• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ສິນຄ້າສົ່ງອອກຂອງ ຫວຽດນາມ ໄປ ອີຢູ ຈະບັນລຸລະດັບເຕີບໂຕທີ່ປະເອີບໃຈ

ພາຍຫຼັງປີທຳອິດປະຕິບັດ, EVFTA ບໍ່ພຽງແຕ່ແມ່ນໄມ້ງັດຊຸກຍູ້ການຄ້າ 2 ສົ້ນເທົ່ານັ້ນ ຫາກຍັງສ້າງທ່າແຮງດີທີ່ໃຫ້ແກ່ປະຊາຄົມວິສາຫະກິດຂອງ 2 ປະເທດອີກດ້ວຍ.
ຄວາມສາມາດບົ່ມຊ້ອນຂອງຕະຫຼາດ ອີຢູ ຍັງໃຫຍ່ຫຼວງພໍສົນຄວນສຳລັບວິສາຫະກິດ ຫວຽດນາມ. (ພາບ: TTXVN)

ຄາດວ່າ, ປີ 2022 ການສົ່ງອອກສິນຄ້າຂອງ ຫວຽດນາມ ໄປຕະຫຼາດ ອີຢູ ຈະບັນລຸລະດັບເຕີບໂຕທີ່ປະເອີບໃຈເມື່ອທຽບໃສ່ປີ 2021 ຍ້ອນບັນດາວິສາຫະກິດ ຫວຽດນາມ ນັບມື້ນັບນຳໃຊ້ບຸລິມະສິດຈາກສັນຍາການຄ້າເສລີ ຫວຽດນາມ - ອີຢູ (EVFTA) ເປັນຢ່າງດີ.

ສັນຍາ EVFTA ເລີ່ມມີຜົນສັກສິດນັບແຕ່ວັນທີ 01 ສິງຫາ 2020. ພາຍຫຼັງປີທຳອິດປະຕິບັດ, EVFTA ບໍ່ພຽງແຕ່ແມ່ນໄມ້ງັດຊຸກຍູ້ການຄ້າ 2 ສົ້ນເທົ່ານັ້ນ ຫາກຍັງສ້າງທ່າແຮງດີທີ່ໃຫ້ແກ່ປະຊາຄົມວິສາຫະກິດຂອງ 2 ປະເທດອີກດ້ວຍ. ສິ່ງດັ່ງກ່າວໄດ້ສະແດງໃຫ້ເຫັນຜ່ານການແລກປ່ຽນການຄ້າ 2 ສົ້ນລະຫວ່າງ ຫວຽດນາມ ແລະ ອີຢູ ທີ່ບັນລຸ 54,87 ຕື້ USD, ເພີ່ມຂຶ້ນກວ່າ 12% ເມື່ອທຽບໃສ່ໄລຍະດຽວກັນ.

ເຖິງວ່າ ຫວຽດນາມ ຖືກຜົນສະທ້ອນຢ່າງໜັກໜ່ວງຍ້ອນໂລກລະບາດຮອບທີ 4 ກໍ່ຕາມ, ແຕ່ເດືອນພະຈິກ ປີ 2021, ວົງເງິນການຄ້າ 2 ສົ້ນລະຫວ່າງ ຫວຽດນາມ - ອີຢູ ຍັງບັນລຸການເຕີບໂຕໜ້າປະເອີບໃຈ ດ້ວຍວົງເງິນສົ່ງອອກ-ນຳເຂົ້າບັນລຸ 51,3 ຕື້ USD, ເພີ່ມຂຶ້ນ 13,8% ເມື່ອທຽບໃສ່ໄລຍະດຽວກັນຂອງປີ 2020. ສຳລັບ EVFTA, ກຳລັງແກ່ງແຍ້ງ ແລະ ອັດຕາຂອງສິນຄ້າ ຫວຽດນາມ ນັບມື້ນັບໄດ້ຮັບການປົວແປງຢ່າງເຫັນໄດ້ຊັດຢູ່ຕະຫຼາດ ອີຢູ. ປະຈຸບັນ, ຫວຽດນາມ ແມ່ນຄູ່ຄ້າຢືນອັນດັບທີ 15 ຂອງ ອີຢູ; ກາຍເປັນຄູ່ຄ້າໃຫຍ່ທີ່ສຸດຂອງ ອີຢູ ໃນພາກພື້ນ ອາຊຽນ; ນອນໃນ top 10 ປະເທດສະໜອງສິນຄ້າໃຫຍ່ສຸດເຂົ້າຕະຫຼາດ ອີຢູ.

ຕາມບັນດານັກຊ່ຽວຊານດ້ານການຄ້າແລ້ວ, ຄວາມສາມາດບົ່ມຊ້ອນຂອງຕະຫຼາດ ອີຢູ ຍັງໃຫຍ່ຫຼວງພໍສົນຄວນສຳລັບວິສາຫະກິດ ຫວຽດນາມ, ເມື່ອພື້ນຖານເສດຖະກິດ ອີຢູ ຟື້ນຟູ, ເຕີບໂຕຄືນໃໝ່ ແລະ ຄວາມຕ້ອງການບໍລິໂພກ, ການນຳເຂົ້າສິນຄ້າຈະເພີ່ມຂຶ້ນ. ທ່າອ່ຽງຫັນປ່ຽນລະບົບສະໜອງ ແລະ ການລົງທຶນຈະນຳມາເຊິ່ງກາລະໂອກາດໃຫຍ່ຫຼວງໃຫ້ແກ່ ຫວຽດນາມ ໃນການເພີ່ມກຳລັງແກ່ງແຍ້ງ ແລະ ດຶງດູດການລົງທຶນຈາກ ອີຢູ ດ້ວຍພື້ນຖານຢ່າງໝັ້ນຄົງຈາກ ອີຢູ.

(ແຫຼ່ງຄັດຈາກ VOV)

ປະທານປະເທດ ໂຕເລີມ ພົບປະກັບພະມະຫາກະສັດ ກຳປູເຈຍ Norodom Sihamoni

ປະທານປະເທດ ໂຕເລີມ ພົບປະກັບພະມະຫາກະສັດ ກຳປູເຈຍ Norodom Sihamoni

ຕອນບ່າຍວັນທີ 12 ກໍລະກົດນີ້, ທ່ານປະທານປະເທດ ໂຕເລີມ ໄດ້ເດີນທາງເຖິງສະໜາມບິນສາກົນພະນົມເປັນ, ນະຄອນຫຼວງພະນົມເປັນ, ເລີ່ມຕົ້ນການຢ້ຽມຢາມທາງລັດຖະກິດຢູ່ລາຊະອານາຈັກກຳປູເຈຍແຕ່ວັນທີ 12-13 ກໍລະກົດນີ້, ຕາມຄຳເຊີນຂອງພະມະຫາກະສັດກຳປູເຈຍ Norodom Sihamoni .

Top