ນັບແຕ່ເວລາ 6 ໂມງ ຫາເວລາ 18 ໂມງຂອງວັນທີ 12 ສິງຫາ, ກະຊວງສາທາລະນະສຸກ ຫວຽດນາມ ປະກາດວ່າ ຫວຽດນາມ ຢັ້ງຢືນມີຜູ້ຕິດເຊື້ອຕື່ມອີກ 5.025 ຄົນ. ໄລ່ຮອດຕອນບ່າຍວັນທີ 12 ສິງຫາ, ທົ່ວປະເທດມີຜູ້ຕິດເຊື້ອພະຍາດໂຄວິດ - 19 ລວມທັງໝົດ 246.568 ຄົນ, ໃນນັ້ນມີຜູ້ໄດ້ຮັບການປິ່ນປົວຫາຍດີເປັນປົກກະຕິແມ່ນ 89.145 ຄົນ, ມີຜູ້ເສຍຊີວິດ 4.813 ຄົນ.
ສ່ວນຢູ່ໃນໂລກ, ໄລ່ຮອດຕອນເຊົ້າວັນທີ 12 ສິງຫາ, ໂລກໄດ້ຢັ້ງຢືນມີຜູ້ຕິດເຊື້ອພະຍາດໂຄວິດ - 19 ກ່ວາ 205,3 ລ້ານຄົນ, ໃນນັ້ນມີຜູ້ເສຍຊີວິດກ່ວາ 4,33 ລ້ານຄົນ. ອາເມລິກາຍັງຄົງແມ່ນປະເທດຖືກຜົນກະທົບຢ່າງໜັກໜ່ວງທີ່ສຸດຈາກໂລກລະບາດໂຄວິດ - 19, ຖັດຈາກນັ້ນແມ່ນ ອິນເດຍ ແລະ ບຣາຊິນ.
ປັດຈຸບັນ, ອາຊີພວມແມ່ນຈຸດຮ້ອນເຮັງຂອງ ໂລກລະບາດໂຄວິດ - 19 ດ້ວຍຈຳນວນຜູ້ຕິດເຊື້ອພະຍາດຕື່ມອີກ ນັບມື້ນັບເພີ່ມຂຶ້ນສູງໃນແຕ່ລະມື້ຢູ່ບາງປະເທດຄື: ອີຣານ, ອິນໂດເນເຊຍ, ໄທ, ມາເລເຊຍ, ຟີລິບປິນ, ຍີປຸ່ນ. ໃນຮອບເວລາ 24 ຊົ່ວໂມງທີ່ຜ່ານມາ, ທົ່ວພາກພື້ນຢັ້ງຢືນມີຜູ້ຕິດເຊື້ອພະຍາດໂຄວິດ - 19 ເກືອບ 189.000 ຄົນ ແລະ ມີຜູ້ເສຍຊີວິດປະມານ 3.300 ຄົນ.
(ແຫຼ່ງຄັດຈາກ VOV)
