ວັນທີ 19 ເມສາ, ຢູ່ຮ່າໂນ້ຍ, ສະມາຄົມພັດທະນາການຮ່ວມມືສາກົນ ຫວຽດນາມ - ລາວ - ກຳປູເຈຍ ໄດ້ປະກາດສ້າງຕັ້ງສະໂມສອນນັກທຸລະກິດ ຫວຽດນາມ - ອາຊຽນ ຢ່າງເປັນທາງການ, ພ້ອມທັງສະເໜີຕົວຄະນະຮັບຜິດຊອບ ສະໂມສອນ ແລະ ຮັບສະມາຊິກ. ຕາມທ່ານ ບຸ່ຍເຕື່ອງເລີນ, ຮອງປະທານຜູ້ປະຈຳການສະມາຄົມພັດທະນາການຮ່ວມມືເສດຖະກິດ ຫວຽດນາມ - ລາວ - ກຳປູເຈຍ, ຈຸດປະສົງຂອງການສ້າງຕັ້ງສະໂມສອນນັກທຸລະກິດ ຫວຽດນາມ - ອາຊຽນ ແມ່ນເພື່ອແນໃສ່ກຳແໜ້ນບັນດາແນວທາງ, ນະໂຍບາຍຢ່າງທັນການ; ສ້າງບ່ອນດຳເນີນຊີວິດດ້ານວັດທະນະທຳ, ຊອກຮູ້ຮີດຄອງປະເພນີ; ຊ່ວຍໃຫ້ວິສາຫະກິດຕອບສະໜອງຄຳຮຽກຮ້ອງກ່ຽວກັບກົດໝາຍວ່າດ້ວຍເສດຖະກິດ ແລະ ການລົງທຶນຢູ່ບັນດາປະເທດໃນພາກພື້ນ.
ຄຽງຂ້າງການພົວພັນແລກປ່ຽນ, ບັນດາສະມາຊິກສະໂມສອນນັກທຸລະກິດ ຫວຽດນາມ - ອາຊຽນ ຈະໄດ້ໜູນຊ່ວຍກ່ຽວກັບການບຳລຸງສ້າງ, ເພີ່ມທະວີການເຊື່ອມຕໍ່ເພື່ອສ້າງປະຊາຄົມວິສາຫະກິດ ພັດທະນາແບບຍືນຍົງ.
(ແຫຼ່ງຄັດຈາກ VOV)
