ຂ່າວສານ

ສື່ມວນຊົນ ສາກົນ ຕີລາຄາສູງຄວາມມານະພະຍາຍາມຜ່ານຜ່າຄວາມຫຍຸ້ງຍາກຂອງ ເສດຖະກິດ ຫວຽດນາມ ປີ 2021

31/12/2021

ຫວຽດນາມ ໄດ້ສຳເລັດບາງຄາດໝາຍເສດຖະກິດໃນປີ 2021 ໂດຍບໍ່ຫົວຊາຕໍ່ຜົນສະທ້ອນຈາກໂລກລະບາດໂຄວິດ - 19, ກາຍເປັນໜຶ່ງໃນ 20 ພື້ນຖານເສດຖະກິດແຖວໜ້າໂລກ ກ່ຽວກັບການຄ້າສາກົນ. ນີ້ແມ່ນຂໍ້ສັງເກດ ທີ່ໄດ້ຍົກອອກໃນບົດຂຽນ ໂດຍສຳນັກຂ່າວສານ Bernama ຂອງ ມາເລເຊຍເອົາລົງຫວ່າງມໍ່ໆມານີ້.

ພາບປະກອບ: ວາລະສານການເງິນ

ຕາມບົດຂຽນແລ້ວ, ຫວຽດນາມ ໄດ້ຫັນຍຸດທະສາດ ຈາກ “Zero ໂຄວິດ” ໄປສູ່ການຮັມມືຢ່າງປອດໄພ, ມີໄຫວພິບ ແລະ ຄວບຄຸມໂລກລະບາດໂຄວິດ - 19 ຢ່າງມີປະສິດທິຜົນ, ຊ່ວຍຮັກສາການເຄື່ອນໄຫວດ້ານເສດຖະກິດ.

ເພື່ອໃຫ້ມີພື້ນຖານມະຫາພາກຢ່າງໝັ້ນແກ່ນ, ລັດຖະບານໄດ້ຍົກອອກບັນດາການໜູນຊ່ວຍທີ່ບໍ່ເຄີຍມີມາກ່ອນ ໃຫ້ແກ່ປະຊາຊົນ ແລະ ວິສາຫະກິດ ທີ່ຖືກຜົນກະທົບຈາກໂລກລະບາດໂຄວິດ - 19, ພ້ອມທັງປະຕິບັດການປັບປຸງນະໂຍບາຍຢ່າງທັນການ. ແຕ່ລະທ້ອງຖິ່ນ ກໍ່ນຳໃຊ້ບັນດາວິທີການສະເພາະ ໃນການປະຕິບັດບັນດານະໂຍບາຍ ແລະ ແຜນນະໂຍບາຍຂອງ ລັດຖະບານ ເພື່ອແນໃສ່ບັນລຸໄດ້ເປົ້າໝາຍຄວບຄູ່ທັງປ້ອງກັນ, ຕ້ານໂລກລະບາດໂຄວິດ - 19 ແລະ ພັດທະນາເສດຖະກິດ. ບັນດານະໂຍບາຍ ແລະ ຍຸດທະສາດ ຄືແນວນີ້ ໄດ້ປັບປຸງຄວາມໄວ້ເນື້ອເຊື່ອໃຈ ຂອງປະຊາຊົນທີ່ມີ ຕໍ່ລັດຖະບານ, ພ້ອມທັງ ສົ່ງເສີມປະຊາຊົນຮ່ວມແຮງຮ່ວມໃຈສະກັດກັ້ນໂລກລະບາດໂຄວິດ - 19 ແລະ ພັດທະນາເສດຖະກິດ.

ສຳນັກຂ່າວສານ Bernama ຊີ້ແຈ້ງວ່າ ວົງເງິນການຄ້າຕ່າງປະເທດ ລື່ນກາຍລະດັບ 660 ຕື້ USD, ເພີ່ມຂຶ້ນ 21% ເມື່ອທຽບໃສ່ກັບ ເກີນດຸນການຄ້າ ປະມານ 2,1ຕື້ USD. ສິ່ງທີ່ເປັນໜ້າສົນໃຈນັ້ນແມ່ນ, ເງິນລົງທຶນໂດຍກົງຈາກຕ່າງປະເທດ (FDI) ທີ່ລົງທຶນຢູ່ ຫວຽດນາມ ບັນລຸໄດ້ກ່ວາ 29 ຕື້ USD, ເພີ່ມຂຶ້ນເກືອບ 500 ລ້ານ USD ເມື່ອທຽບໃສ່ກັບປີ 2020. GDP ໃນປີ 2021 ຄາດວ່າຈະເພີ່ມຂຶ້ນ 2,58% ເມື່ອທຽບໃສ່ກັບປີ 2020.

(ແຫຼ່ງຄັດຈາກ VOV)

ນາຍົກລັດຖະມົນຕີ ຟ້າມມິງຈິງ ເຮັດວຽກກັບເອກອັກຄະລັດຖະທູດ ສ.ເກົາຫຼີ ປະຈຳ ຫວຽດນາມ

08/09/2024
ຂ່າວສານ

ຕອນບ່າຍວັນທີ 06 ກັນຍາ, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ມີການເຮັດວຽກກັບທ່ານເອກອັກຄະລັດຖະທູດ ສ.ເກົາຫຼີ ປະຈຳ ຫວຽດນາມ, Choi Young Sam ເພື່ອແນໃສ່ຜັນຂະຫຍາຍ, ຫັນເນື້ອໃນການໂອ້ລົມທາງໂທລະສັບລະຫວ່າງທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລິມ ແລະ ທ່ານປະທານາທິບໍດີ ສ.ເກົາຫຼີ Yoon Suk Yeol ເປັນລະອຽດ, ກໍຄືສຳຫຼວດກວດຄືນການຈັດຕັ້ງປະຕິບັດເນື້ອໃນຂໍ້ຕົກລົງຮ່ວມມືສະບັບຕ່າງໆທີ່ບັນລຸໄດ້ໃນການຢ້ຽມຢາມ ສ.ເກົາຫຼີ ຂອງທ່ານນາຍົກລັດຖະມົນຕີ ຜ່ານມາ.