ຂ່າວສານ

ສະເຫລີມສະຫລອງ 60 ປີແຫ່ງວັນທ່ານປະທານໂຮ່ຈີມິນ ຢ້ຽມຢາມປະເທດ ໄອແຊກໄບຢານ

27/10/2019

ຕອນບ່າຍວັນທີ 24 ຕຸລາ ຢູ່ ນະຄອນຫລວງ Baku ປະເທດ ໄອແຊກໄບຢານ, ທ່ານນາງຮອງປະທານປະເທດຫວຽດນາມ ດັ້ງທິງອກທິ້ງ ເປັນເຈົ້າພາບພິທີສະເຫລີມສະຫລອງ 60 ປີແຫ່ງວັນທ່ານປະທານໂຮ່ຈີມິນ ຢ້ຽມຢາມ ໄອແຊກໄບຢານ (23/7/1959- 23/7/2019).

ທ່ານນາງຮອງປະທານປະເທດ ດັ້ງທິງອກທິ້ງ ພ້ອມກັບບັນດາຜູ້ຊ່ຽວຊານ, ພະນັກງານ ໄອແຊກໄບຢານ ທີ່ເຄີຍເຮັດວຽກຢູ່
ຫວຽດນາມ. ພາບ:TTXVN

ເຂົ້າຮ່ວມພິທີ ມີຄະນະຜູ້ແທນຫວຽດນາມ, ການນຳບັນດາກະຊວງການຕ່າງປະເທດ ແລະ ກະຊວງພະລັງງານ ໄອແຊກໄບຢານ, ບັນດາຜູ້ຊ່ຽວຊານດ້ານນ້ຳມັນອາຍແກສ ພ້ອມກັບເພື່ອນມິດ, ຜູ້ຊ່ຽວຊານ ໄອແຊກໄບຢານ ທີ່ເຄີຍດຳລົງຊີວິດ ແລະ ເຮັດວຽກຢູ່ຫວຽດນາມ ເປັນຈຳນວນຫລວງຫລາຍ.

ກ່າວຄຳເຫັນນະທີ່ນີ້, ທ່ານນາງຮອງປະທານປະເທດ ດັ້ງທິງອກທິ້ງ ໄດ້ທົບທວນຄືນການຢ້ຽມຢາມ Baku ຂອງທ່ານປະທານໂຮ່ຈີມິນ ກ່ອນນີ້ 60 ປີ ແລະ ຢືນຢັນວ່າ ນັບແຕ່ການຢ້ຽມຢາມຂອງທ່ານປະທານໂຮ່ຈີມິນ ຄັ້ງປະຫວັດສາດ ນັ້ນ, Baku ໄດ້ກາຍເປັນແບບຢ່າງ ເພື່ອໃຫ້ຫວຽດນາມ ພັດທະນາຂະແຫນງອຸດສາຫະກຳນ້ຳມັນອາຍແກສ ໃນວັນນີ້. ທ່ານນາງຮອງປະທານປະເທດ ຢືນຢັນ: ຫວຽດນາມ ຍາມໃດກໍ່ຈົດຈຳການປະກອບສ່ວນອັນໃຫຍ່ຫລວງ ຊື່ງ ປະຊາຊົນ ໄອແຊກໄບຢານ ໄດ້ສະຫງວນໃຫ້ແກ່ຫວຽດນາມ ໃນພາລະກິດຕໍ່ສູ້ປົດປ່ອຍຊາດກ່ອນນີ້ກໍ່ຄືໃນການສ້າງສາ ແລະ ປົກປັກຮັກສາປະເທດຊາດປະຈຸບັນ.

(ແຫຼ່ງຄັດຈາກ VOV)

ຖະແຫຼງຂ່າວໃຫ້ຕ່າງປະເທດແມ່ນໜຶ່ງໃນບັນດາປັດໄຈຍຸດທະສາດໃນພະລັງງານແຮງອ່ອນສັງລວມແຫ່ງຊາດ

14/12/2025
ຂ່າວສານ

ພິທີມອບລາງວັນແຫ່ງຊາດກ່ຽວກັບການຖະແຫຼງຂ່າວໃຫ້ຕ່າງປະເທດຄັ້ງທີ XI ປີ 2025 ໄດ້ດຳເນີນໃນຕອນຄ່ຳວັນທີ 12 ທັນວາ, ຢູ່ຮ່າໂນ້ຍ. ເມື່ອກ່າວຄຳເຫັນໃນເຫດການນີ້, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເນັ້ນໜັກວ່າ ວຽກງານຖະແຫຼງຂ່າວໃຫ້ຕ່າງປະເທດແມ່ນປັດໄຈຍຸດທະສາດໃນກຳລັງແຮງອ່ອນແຫ່ງຊາດ. ທ່ານກໍສະເໜີໃຫ້ສ້າງຖັນແຖວພະນັກງານເຮັດວຽກງານຖະແຫຼງຂ່າວຕ່າງປະເທດ ທີ່ມີຈັນຍາບັນ, ມີພູມປັນຍາຢ່າງຫຼັກແຫຼມ, ມີຫົວຄິດປະດິດສ້າງ, ມີຄວາມຮັບຜິດຊອບ, ມີຄວາມສຸດຈິດສຸດໃຈ, ມີວິໄສທັດ.