• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ສະພາບການໂລກລະບາດ Covid-19 ຢູ່ ຫວຽດນາມ ຍັງຢູ່ໃນສະພາບ ຄວບຄຸມໄດ້

ທີ່ກອງປະຊຸມອອນລາຍໃນຕອນເຊົ້າວັນທີ 27 ມີນາ, ຄະນະຊີ້ນຳແຫ່ງຊາດກ່ຽວກັບການປ້ອງກັນ, ສະກັດກັ້ນໂລກລະບາດ Covid-19 ໄດ້ຢັ້ງຢືນວ່າ ສະພາບການໂລກລະບາດ Covid-19 ຢູ່ ຫວຽດນາມ ຍັງຢູ່ໃນສະພາບທີ່ສາມາດ ຄວບຄຸມໄດ້ຢູ່. ທ່ານຮອງນາຍົກລັດຖະມົນຕີ ຫວຽດນາມ ຫວູດຶກດາມ ເປັນປະທານກອງປະຊຸມ.

(ພາບປະກອບ)

ທີ່ກອງປະຊຸມ, ທ່ານຮອງນາຍົກລັດຖະມົນຕີ ຫວູດຶກດາມ ໄດ້ຮຽກຮ້ອງໃຫ້ນະຄອນ ໂຮ່ຈີມິນ ສຸມໃສ່ແກ້ໄຂແຫຼ່ງແຜ່ເຊື້ອພະຍາດຢູ່ຮ້ານ bar Buhda ຢ່າງມີປະສິດທິຜົນ. ສ່ວນຢູ່ນະຄອນ ຮ່າໂນ້ຍ, ນອກຈາກການແກ້ໄຂແຫຼ່ງແຜ່ເຊື້ອພະຍາດຢູ່ໂຮງໝໍ ແບັກມາຍ ແລ້ວ, ບັນດາອົງການເຈົ້າໜ້າທີ່ ກໍ່ຄວນເອົາໃຈໃສ່ເຖິງບັນດາແຫຼ່ງແຜ່ ເຊື້ອພະຍາດທີ່ອາດຈະເກີດຂຶ້ນຈາກບັນດາແຫຼ່ງແຜ່ເຊື້ອພະຍາດໃຫຍ່.

        ກ່ຽວກັບບັນຫາການຈັດຕັ້ງແຍກຕົວລວມໝູ່ສຳລັບຜູ້ເຂົ້າເມືອງ, ພ້ອມກັບບັນດາຮາກຖານແຍກຕົວຂອງກອງທັບແລ້ວ, ໃນປັດຈຸບັນ ພວມຈັດຕັ້ງການແຍກຕົວລວມໝູ່ ຢູ່ຕາມຮາກຖານພົນລະເຮືອນຕ່າງໆ. ຄະນະຊີ້ນຳແຫ່ງຊາດຖືວ່າ: ວຽກງານນີ້ຄວນມອບໃຫ້ປະທານຄະນະກຳມະການປະຊາຊົນທຸກຂັ້ນຊີ້ນຳ, ອົງການ ຕຳຫລວດເປັນຫົວໜ່ວຍຮັບຜິດຊອບ, ເປັນຜູ້ບັນຊາສູງສຸດ, ຂະແໜງສາທາລະນະສຸກສົມທົບກັນ ແນະນຳກ່ຽວກັບດ້ານວິຊາການ. ກຳລັງຕຳຫລວດກໍ່ມີຄວາມຮັບຜິດຊອບຕົ້ນຕໍໃນການຄວບຄຸມບັນດາກໍລະນີແຍກຕົວຢູ່ເຮືອນສ່ວນຕົວ.

(ແຫຼ່ງຄັດຈາກ VOV)

ມະຕິເລກທີ 43 ກ່ຽວກັບການຟື້ນຟູເສດຖະກິດ - ສັງຄົມໄດ້ນຳມາເຊິ່ງປະສິດທິຜົນ

ມະຕິເລກທີ 43 ກ່ຽວກັບການຟື້ນຟູເສດຖະກິດ - ສັງຄົມໄດ້ນຳມາເຊິ່ງປະສິດທິຜົນ

ຕອນເຊົ້າວັນທີ 25 ພຶດສະພາ, ສືບຕໍ່ ກອງປະຊຸມສະໄໝສາມັນເທື່ອທີ 7 ຂອງສະພາ ແຫ່ງຊາດຊຸດທີ 15, ບັນດາ ສ.ສ.ຊ ໄດ້ປຶກສາຫາລືຢູ່ຫໍປະຊຸມກ່ຽວກັບບົດລາຍງານຂອງຄະນະຕິດຕາມກວດກາ ແລະ ຮ່າງມະຕິຂອງ ສະພາແຫ່ງຊາດກ່ຽວກັບໝາກຜົນການຕິດຕາມກວດກາຫົວເລື່ອງ “ການປະຕິບັດມະຕິເລກທີ 43 ກ່ຽວກັບນະໂຍບາຍປີການເງິນ, ເງິນຕາເພື່ອໜູນຊ່ວຍໂຄງການຟື້ນຟູ ແລະ ພັດທະນາເສດຖະກິດ - ສັງຄົມ ແລະ ມະຕິຂອງສະພາແຫ່ງຊາດກ່ຽວກັບບາງໂຄງການສຳຄັນຂອງຊາດຮອດທ້າຍປີ 2023”.

Top