• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ສືບຕໍ່ຖືກຜົນເສຍຫາຍທາງດ້ານຊີວິດອິນຊີ ແລະ ຊັບສິນໃນເຫດຝົນຕົກ ແລະ ນ້ຳຖ້ວມ

      ມາຮອດປະຈຸບັນມີຂົວ 4 ແຫ່ງຖືກພັດໄປຕາມກະແສນ້ຳ. ບັນດາເສັ້ນທາງຫຼວງ ແລະ ເສັ້ນທາງຕໍ່ແຂວງ, ຕໍ່ຕາແສງ...

ພາບປະກອບ
      ໃນບົດລາຍງານດ່ວນຂອງຄະນະຊີ້ນຳການປ້ອງກັນ, ຕ້ານໄພພິບັດທຳມະຊາດ ແລະ ຊອກຫາກູ້ໄພກູ້ຊີບແຂວງ ລາຍເຈົາ, ຮອດເວລາ 16 ໂມງຕອນແລງວັນທີ 25 ມິຖຸນາ, ທ້ອງຖິ່ນໄດ້ຮັບຮູ້ຕົວເລກ 22 ຄົນຖືກເສຍຊີວິດ ແລະ ຫາຍສາບສູນ, ໃນນັ້ນ ມີເມືອງຊິ່ນໂຮ່ ແມ່ນທ້ອງຖິ່ນມີຈຳນວນຜູ້ຖືກເສຍຊີວິດ ແລະ ຫາຍສາບສູນຫຼາຍທີ່ສຸດ. ນອກຈາກນັ້ນ, ຝົນຕົກໜັກໃນບໍລິເວນກໍ່ເຮັດໃຫ້ເຮືອນຊານຂອງປະຊາຊົນ 150 ຫຼັງຖືກເປ່ເພ; ສັດປີກກ່ວາ 5.000 ໂຕ, ເຂົ້າສານ, ຜັກພືດເກືອບ 450 ເຮັດຕາ ແລະ ກ່ວາ 40 ກິດຈະກຳຊົນລະປະທານ, ນ້ຳປະປາຖືກກະແສນ້ຳພັດໄປ ແລະ ຖືກດິນຕົມທັບຖົມ. ຄວາມເສຍຫາຍໜັກໜ່ວງທີ່ສຸດແມ່ນກ່ຽວກັບດ້ານຄົມມະນາຄົມ, ມາຮອດປະຈຸບັນມີຂົວ 4 ແຫ່ງຖືກພັດໄປຕາມກະແສນ້ຳ. ບັນດາເສັ້ນທາງຫຼວງ ແລະ ເສັ້ນທາງຕໍ່ແຂວງ, ຕໍ່ຕາແສງ, ຕໍ່ບ້ານຖືກເຊາະເຈື່ອນຢ່າງໜັກໜ່ວງ, ປະລິມານດິນ, ຫີນຂຶ້ນເຖິງກ່ວາ 800.000 ແມັດກ້ອນ.
        ຕໍ່ໜ້າສະພາບການນັ້ນ, ວັນທີ 25 ມິຖຸນາ, ຄະນະປະຈຳຄະນະກຳມະການສູນກາງແນວໂຮມປະເທດຊາດ ຫວຽດນາມ ໄດ້ໂທລະເລກຢື້ຢາມຖາມຂ່າວຄະນະພັກແຂວງ, ສະພາປະຊາຊົນ, ຄະນະກຳມະການປະຊາຊົນ, ຄະນະກຳມະການແນວໂຮມປະເທດຊາດ ຫວຽດນາມ ແລະ ບັນດາຄອບຄົວຖືກຜົນເສຍຫາຍຍ້ອນຝົນຕົກ ແລະ ນ້ຳຖ້ວມເກີດຂຶ້ນຢູ່ບັນດາແຂວງ: ລາຍເຈົາ, ຮ່າຢາງ, ອ໋ຽນບ໋າຍ, ລາວກາຍ. ຄະນະກຳມະການສູນກາງແນວໂຮມປະເທດຊາດ ຫວຽດນາມ ກໍ່ສະເໜີໃຫ້ຄະນະປະຈຳຄະນະກຳມະການແນວໂຮມປະເທດຊາດ ຫວຽດນາມ ບັນດາແຂວງ: ລາຍເຈົາ, ຮ່າຢາງ, ອ໋ຽນບ໋າຍ, ລາວກາຍ ສົມທົບກັບອຳນາດການປົກຄອງ, ຄະນະຊີ້ນຳຫ້ອງການຕ້ານໄພພິບັດທຳມະຊາດຂອງແຂວງ ລວບລວມສະຖິຕິຄວາມເສຍຫາຍດ້ານຊີວິດອິນຊີ, ຈຳນວນຜູ້ຖືກຮັບບາດເຈັບ, ຈຳນວນຄອບຄົວຖືກເປ່ເພ, ເສຍຫາຍ ແລະ ລາຍງານຕໍ່ຄະນະກຳມະການສູນກາງແນວໂຮມປະເທດຊາດ ຫວຽດນາມ ເພື່ອມີມາດຕະການໜູນຊ່ວຍປະຊາຊົນ, ປະກອບສ່ວນແກ້ໄຂຄວາມຫຍຸ້ງຍາກ.
 (ແຫຼ່ງຄັດຈາກ VOV)

ເອກ​ອັກ​ຄະ​ລັດ​ຖະ​ທູດ ລາວ ປະ​ຈຳ ຫວຽດ​ນາມ: ການ​ຢ້ຽມ​ຢາມ​ ລາວ ຂອ​ງ​ທ່ານ​ປະ​ທານ​ປະ​ເທດ ໂຕ​ເລິມ ປະ​ກອບ​ສ່ວນ​ເຂົ້າ​ໃນ​ການ​ພັດ​ທະ​ນາ​ຂອງ​ສອງ​ປະ​ເທດ​ໃນ​ຍຸກ​ສະ​ໄໝ​ໃໝ່

ເອກ​ອັກ​ຄະ​ລັດ​ຖະ​ທູດ ລາວ ປະ​ຈຳ ຫວຽດ​ນາມ: ການ​ຢ້ຽມ​ຢາມ​ ລາວ ຂອ​ງ​ທ່ານ​ປະ​ທານ​ປະ​ເທດ ໂຕ​ເລິມ ປະ​ກອບ​ສ່ວນ​ເຂົ້າ​ໃນ​ການ​ພັດ​ທະ​ນາ​ຂອງ​ສອງ​ປະ​ເທດ​ໃນ​ຍຸກ​ສະ​ໄໝ​ໃໝ່

ນັບແຕ່ວັນທີ 11 - 12 ກໍລະກົດ, ທ່ານປະທານປະເທດ ຫວຽດນາມ ໂຕເລິມ ມີການຢ້ຽມຢາມທາງລັດຖະກິດຢູ່ລາວ. ເລື່ອງທ່ານປະທານປະເທດ ຫວຽດນາມ ໂຕເລິມ ໄດ້ເລືອກເອົາ ລາວ ເປັນປະເທດທຳອິດ ທີ່ໄປຢ້ຽມຢາມໃນຖານະຕຳແໜ່ງໃໝ່ຂອງຕົນນັ້ນ ໄດ້ເປັນການຢັ້ງຢືນແກ່ການສືບຕໍ່ເສີມຂະຫຍາຍສາຍພົວພັນແບບພິເສດ ແລະ ມີຄວາມໝາຍສຳຄັນລະຫວ່າງສອງປະເທດ. ລາວ ມີຄວາມເປັນກຽດ ຕ້ອນຮັບປະທານປະເທດ ຫວຽດນາມ ມາຢ້ຽມຢາມຄັ້ງນີ້” - ນີ້ແມ່ນການຕີລາຄາຂອງທ່ານນາງ ຄຳເພົາ ເອີນທະວັນ, ເອກອັກຄະລັດຖະທູດຜູ້ມີອຳນາດເຕັມແຫ່ງ ສປປ.ລາວ ປະຈຳ ສສ.ຫວຽດນາມ ໃນການສຳພາດຕໍ່ນັກຂ່າວວິທະຍຸກະຈາຍສຽງ ຫວຽດນາມ ປະຈຳ ລາວ ເນື່ອງໃນໂອກາດການຢ້ຽມຢາມທາງລັດຖະກິດຢູ່ ລາວ ຂອງທ່ານປະທານປະເທດ ຫວຽດນາມ ໂຕເລິມ.

Top