັງຄົມປະສົບກັບຄວາມຫຍຸ້ງຍາກ. ກ່າວຄຳເຫັນທີ່ການເຮັດວຽກ, ທ່ານປະທານປະເທດ ເລືອງເກືອງ ສະເໜີວ່າ:

ທາງແຂວງສືບຕໍ່ປະຕິບັດວຽກງານວາງແຜນກຳນົດເປັນຢ່າງດີ, ໃນນັ້ນຕ້ອງສຸມໃສ່ຜັນຂະຫຍາຍປະຕິບັດການວາງແຜນຜັງແຂວງແທັງຮ່ວາໃນລໄຍະ 2021 – 2030, ວິໄສທັດຮອດປີ 2045 ຢ່າງມີປະສິດທິຜົນ. ຈັດຕັ້ງປະຕິບັດບັນດາກົນໄກ, ນະໂຍບາຍພິເສດພັດທະນາແຂວງແທັງຮວາ. ໃນນັ້ນ, ເອົາໃຈໃສ່ເຖິງການສັບຊ້ອນ, ຈັດວາງສະຖານທີ່ພັດທະນາຕາມແລວເສດຖະກິດ.