ຂ່າວສານ

ສະມັດຊາໃຫຍ່ສະຫະປະຊາຊາດຮັບຮອງເອົາມະຕິວ່າດ້ວຍການຮັບມືກັບໂລກລະບາດໂຄວິດ-19

13/09/2020

ວັນທີ 11 ກັນຍາ, ສະມັດຊາໃຫຍ່ສະຫະປະຊາຊາດໄດ້ຮັບຮອງເອົາມະຕິລວມມີເນື້ອໃນຫລາຍປະການ ເພື່ອແນໃສ່ສົ່ງເສີມການຮ່ວມມືສາກົນ ໃນການຮັບມືກັບໂລກລະບາດໂຄວິດ-19.

ສະມັດຊາໃຫຍ່ສະຫະປະຊາຊາດຮັບຮອງເອົາມະຕິວ່າດ້ວຍການຮັບມືກັບໂລກລະບາດໂຄວິດ-19 (ພາບ: AFP/TTXVN)

ມະຕິສະບັບດັ່ງກ່າວໄດ້ຮັບຮອງເອົາດ້ວຍການສະໜັບສະໜູນຂອງ 169/193 ປະເທດສະມາຊິກ. ອາເມລິກາ ແລະ ອິດສະລາແອັນ ປ່ອນບັດຄ້ານ, ໃນຂະນະທີ່ ຢູແກຼນ ແລະ ຮຸງກາຣີ ປ່ອນບັດຂາວ.

ມະຕິສະບັບດັ່ງກ່າວໄດ້ກຳນົດການຮ່ວມມືສາກົນ, ລັດທິຫລາຍຝ່າຍ ແລະ ຈິດໃຈຄວາມສາມັກຄີແມ່ນວິທີໜຶ່ງດຽວ ເພື່ອໃຫ້ໂລກຮັບມືກັບບັນດາວິກິດການທົ່ວໂລກຄືໂລກລະບາດໂຄວິດ-19 ໃນປະຈຸບັນຢ່າງມີປະສິດທິຜົນ. ມະຕິສະບັບດັ່ງກ່າວ ໄດ້ຍອມຮັບບົດບາດນຳພາຫຼັກແຫຼ່ງຂອງອົງການອະນາໄມໂລກ (WHO), ກໍ່ຄືບົດບາດພື້ນຖານຂອງລະບົບສະຫະປະຊາຊາດ ຄື “ທາດເລັງ” ແລະ ຊ່ວຍການປະສານງານໃນທົ່ວໂລກມີປະຕິກິລິຍາຮັບມືກັບໂລກລະບາດໂຄວິດ-19.

(ແຫຼ່ງຄັດຈາກ VOV)

ຖະແຫຼງຂ່າວໃຫ້ຕ່າງປະເທດແມ່ນໜຶ່ງໃນບັນດາປັດໄຈຍຸດທະສາດໃນພະລັງງານແຮງອ່ອນສັງລວມແຫ່ງຊາດ

14/12/2025
ຂ່າວສານ

ພິທີມອບລາງວັນແຫ່ງຊາດກ່ຽວກັບການຖະແຫຼງຂ່າວໃຫ້ຕ່າງປະເທດຄັ້ງທີ XI ປີ 2025 ໄດ້ດຳເນີນໃນຕອນຄ່ຳວັນທີ 12 ທັນວາ, ຢູ່ຮ່າໂນ້ຍ. ເມື່ອກ່າວຄຳເຫັນໃນເຫດການນີ້, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເນັ້ນໜັກວ່າ ວຽກງານຖະແຫຼງຂ່າວໃຫ້ຕ່າງປະເທດແມ່ນປັດໄຈຍຸດທະສາດໃນກຳລັງແຮງອ່ອນແຫ່ງຊາດ. ທ່ານກໍສະເໜີໃຫ້ສ້າງຖັນແຖວພະນັກງານເຮັດວຽກງານຖະແຫຼງຂ່າວຕ່າງປະເທດ ທີ່ມີຈັນຍາບັນ, ມີພູມປັນຍາຢ່າງຫຼັກແຫຼມ, ມີຫົວຄິດປະດິດສ້າງ, ມີຄວາມຮັບຜິດຊອບ, ມີຄວາມສຸດຈິດສຸດໃຈ, ມີວິໄສທັດ.