ພາບປະກອບ
ໂດຍສືບຕໍ່ລາຍການເຮັດວຽກຂອງກອງປະຊຸມສະໄໝສາມັນເທື່ອທີ 11 ສະພາແຫ່ງຊາດຊຸດທີ 13, ຕອນເຊົ້າວັນທີ 23/3, ບັນດາສະມາຊິກສະພາແຫ່ງຊາດ (ສສຊ) ໄດ້ປຶກສາຫາລືກ່ຽວກັບໝາກຜົນຂອງການປະຕິບັດໜ້າທີ່ພັດທະນາເສດຖະກິດ - ສັງຄົມປີ 2015, ໝາກຜົນແຫ່ງການປະຕິບັດ 5 ປີແຕ່ 2011 – 2015 ແລະ ແຜນການພັດທະນາເສດຖະກິດ - ສັງຄົມ 5 ປີ 2016 – 2020. ບັນດາ ສສຊ ຖືວ່າ: ດ້ວຍຄວາມມານະພະຍາຍາມຂອງທົ່ວພັກ, ທົ່ວປວງຊົນ, ທົ່ວກອງທັບສະພາບການດ້ານເສດຖະກິດ - ສັງຄົມຂອງ ຫວຽດນາມ ບັນລຸຫຼາຍຜົນງານຢ່າງຕັ້ງໜ້າ. ໄລຍະ 5 ປີ 2011 – 2015, ຫວຽດນາມ ໄດ້ຄວບຄຸມໄພເງິນເຟີ້, ເສດຖະກິດມະຫາພາກເປັນປົກກະຕິໂດຍພື້ນຖານ, ດັດຊະນີມູນຄ່າການອຸປະໂພກບໍລິໂພກຫລຸດຈາກ 18,13% ໃນປີ 2011 ລົງເຫຼືອພຽງ 0,6% ໃນປີ 2015…
ກໍ່ໃນວາລະເຮັດວຽກໃນຕອນເຊົ້າ, ກ່ຽວກັບການປຶກສາຫາລືແຜນການນຳໃຊ້ທີ່ດິນໄລຍະ 5 ປີ 2016 – 2020, ບັນດາ ສສຊ ໄດ້ສະແດງຄວາມວິຕົກວັງວົນຕໍ່ໜ້າສະພາບການປ່ຽນແປງຂອງດິນຟ້າອາກາດພວມເກີດຂຶ້ນຢູ່ພາກກາງ, ເຂດໄຕງວຽນ, ເຂດທົ່ວພຽງແມ່ນຳ້ຂອງຕອນພາກໃຕ້ ຫວຽດນາມ ອັນໄດ້ກໍ່ຜົນສະທ້ອນໃຫຍ່ຫຼວງເຖິງການຜະລິດ ແລະ ຊີວິດຂອງປະຊາຊົນ. ສສຊ ຫຼາຍທ່ານສະເໜີແຜນການນຳໃຊ້ທີ່ດິນ 5 ປີຈະມາເຖິງ, ຕ້ອງເອົາໃຈໃສ່ຖືກລະດັບເພື່ອຂະຫຍາຍເນື້ອທີ່ປ່າ. ທ່ານ ຮ່ວາງງອກຢູ້ງ, ສສຊ ແຂວງ ເຊີນລາ, ຖືວ່າ:
“ນະໂຍບາຍປົກປ້ອງ, ຂະຫຍາຍເນື້ອທີປ່າໃນປະຈຸບັນຍັງບໍ່ທັນຕອບສະໜອງຄວາມຮຽກຮ້ອງຕ້ອງການອັນຮີບດ່ວນກ່ຽວກັບສິ່ງແວດລ້ອມ ແລະ ການປ່ຽນແປງຂອງດິນຟ້າອາກາດໄດ້ເທື່ອ. ຕ້ອງຕີລາຄາຢ່າງເຂັ້ມງວດໃນການປະຕິບັດມາດຖານເພີ່ມລະດັບເນື້ອທີ່ປ່າຢູ່ໃນແງ່ຂອງການປົກປັກຮັກສາສິ່ງແວດລ້ອມ ແລະ ພັດທະນາເສດຖະກິດສັງຄົມຂອງປະເທດຊາດ. ອາຍຸການຈະມາເຖິງ, ຕ້ອງປັບປຸງນະໂຍບາຍກົດໝາຍກ່ຽວກັບການປົກປ້ອງ, ການຂະຫຍາຍເນື້ອທ່ີປ່າ, ຄວນສ້າງການຫັນປ່ຽນຢ່າງແຮງກ່ຽວກັບການປົກປ້ອງ ແລະ ພັດທະນາປ່າ. ນີ້ແມ່ນບັນຫາຮີບດ່ວນທີ່ກະທົບເຖິງຄວາມປອດໄພ, ພະລັງຊີວິດຂອງພື້ນຖານເສດຖະກິດ.”
ກໍ່ໃນວາລະເຮັດວຽກໃນຕອນເຊົ້າ, ກ່ຽວກັບການປຶກສາຫາລືແຜນການນຳໃຊ້ທີ່ດິນໄລຍະ 5 ປີ 2016 – 2020, ບັນດາ ສສຊ ໄດ້ສະແດງຄວາມວິຕົກວັງວົນຕໍ່ໜ້າສະພາບການປ່ຽນແປງຂອງດິນຟ້າອາກາດພວມເກີດຂຶ້ນຢູ່ພາກກາງ, ເຂດໄຕງວຽນ, ເຂດທົ່ວພຽງແມ່ນຳ້ຂອງຕອນພາກໃຕ້ ຫວຽດນາມ ອັນໄດ້ກໍ່ຜົນສະທ້ອນໃຫຍ່ຫຼວງເຖິງການຜະລິດ ແລະ ຊີວິດຂອງປະຊາຊົນ. ສສຊ ຫຼາຍທ່ານສະເໜີແຜນການນຳໃຊ້ທີ່ດິນ 5 ປີຈະມາເຖິງ, ຕ້ອງເອົາໃຈໃສ່ຖືກລະດັບເພື່ອຂະຫຍາຍເນື້ອທີ່ປ່າ. ທ່ານ ຮ່ວາງງອກຢູ້ງ, ສສຊ ແຂວງ ເຊີນລາ, ຖືວ່າ:
“ນະໂຍບາຍປົກປ້ອງ, ຂະຫຍາຍເນື້ອທີປ່າໃນປະຈຸບັນຍັງບໍ່ທັນຕອບສະໜອງຄວາມຮຽກຮ້ອງຕ້ອງການອັນຮີບດ່ວນກ່ຽວກັບສິ່ງແວດລ້ອມ ແລະ ການປ່ຽນແປງຂອງດິນຟ້າອາກາດໄດ້ເທື່ອ. ຕ້ອງຕີລາຄາຢ່າງເຂັ້ມງວດໃນການປະຕິບັດມາດຖານເພີ່ມລະດັບເນື້ອທີ່ປ່າຢູ່ໃນແງ່ຂອງການປົກປັກຮັກສາສິ່ງແວດລ້ອມ ແລະ ພັດທະນາເສດຖະກິດສັງຄົມຂອງປະເທດຊາດ. ອາຍຸການຈະມາເຖິງ, ຕ້ອງປັບປຸງນະໂຍບາຍກົດໝາຍກ່ຽວກັບການປົກປ້ອງ, ການຂະຫຍາຍເນື້ອທ່ີປ່າ, ຄວນສ້າງການຫັນປ່ຽນຢ່າງແຮງກ່ຽວກັບການປົກປ້ອງ ແລະ ພັດທະນາປ່າ. ນີ້ແມ່ນບັນຫາຮີບດ່ວນທີ່ກະທົບເຖິງຄວາມປອດໄພ, ພະລັງຊີວິດຂອງພື້ນຖານເສດຖະກິດ.”
(ແຫຼ່ງຄັດຈາກ VOV)
